| № 12 | ЯКСТЕРЕ ТЕШТЕ. | 3 |
| Аляксей . . | . . . | Ф. М. Чесноков. |
| Петя . . . . | . . . | П. Рузайкин. |
| Учаев, писарь. | . . . | В. Г. Бажанов. |
| Инвалид . . | . . . | В. Н. Радайкин. |
| Полковник . | . . . | Т. В. Васильев. |
| Вестовой . . | . . . | И. А. Маколкин. |
| Казакт | . . . | В. И. Ерюшев. |
| . . . | Кондратьев. | |
| Маря . . . . | . . . | А. С. Желтова. |
| Олда . . . . | . . . | С. С. Архипова. |
| Пррдседатель | . . . | Семдянкин. |
| Тейтирть | . . . | Е. П. Рябова. |
| . . . | Д. Бабина. |
3). Зрзень морот:
Интернационал эрзякс
Кодамо моро минь моратанок
Маря ашти чаво банясо
Самсон лелей
Морасть сетне жо, конат налксисть пьесанть. Моротни эйсэ регентэкс ульнесь А. П. Рябов. Морасть рояль марто.
4). Эрзень стих-ёвкост ловность П. Рузайкин, А. П. Рябов, А. Ф. Гаврилов.
Эрзетнинь мельц пек тусь спектаклесь. Сыре атетне-бабатне даже аварсть.
Пек парсте налксисть Кручинин, Бурнайкина и Бажанов ялгатне. Семдянкиннынь эряволь бу седе набойсты налксимс. Кой кона налксицетни салава кортасть, эсть марявт парсте народонтень. Вишкине пакшетни и то чаркудизь весе спектакленть. Налксицетне ульнисть нарежезь веси седеикилень эрзень панарсо. Эрзетни басесть, кода бу еще тейме истямо спектакль.
Пасиба эряви евтамс М. И. Кручининнынь. Сон пек ламо хлопочесь спектакленть кувалт. Е. А. Корчагина ялгась лездась налксицятнень нарежамо, чамаст вадниме краскасо, сонензыяк эряви меремс пасиба.
Тимо.
| Редакция пельде: |
Тече получинек эрзетни пельде сермат. Вешить тагу тейме спектакль. Писчасов ягась сермасонзо мере: „Пасиба эрзень студентнэнень, анцяк сынь невтизь, что Советэнь властись тейсь свобода эрзетнининь“.
| Ленин ды нациетни. |
Кода ломанесь чачи, касы урваксты сыриде, кулы — истя жо нациесь как чачи... кулы.
Ульнись ли седе икели нациесь? — Арасиль. Васня ломатне эресть сесемиясо* ды племасо. Семеенть лангсу покшокс ульнесь сыре атя, прявт сонзе весе семеееь кунцолось. Сон тонавць, кода эряви ярцамо-пелькс добувамс, охотас якамо.
Ульнисть ли се порастунть становойть помещикт, жандарт, попт? Арасильть. Се порастонть прявтось весемень кис роботась, сонзо башка кодамояк начальник арсиль.
Косто жо появась нациесь? — Васня семеесь улнесь а покш, ярцамонть можналь добовамс весимнень, веси ульнист пешксеть. Мейле семеесь теивсь покш, ве таркасу веси а трявить, пищень добовамо эрявсь молемс седе васув. Семеетни явсть. Явузь семеетни лангсу покшокс кадувсь тагу весимеде сыре атя — родонь прявт, грект мереть теньзэ «патриарх» Эрзякс патриархунтень мереть азор. Азоронть кунцулы весе родось (племась). Азорось вешнеде сыре, секс соды як седе ламо, сонстемензэ эрямось стака. Плематне аламонь-аламонь кармасть васня полавтомо ярцамот, ружият, одижат, а седе мейле кармасть торговамо. Теивсть эсь ютковаст микшницят—рамицят. Седе мейле торговойтне кармасть якамо васув, лия племас. Лия племань торговойтне стараить а нолдамс, эсь племазост ломань торговиця, кода бу лия племань торговицесь авулинзе сайть эстензэ барышнэнь. Истя теивсть войнат плематни юткова. Се порастонть торговицетни ульнесть розбойникс, сынь косо торговить, а косо грабить. Чтобу парстине воевамс, эряви паро власть. Истя азоротнень эйстэ тейвсть инязорот.
Ветишка эли зняро плема кармасть воевамо вейцы лия племань карчо. Истя не плематнень эйстэ теивсь нация, конань прясо ульнись инзяро.
Ули ли нациенть паро тевизэ? Васня ули, а мейле арась. Нациесь покш. веси народось эйсынзэ човрезь. Ломатне тонавтыть вейкист-вейкист эйсэ. Роботамо уставить машинасо, торговить, кучнить товаруст лия масторов и мекив тосто ускит товар, теить школат.
Мезинь кувалт нациесь берень? — Васня (семеень ды племань пингстэ) араселть сюпавт-беднойть, анцяк азарось ульнесь сюпав, ды сонензэ ламо а эряви, сон коть и азор, но кавто кирга парьга а ярцы, миимс жо се шкане ульнесь а кинень. Нациенть жо пингстэ теивсть сюпавт ды беднойть, буржуйть ды рабочейть, помещикть ды крестьянт, жандарт ды революционерт. Нациенть пингстэ эряви торговамс, эряви микшнимс товар. Козонь миимс товарусь, коли эсь нациясо а мииви? Эряви миимс лия масторов, а тосо сынцист буржуйть улить, сынцист буржуйть истя жо вешнить тарка товаруст туртув. Истя нациетне юткова тейнивить войнат.
Кинень эряви войнась? — Буржунень.
Кинь кучить войнас? — Рабочеень ды крестьянунь.
Мейс робочейнень эряви чавомс лия нациень робочейтнень?
Мейс войнастонть чавсь Варшавань полякунь робочеесь Краковской полякунь жо робочеенть?
Мекс рузунь буржуйтне сынць а тюрить германской буржуйтнень марто, а кучить робочейть? — Буржуйтнень эрявсь истя.
Истя нациенть пингстэ появасть буржуйть, помещикть, попт. Истя сынь кармасть грабамо и симиме робочеень и крестьянунь верь. Войнанть эйстэ теивить нищойть, колекат; войнась пулты-яжи кудут-чить, паксят; войнанть эйстэ туить эрьва кодат ормат, народось теиве чахлой.
А кинь кис тс веси бедась? — Буржуинь кис, конатне марто ве порасто чачсь нациеськак.
Веси не тевтнень ушудыньзе покойник Ленин ялгась. Сон мерць: „Войнантень война“. Робочейнень а месть чавомс эсь братонзо робочеень. Крестьяннэнь а мезинь кис чавомс эсь братонзо крестьянунь.
Кода же мерць Ленин теимс тень кувалт? — Сон мерць: Пандядо воевамо буржуинь ярмак мешоконь кис, аравтынк ружиетнень буржуинь карчо. Истя минь теинек 1917 иестэ. Веси салдатнэ оргоцть фронтсто кудов, кундызь кирьга парде помещикнень ды буржуйтнень. Кода веси масторга маштсызь буржуйтнень ды помещикнень, сестэ маштуви и нациеськак. Секс сядо иеть ютась, кода Карл Маркс мерць: „Веси масторонь пролатарийть пурнаводо вейс“.
Россиясо теивсь революция. Панизь буржуинь ды помещикень. Нациетне теивст ровнойть. Тейст веси эстенст автономият, республикат, тейсть школат, косо тонавтыть эсист кельцэ. Эрьва нациень ломань роботы советсэ. Ютасть сисем иеть.
Ней, те иничистэ, самогононь, церьковань, орелцо налксимань таркас веси эрзетни велива кадык пурумить и басить эсь тевист кувалт. Пора бу эрзетненень кундамс советэнтень ды роботамс тосо парстине. Властесь кеценк, маштудо анцяк кирдиманзо.
Тимо.
зэ седи превияфтомс, тонафтомс книгас.
Те тевсть ланга совещаниясь вана мезе мерсь:
Эрзянь авась а машты сермас. Сон пек лияць рузавадо и рузунь кель азды. Кудосо сон истя жо роботы, кода цера, но праванзо сонзэ арасть. Эрзя ава ютксо робута невак арась, но уже неяви, что од ава-ломатне сынць кармасть сыргозьме и порксамо ташто эрямосостт. Вана мейсь и эряви парынестэ кундамс робутастень ава-ломань ютксо. Но те тевсэсть эрявить ряц ладямс ломать-инструкторт, конатнэ кармить тонафтомо ава ломатнесэ робутамо сельсовеце, кооперациясо. Истяжо эряви тонафтомс сынст сермас, сермадмокс тенст книгат, газет.
| Робута од ломань ютксо. |
Те робутась пек беряньстэ ащи эрзянь од ломань ютксо. Арасть роботникт, арась литература. Но сынць од ломатне пек кармасть робутамо, и комсомольской ячейкат тейме, и тонафлеме, и даже обществань тев тейме. Эряви максомс помога тенст. Эряви ладямс ряц инструкторт, сермадмокс эрьва кодат книгат.
Зярдо сави кучмокс покш училищав тонафлеме, то васняткак эряви кучмокс комсомолецинь. Комсомолецнень эряви тердемс и общественной робута тейме (боруцямо самогон марто, взяточник марто, антирелигиозной пропагандань ветямо). Истя жо сынст эряви кармафтомо тонавтомо сермас амаштыця сермас ломатнень.
Эряви велева кармамс сермадомо стенной газет. Те тевстень кармафтомс комсомолецинь и члентнэнь РКП.
| Советской робута. |
Тень кувалт вана мезе думась совещаниясь:
Эрзя берякс робуты советской учреждениясо. Советка или учреждениява пек аламо эрзятнеде. Секс эрзясь седияк пек кармась кадовомо удалов. Эрзятнэ весе эрить велева, сынь весе сюровидицят, эрить сынцист эрямосо и течень чис несак парынестэ аздыть советской властедест.
Эрзянь келить пока косыяк арасть праванзо, а училищасо, а учреждениява. Рузунь жо келць берякс чаркудеви эрзянень, и сон, эрзясь, корты рускс анцяк советской учреждениясо, косо лиясто пеедить лангсунзо, зярдо сон берякс корты.
Эрзя пек лияць и хозяйственной тевсэ. Течень чис сон соки колмо паксясо и сокасо, асды, кода седи паро робутамс. Кооперативной тев пек беряньстэ моли эрзя ютксо, сельско-хозяйственной кредит а пачкоди тензэ.
Совещаниясь думи, что вана мезе эряви теймекс эрзя ютксо:
1. Эряви истя теймекс, чтобу седи ламине робутаст эрзят эрьва кодамо учреждениява, исполкомга, милициява, судга и кооперативга.
2. Эряви, чтобу улест эрзянь представителть Национальной Совеце ВЦИКсэ и губисполкомга.
3. Эряви, чтобу ломансь илязо пель и висть кортамо эрзянь кельцэ эрьва кодамо учреждениява и чтобу даже кодамояк конев сермадозо сонцинзэ кельсэ. Ки карми пеедьме одижа лангсо, кель лангсо или а мерьме сермадомо и кортамо эрзянь кельце, истят ломатнень эряви паньмекс учреждениясто. Эряви истяжо парынестэ кармамс боруцямо самогонунь марто, взяткань марто.
4. Эряви парынестэ толкувамс эрзятнэнень сынцист кельце эрьва кодат декрет и распоряженият, конатнэсэ теи правительствась, чтобу ачаркудицят иляст улть.
5. Зярдо и косо кармить покшулгафтомо волостьнесэ, то ванмокс эряви, чтобу эрзятнэ иляст розняв, чтобу пурнавост ве районс.
6. Эряви парыне ветямс агитация эрзятнэ ютксо, чтобу сынь теест кооперацият. Анцяк кооперациянь вийсэ сынь вицизь эрямост.
7. Минек аламо эрьва кодат роботникт (кооперативной, судебной, милицейской). Эряви теймекс курст и теймекс истят роботникт.
8. Эряви посубамс эрьва кода, чтобу эрзя ютксо улест ламине кустарной промыслат и сельско-хозяйттвенной предприятият.
9. Зярдо арендас кармить максомо фондовой мода, то эряви, чтобу эрзятнэ тожо иляст улть обидяв.
10. Эряви парынестэ варштамс взаимопомощинь комитет лангс, чтобу сынст эснэ робутаст парыне ломать.
| Народной образования. |
Те тевсть ланга истя думась совещаниясь:
Образаваниясь эрзя ютксо пек берянь. Аламо училищат, учителть, книгат, ярмакт. Чтобу ладямс парынестэ училищань тевсть эрзя ютксо, эряви теймекс вана мезе: весе училищатнэсэ кирдезэ Уисполком и Губисполком; сермадмокс книгат; теймекс курст учителень тонафтомс; весе студентнэнь, конатнэ тонафлить педтехникумсо, кучмокс училищаст прядмодо мееле эрзя велев; теймекс училищат II ступени; эряви, чтобу эрзянь пакшат ламине примаст училищава II ступени; теймекс вишка эйкакшунь кудот; теймекс ламине педтехникумт; кафто педтехникумтнэнень, конатнэ ней улить минек, и отделениятнэнень Пензасо и Ошн (Алатырьсэ) максомс ламине средстват, ламине теймекс ликвпункт, библиотакат и кудот-читальнят (ловномо кудот), теймекс эрзянь отделеният совпартшколасо.
| Издательствань тев. |
Те тевень ланга истя кортась совещаниясь: книгат ламо теить лезэ ломаннень, пек превияфтыть эснынзэ. Эрзятнэ пек лиянть секс, что сынст арасть сынцист кельцэ сермадозь книгат. Секс и эряви ламине путмокс вий, чтобу книгань сермадмонь тевсть (издательской) кепедемс, витьмекс парынестэ.
Эрявить сермадмокс газет аволь анцяк Московсо и Саратовсо, но и Пензасо, Симбирсэ и Самарсо. Не газетнэ улест крестьняскойть, чтобу улезэ сермадозь эсинст крестьняской эрямодо, чтобу улест картинка марто, парсте печатазь, покш буквасо, и чтобу улест сермадозь шкастуст, и чтобу велес пачкодест шкастуст.
Книгат эрзянь кельцэ тожо эрявить пек. Эряви сермадмокс букварь покш ломаннень эрзянь и мокшонь кельце.
Книгань сермадмо тевентень эряви тердемс весе эрзянь интеллигенциясь.
