Якстере теште/1924/30/Эрзянь аватне тевс кундасть
| ←Роботась аватнэнь ютксо | Якстере теште, № 30, 8 октября 1924 г. редактор Глухов, Пётр Семёнович Эрзянь аватне тевс кундасть сёрмадызе „Кармалонь авине“ |
Советень Масторга→ |
| Якстере теште. Еженедельный орган Мордовской секции при Ц. К. Р. К. П. (б.). — № 30, 8 октября 1924 г. — с. 3 |
| Эрзянь аватне тевс кундасть. |
| (С.-Кармала, Бугурусл. у., Самарской губ.). |
С.-Кормала велесонть аватне ванцть-ванцть церань роботанть ланкс и сынць думазевсть, пряст кепидеме. Тейсть авань собрания, кочкасть эйстэст бюро и нолдызь тевенть седе енсто икелев. Ней сынь кармасть тейнеме спектакольть. И тозой аватнень истяк нолдыть, а цератнень кецто саить ярмокт. Даже остатка аватнень мелезэст паро, што сынцт ялгаст кундасть вадрясто роботас.
Цератне ваныть бокасо и мерить. Ванодо месть тейнить. Минь думинек што ава грешной ломань мезияк а машты роботамо. Коли и мейлияк кармить! А тынь, цера ялгат, пособлядо тенст косо пек труднасто карми неявомо или удалов корминь деряйть кадувомо.
Ней ведь совецкой масторцо аватненень-гак максть истямо жо свобода, кода и церанень!
Саты аватне кирцть церань покш-прякайсиманть. Ней эряви кепедемс верев и пек верев авань роботань, штобо те роботась неявозо. Кармалонь ават, ускинк те роботантей Соковкань и Богдановкань аватнень, а то сынь уш тосо матидевсть самагононь панезь банява ды берик чирива!
Кияк миненек а максы свобода эстеденек башка а пазось, а инязорась, а поптнэ. Аньсяк сесто минек эрямонок карми паро улиме, кода минць а карматанок нувсеме и мирдень пильгива сюконякшнома: а мезень кис.
Адядо ават вадря киява. Сыргадо валдо эрямонтей!
„Кармалонь авине“.