| 4 | ЯКСТЕРЕ ТЕШТЕ. | № 30 |
| Видьмень анокстамо. |
Сы иестоньть Сельсоюзось арси анокстамс 1 миллион 700 тысьцят понт сюро видьметь.
| Кормовой тикше видьмень анокстамо. |
Сельсоюзось получась кредит кормовой тикшень видьмннь анокстамо. Те шкамс Сельсоюзось уш анокстась 12 вагот викань видьметь ды тейсь договор сельско-хозяйственной кооперациянь союзтнэнь марто, конань кувалт сынь анокстыть 40 тысьця понт клевер шикше видьметь дэ 3 тысьця 200 пондо тимофеевкань видьметь.
| Сюронь ачачома губерняв скотинатнень ускомань чис саеть алка тариф. |
Наркомпуть уставась алка тариф (кшнинь киява ускома питне) вачо губерняв скотинань ускомо. Те тарифсоньть эрьва целковойстоньть каить 35 копийкат. Эстямо питнесе кармить ускомо сы иень маень 1-ой числас.
| Од таркасо эрицятненень пособлить. |
Наркомземось нолдась 80 тысьця целковой ярмакт. Не ярмакнень эйсэ кармить пособлямо сетнень, конат шачома таркастост тусть эрямо од таркас кудонь кардозонь строямо.
Теде башка нолдасьть 54 тысьца целковойть, конатнень лангс рамить алашат ды явсызь сынст сюронь ашачома таркатнень эзга сокицятненень.
| Наркомземось аноксты эрьва мезень лугань тикше видьметь. |
Сы иенти Наркомземось арси рамамо лия мастарсо 1.100 пондо эрьва мезень лугань тикше видьметь ды эсинек масторсо 25 тысьця понд.
| Китаень масторсо рамить алашат. |
Сельсоюзось тейсь договор Китаень купецьнень марто, конань кувалт сынь анокстыть 4.700 алаша не алашатнень явшисызь сюронь ачачома таркава.
| Лия масторга. |
| Румыниясо. |
Бессарабиясэ сюровидицятне яло тюрить Румыниянь войскатнень марто.
| Китяйсэ. |
Гражданской войнась чисто чис яло виимгадэ.
| Польшасо. |
Польшань сюровидицятне правительстваст марто бароцеть.
| ВЕЛЕНЬ СЁРМАТ. |
| „Ладясызь ен ули а ладясызь кавксть паро уле“. |
| (С. Тимяшево, Шенталинск. вол., Бугурусл. у., Самарской губ.). |
Минек веленок пек васоло ашти уездной городстонть, безмалово 130 вайгильбешка, а волостьстонть 20 вайгильбе. Велесонок эрицятне сякойть: эрьзят, чувашт и кавто колмо кардаз татарт. Велесонок ули комсомолонь ячейканок и школанок 7-летка сон числится как бутто чуважонь, но сетаки улить тосо тонафинцятне знярок эрьзят секс, што волостьканок ламо эрицят эрьзят весемезо 12 тыща пельмаро. Роботась как будто моли а пек беряньстэ — учитильтнияк пособлить аламошкадо.
Велисэнэкь ули миньценек эрьзя учитель. Мелят тонафсь сон Костюшкинасо, а ней думси тонафтомо эсиндо чачома велесо лемезо те ломаненть Никифор Никифорович Синдячкин. А умок велесонок кочкизь сонзэ членокс сельсоветов. Коли ладясызь минек Тимяшевас сондо, то пакшатнень тонафценде эсиндо койсо, а то ваявсынде пелест кумышка бордас. Волостной стенной газецонтькак сондо сермадызь рисувизь. Видестэ сермацьть как меля телень берть Костюшкинасо симнесь апак лотксе кумышкадо. Синдячкин шны прянзэ, буто сонзэ кис хлопучи сельсоветось и сермац кувалманзо бумажка. А ки сермадызе бумажканть? Содазь ки, сонц Синдячкин ялгась эсь пряндо коряс.
Истяк роботась лац моли, а коли Синдячкин ялганть ладясызь учителькс, то тефни удалов потамо кармить.
Волостной председатель ялгай, варштак те учителенть ланкс и кефксник эйстондо кой месть, кода сон икеле роботась и симнесь. А лац тефтне авольть туй!
В. А. Платонов.
| Анок пизэнь варака. |
| (Уфимской губернянь, Белебеевской кантононь Каминка веле). |
Веленок покш. Ули эйсэнзэ школа. Тонафтыцятне — вейкесь учитель, омбоцесь учительница. Ютась теленть тонафцть сынь кавонест пекь парьстэ. Учителесь вете урокто мейле эрьва чине тонавсь цера пакшатнень солдатокс (гимнастикас), а учитильницась тейтерьнетнень тонавсь кеце тевс. Весе велень эйкакшне и од ломатне пекь покш лезэ эйстост нейсть. Тунда, кода лоткасть эйкакшонь тонафтомо, сынь организовали комсомолонь ячейка. Эрьва бразникстэ теильть спектаклят и рузонь и эрьзнь кельсэ. Учительницась получе эрьзянь газет „Якстере Теште“ ды кафто колмо рузонь газет. Весе не газетнэнь ловны сон минекь велень пакшатненень. Од ломатне пекь тоналесть школаньти и учительтненень. Тевенекь мольсть вадрясто. Аволь умок паньжсть ловнома кудо, козой седеяк ламо кармасть якамо од ломать. Бразникстэ сыре атятне ютыть церкував, а минь од цёратне и тейтерьтне вейкень пес ловнома кудос. Кармасть марьцеме минекь веледэньть лия велеть и омбо велень учительть.
Весекнэнь мелест ульнесь понгомс истямо анок таркас. Марясь те тевденьть школань инспектор, тошкась-тейсь месткомонь марто и арафтызе минек велень школав эсь балдузонзо, а минек велень эрьзянь учительницаньть кучизе чуваж велесь. Велень народось марясь те тевденьть сестэ, кода сась од учительницась. Весе веленьти жаль сась од учительницась и эйкакшонь пес кармасть кортамо, кода бу анолдамс сонзо чуваж велес. Теиксельть промкс, пелезевсть: „сон, аля, инспекторонь балдузозо, курок мусы таркат“. Кувсесьть, кувсесьть велинекь ды текень марто кадовсть. А ней маряви учителенок-как инспекторось думси, панеманзо, а тарказонзо норови эсь козийканзо арафтомс. Учителенок нать кучсазо татар велевь.
Каминкань эрьзя.
Редакциянь пельде.
Каминкань эрьзяньтень редакциясь энялды, штобу сон сёрмадоволь, кодат фамилияст Каминкань паро тонафтыцятнень. Сестэ редакциясь мусы киньть, кода витимс тевенть.
| Ней сыньгак кармасть кемиме. |
Тедиде тельнят ощо тонавтозь ломатне кармасть сермадомо газецэ Рав лангонь (Волгань) коське кизэнть эйтсэ.
Тунда, сокамо ланга кавксть ульнесть низиметь. Миник Ашо-Ведь велень эрзятне кармасть кортамо: „Илядо кемть сермадыцетнень, кинень пазонь тевензэ содавить. Несэнк, пазось вана пизимеяк максы“.
Ней вана сыньгак кармасть кемиме. Ванта, мереть, тонавтозь ломатне икилев содыть, месть улить.
Ашо-Ведень эрзя.
| Наксафтым. |
| (Кузн. уез., Саратовской губ.). |
Те вялесь эрзянь велетнень эйстэ сех покш. Уле эйсонзо яч. РКП (б) и РКСМ, конат роботыть парсте. Руководительтне эсь ютковаст и веле ланга тейнеть докладт республиканть эрямо чинзо кувалмо и лият. Уле Народной дом, косо тейнить спектаклят, больше бажыть путнеме эрзянь кельсэ, но арасть эрьянь пьескат. Ловнолча кудонть тевензэ аштить берянстэ. Кинигат арасть — газет тоже арасть.
Юткстост велесэньть ниле учительть. Кафтытне руст. Аламышкада роботыть велень просветительной тявсэнть, но авуль весе.
Просветительный роботась эряви арафтомс седе парсте, штобу маласо эрьзень велетнень Наксафтымысь улевель примеркс.
Вася Леляй.
| А весе истят. |
| (Ашо ведь веле, Корсунск. уез., Ульяновск. губ.). |
Миник велисэ 15 ие тонавты учительница В. М. Кувакина. Сон миник велень эрьзява, а эрзетнень стувтынде. А библиотека, а читальня арэсь велисэнек. Просвещениень тевись сондо лангсо ащи, а сондо превсындэяк арасть истят тевть. Аздавияк, буто араськак школа велисэнек.
Эрзянь церакай.
| СЕРМАНЬ ПАРГО. |
Тягушевнень, агрономнень. Тонь статьенть пендэ учиник, учиник, эзь учивт. Нолдыник лия. Сермат. Минь учитям пельдеть агрономической статьят.
Маркеловнень, В. Ф. (Ленинград). Тон мереть кучниме теть газет, адрескак кадыть, а ярмак эзить кат. Ярмактуму минь ней а кучнитям.
Родионовнень. Сюронь питнеде эряволь тонеть кучмокс рузунь газец. Те статьят минь а печатасынек.
Кочетовнень П. Тонь кучух картинканть минь эзиник нолдэк. Миник арасть ярмакунок теивтимс сонзо газец.
Осиповнень. Тонь омбоце сермась икилень кондямо, секс сондо эзинек нолдак.
Абрамовнень. Миненек эрявить анцяк эрзень седекилень морот, конатнень эйсэ авулть уль рузунь валт. Седекиле эрзетне рускс а маштылть, рузунь валт-как эсть кунце моросост.
Эрзень кельце кинигат минь серматтам планунь коряс, авуль кинень кодамо мелезэндэ туи. Тельня минь кортнитям тонь марто тень кувалт. Лецтяк миненек коневсо. Кучник статьят. Миненек эряви содамкс тонь кортамунть.
Издатель: Центр. Издат. Народов СССР. |
| |||||||||||||||
| Главлит № 21.688. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
