Якстере теште/1924/12/Эрзянь секциянь РКП. (б). секретаринь промкс
| ←Кавто киява | Якстере теште, № 12, 26 апреля 1924 г. edited by Васильев, Тимофей Васильевич Эрзянь секциянь РКП. (б). секретаринь промкс |
Ленин ды нациетни→ |
| Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 2—3 |
| Эрзянь секциянь РКП. (б). секретаринь промкс. |
Те промксонть умок уж эряволь бу пурнамс, но шкатнэ ульнесть пек берят и анцяк те иестэсть савсь сонзэ пурнамс. Коть шкась тожо ульнесь а паро (самай се шкастость кулось Ленин), но тев сон тейсь ламо. Весемеде сон думась, эрьва ендо варчтась эрзянь эрямонть лангс, кода бу парынестэ сонзэ витмекс. Весе не думатнень сон сермадынзэ конев лангс и макссыньде ванмокс Агитпропотдельнэнь ЦКРКП (б). конась ванынзе и утвердинзе.
Не думатнэ вана кодат:
| Партийной тев ланга: |
1. Эрзянь эстэде аламо, роботникт, конатнэ парсте содыть национальной робута, конатнэ парт марксист. Совещаниясь истя думи, что эряви ламине кучномс тонафлеме эрзянь церат-тейтерть совпартшколас и Коммунистический униветситец. Сынст эстэде и теевить парт роботникт.
Парторганам эряви макснемс училищава ламине тарка эрзянень. Сестэ анцяк кармить ульме, ламо парт роботникт эрзя ютксо.
2. Эряви парынестэ варчтамс, кода моли политвоспитаниясь минек педтехникумсо. Эряви весеменень забутямс, и эрзянь секциянень, и парторганизациянень, чтобу тозо кучмокс парынеть учителть.
3. Не педтехникумтнэсэ аламо общественно - политической литература (книгат). Сынстенст истямо литературась а рамави, сынь пек беднойть. Вана секс центральной секциястень эряви забутямс, кода бу муймекс истямо литература и кучмокс педтехникумс.
4. Общественно-политической литературась пек ламо парозо. Секс сонзэ эстеде эряви ламине сермадмокс и кучмокс эрзя юткс. Но сермадмокс эряви истя, чтобу сонзэ можна улизэ чаркодьмекс, чтобу улизэ картинка марто и, чтобу улизэ сермадозь истямо тевде, конадость эряви содамкс велен ломанстень.
5. Весе эрянь робутадость эряви сермадмокс газец чтобу весеменень содамс, кода моли те робутась.
6. Эряви седе пек забутямс велень ячейкатнэ ланга, ванмокс, мезе сынь теить, маштыть ли робутыть, роботыть ли партийной и советской тев.
7. Сех виев велень ячейкава теймекс кружокт, конатнэсэ эряви тонафтомс политграмотась эрзянь кельце.
8. Чтобу иляст улть коневс а маштыця ялгат, эряви эрьва истямо ялгастень ладямс грамотной ялга, чтобу сон тонафтувлизе а маштыця ялганть ловномо коневс.
9. Те тевстень (п. п. 7 и 8) эряви тердемс и не беспартийной учительтнень, конатнэ ащить советской властинь кис.
10. Кучмокс ячейкатнэнень марксисткой литература минцинек и рузунь кельце.
11. Эряви теймекс истямо порядка, чтобу ячейкань секретартне ве волостинь (велень) якаст ванмо, кода моли тевсь омбоце велостинь (велень).
12. Эрзянь коммунистнэнень эряви теймекс парыне связь весе эрзятнэ марто и эряви тенст тейнемс эрзязнь кельне эрьва кодат докладт велень хозяйствадо, эряви тейнемкс промкст вейсэ беспартийнойте марто.
13. Весе эрзянь коммунистнэнень и комсомолецнэнень эряви парынестэ агитировать, чтобу ламине ломать рамаст минцинек газет и истяжо сермадост газец велень тевде.
14. Эрзянь студентнэ, конат тонафлить Московсо, весе эрявить тердемс робутамо эрзя ютксо. Кизна кармавтомс сынст роботамо велева, тельня-литературной тевсэ.
15. Эряви не тевтень жо кис (п. п. 12 и 13) велямс минек робутас шефства, чтобу кодамияк организация кармазо сех пек забутямо, мерьмекс, педтехникум лангсо, велень совет лангсо.
16. Ней неяви, что эрзянь молодежесь кармась седи пек а кемиме пазнынь и а якамо церкувас. Эряви тенст посубамс седе курок калмокс ды истувтомс те дурманост — озномонь тевсть.
Вана истямо партийной робута эряви ведямс миник коммунистнэнень. Но чтобу сонзэ парынестэ велямс, эряви вана еще мезе теймекс, кода мерсь сорещаниесь.
1. Весе эрзянь коммунистнэнень теймекс учет и эрьва ялгасть кармафтомс роботамо эрзя ютксо.
2. Эряви, чтобу учраспредт совитяст эрзян секция марто, зярдо сави максомс командировка эрзянь коммунистнэнь. Косо арась секция, то эряви, чтобу эрзень комунистнэ получаст командировкат эрзя юткс робутамо.
3. Эряви велямс парыне учет не ялгатнэнень, конатнэ курок лоткить тонафлеме партшколасо и комвузцо. Сынст эряви кучмокс робутамо тов. косо аламо роботникт.
4. Эряви чтобу эрзянь роботникт робутаст весе губерснской партаппарацо, чтобу коть вейке-вейке ломань да улезэ Губкомсо и Укомсо.
5. Чтобу роботась улезэ парыне, чтобу весе роботникне содаст мезе и кода теймекс, эряви вана мезе.
а) седи сеецтэ эряви инструктировать уездной секциятнэнь.
б) Эрьва пельиень (пеле год) ютазь пурнакшномс промкс губернской и уездной эрзянь роботниктэ.
в) Шкасто тердикшнэмс Московов губернской секретартнэнь доклад марто.
г) Иестэ весть пурнакшномс промкс эрзень коммунистынь.
6. Эрийть истят случайть, что апак кевсть вере ащицянь парторганизациянь кучныть эрзянь роботниктнэсэ лия робутас, истя жо пекслить и секциатнэсэ. Эряви пе путмокс истямо тевтненень и верде кучмокс циркуляр, чтобу ало парторганизацият лоткаст истя тейнеме.
7. Эряви забутямс, чтобу эрзянь секциясь содазо, кода моли робутась сонцинзэ агитпросо и истя жо агитропстень эряви содамс, кода моли секциянь тевсь.
| Робота ава-ломань ютксо. |
Мезе совещаниясь думась те тевсть ланга, кода бу эрзя авасть кармафтомс роботамо обществань тев, кода бу сон
[ 3 ]
зэ седи превияфтомс, тонафтомс книгас.
Те тевсть ланга совещаниясь вана мезе мерсь:
Эрзянь авась а машты сермас. Сон пек лияць рузавадо и рузунь кель азды. Кудосо сон истя жо роботы, кода цера, но праванзо сонзэ арасть. Эрзя ава ютксо робута невак арась, но уже неяви, что од ава-ломатне сынць кармасть сыргозьме и порксамо ташто эрямосостт. Вана мейсь и эряви парынестэ кундамс робутастень ава-ломань ютксо. Но те тевсэсть эрявить ряц ладямс ломать-инструкторт, конатнэ кармить тонафтомо ава ломатнесэ робутамо сельсовеце, кооперациясо. Истяжо эряви тонафтомс сынст сермас, сермадмокс тенст книгат, газет.
| Робута од ломань ютксо. |
Те робутась пек беряньстэ ащи эрзянь од ломань ютксо. Арасть роботникт, арась литература. Но сынць од ломатне пек кармасть робутамо, и комсомольской ячейкат тейме, и тонафлеме, и даже обществань тев тейме. Эряви максомс помога тенст. Эряви ладямс ряц инструкторт, сермадмокс эрьва кодат книгат.
Зярдо сави кучмокс покш училищав тонафлеме, то васняткак эряви кучмокс комсомолецинь. Комсомолецнень эряви тердемс и общественной робута тейме (боруцямо самогон марто, взяточник марто, антирелигиозной пропагандань ветямо). Истя жо сынст эряви кармафтомо тонавтомо сермас амаштыця сермас ломатнень.
Эряви велева кармамс сермадомо стенной газет. Те тевстень кармафтомс комсомолецинь и члентнэнь РКП.
| Советской робута. |
Тень кувалт вана мезе думась совещаниясь:
Эрзя берякс робуты советской учреждениясо. Советка или учреждениява пек аламо эрзятнеде. Секс эрзясь седияк пек кармась кадовомо удалов. Эрзятнэ весе эрить велева, сынь весе сюровидицят, эрить сынцист эрямосо и течень чис несак парынестэ аздыть советской властедест.
Эрзянь келить пока косыяк арасть праванзо, а училищасо, а учреждениява. Рузунь жо келць берякс чаркудеви эрзянень, и сон, эрзясь, корты рускс анцяк советской учреждениясо, косо лиясто пеедить лангсунзо, зярдо сон берякс корты.
Эрзя пек лияць и хозяйственной тевсэ. Течень чис сон соки колмо паксясо и сокасо, асды, кода седи паро робутамс. Кооперативной тев пек беряньстэ моли эрзя ютксо, сельско-хозяйственной кредит а пачкоди тензэ.
Совещаниясь думи, что вана мезе эряви теймекс эрзя ютксо:
1. Эряви истя теймекс, чтобу седи ламине робутаст эрзят эрьва кодамо учреждениява, исполкомга, милициява, судга и кооперативга.
2. Эряви, чтобу улест эрзянь представителть Национальной Совеце ВЦИКсэ и губисполкомга.
3. Эряви, чтобу ломансь илязо пель и висть кортамо эрзянь кельцэ эрьва кодамо учреждениява и чтобу даже кодамояк конев сермадозо сонцинзэ кельсэ. Ки карми пеедьме одижа лангсо, кель лангсо или а мерьме сермадомо и кортамо эрзянь кельце, истят ломатнень эряви паньмекс учреждениясто. Эряви истяжо парынестэ кармамс боруцямо самогонунь марто, взяткань марто.
4. Эряви парынестэ толкувамс эрзятнэнень сынцист кельце эрьва кодат декрет и распоряженият, конатнэсэ теи правительствась, чтобу ачаркудицят иляст улть.
5. Зярдо и косо кармить покшулгафтомо волостьнесэ, то ванмокс эряви, чтобу эрзятнэ иляст розняв, чтобу пурнавост ве районс.
6. Эряви парыне ветямс агитация эрзятнэ ютксо, чтобу сынь теест кооперацият. Анцяк кооперациянь вийсэ сынь вицизь эрямост.
7. Минек аламо эрьва кодат роботникт (кооперативной, судебной, милицейской). Эряви теймекс курст и теймекс истят роботникт.
8. Эряви посубамс эрьва кода, чтобу эрзя ютксо улест ламине кустарной промыслат и сельско-хозяйттвенной предприятият.
9. Зярдо арендас кармить максомо фондовой мода, то эряви, чтобу эрзятнэ тожо иляст улть обидяв.
10. Эряви парынестэ варштамс взаимопомощинь комитет лангс, чтобу сынст эснэ робутаст парыне ломать.
| Народной образования. |
Те тевсть ланга истя думась совещаниясь:
Образаваниясь эрзя ютксо пек берянь. Аламо училищат, учителть, книгат, ярмакт. Чтобу ладямс парынестэ училищань тевсть эрзя ютксо, эряви теймекс вана мезе: весе училищатнэсэ кирдезэ Уисполком и Губисполком; сермадмокс книгат; теймекс курст учителень тонафтомс; весе студентнэнь, конатнэ тонафлить педтехникумсо, кучмокс училищаст прядмодо мееле эрзя велев; теймекс училищат II ступени; эряви, чтобу эрзянь пакшат ламине примаст училищава II ступени; теймекс вишка эйкакшунь кудот; теймекс ламине педтехникумт; кафто педтехникумтнэнень, конатнэ ней улить минек, и отделениятнэнень Пензасо и Ошн (Алатырьсэ) максомс ламине средстват, ламине теймекс ликвпункт, библиотакат и кудот-читальнят (ловномо кудот), теймекс эрзянь отделеният совпартшколасо.
| Издательствань тев. |
Те тевень ланга истя кортась совещаниясь: книгат ламо теить лезэ ломаннень, пек превияфтыть эснынзэ. Эрзятнэ пек лиянть секс, что сынст арасть сынцист кельцэ сермадозь книгат. Секс и эряви ламине путмокс вий, чтобу книгань сермадмонь тевсть (издательской) кепедемс, витьмекс парынестэ.
Эрявить сермадмокс газет аволь анцяк Московсо и Саратовсо, но и Пензасо, Симбирсэ и Самарсо. Не газетнэ улест крестьняскойть, чтобу улезэ сермадозь эсинст крестьняской эрямодо, чтобу улест картинка марто, парсте печатазь, покш буквасо, и чтобу улест сермадозь шкастуст, и чтобу велес пачкодест шкастуст.
Книгат эрзянь кельцэ тожо эрявить пек. Эряви сермадмокс букварь покш ломаннень эрзянь и мокшонь кельце.
Книгань сермадмо тевентень эряви тердемс весе эрзянь интеллигенциясь.