Эрязденть арсезь (2010)/Дезертир
| ←Вачочинь пейть | Эрязденть арсезь (2010) by , edited by Разгуляева Т. В. Дезертир |
Школа. Ульнинек эсенек лангсо азорт→ |
| Нуянь Видяз. Эрязденть арсезь: ёвтнеминестэ пурназь покш ёвтнема. — Саранск, 2010. — с. 68—69 |
[68]
| Дезертир |
Эйзюрковонь нусманя чи. куштань тюс менель.
Ванан вальмава куринканть кувалт таргавозь кинть пелев, Кавто ашо варакат вешнить мезеяк пештямс тутмаст тусто ведь валовксстонть. Тандавтызь. Верепе ёнов мельга-мельцек кивчк ютасть кавто нурдынеть. Кавто чопода-якстере пона лишметь. «Истят минек велесэ арасть, — тешкстыя эськан. — Тесэ мезе-бути а истя...»
Каинь лавтовон ланга оршамка ды ювклисинь кузтемпес. Кудотнень малава янганть прянь-полдань синдезь чш! Пронянь Ваня.
— Ваня, ков ношкстыть?! — серьгединь верьга вайгельть.
— Ков, ков... Дезертир кундасть! — эзь лоткаяк, рангстась каршон.
Совинь чиезь кудос. Эрязасто оршинь ды ношкстынь Ваня мельга.
Ванан: Олодянь Танянь вальмало ламо ават, эйкакшт, сырькайть. Чиинь юткозост. Марявсть салава кортамот. Эзинь кенере. Самозон фронтсто оргодицянть ливтизь кекшнема таркастонзо ды саизь. «Кувать оршнинь, капшамс эряволь», — сёвнынь эсь прям.
Карм! шь содамо: дезертирэсь. Олодянь Матвей, эрясь каськасо. Тосто юронь чапонть алга чувозель варя, кува сон веть салава лиснесь кардазов. Каськасонть кирдевсь лампине, ульнесть удомс алкст-велькст. Веть кекшницясь совсесь кудос эжнеме. Шабратнень пилест-сельмест вакска те весе эзь юта. Сынь, бешоконь, «петнявтстькак» ков эряви.
Чиинь вельсоветэв. Кудонть кавто пева сэрей кузтемат. Вейкентень пурнавсть монь кондят шлёберькай судо цёрабайтне.
«Советстэ» Матвеень кавто милицият ливтизь. Чамазо сакалов. ловтаня, оршазь нулав пальтосо. Кедензэ сюлмазь удалов. Ветизь пирявксс сюлмазь лишменть ваксс. Вейке милициясь ливчанясто сявордызе нурдонтень. Омбоцесь саинзе ведьметнень. Лг гшмесь тейсь тарск ды сыргась таркастонзо. Мельганзо — [69] омбоцеськак, шождыне нурдынес кильдезесь. Саизь пайстомо Матвеень Дубинькав.
Ванынь нурдынетнень мельга, зярс эзизь юта аволь васоло сэденть, зярс эзть ёмато сельмень икельде...
* * *
Дезертир... Ламонь туртов те валось кандсь, ды нейгак канды, апаро смусть. Монгак ванынь лангозонзо ве «вальмава». Се вальмаванть, конань панжтнизь тенек школась ды газетатне. Варштынь, шка ютась, лиява ды чарькодия: аволь эрьва дезертирэсь — дезертир. Малавгак аволь! Веенстнэнень эзь мере леднемс ломаньс пазнэнь кемемаст, омбонстнэ бажасть а «оёвамс», содасть — те войнась аволь сынст масторост, аволь сынст раськест кис, верь валомс, лисни, а мезень кис. Оргодевельгак тетям тень кувалма фронтсто, кирдевлинь сестэ визькс, лововлия сонзэ масторонь полавтыцякс, пелицякс, дезертирэкс. Ней, ламо иень ютазь, меревлинь: «Тон, тетяй, откердеяк откерь, герой!»
Матвей аволь истятнэнь эйстэль. Уцясказо лияталь.
Сонзэ пайстомочизэ ушодовсь вейкине эйкакшокс удомастонзо. Таня авазо чачтокшнызе ниленьгеменьшка иесэ. Тякинезэ ульнесь, шнась эрьва косо пря, весемеде ёжов, виев, превей, мазый. Каня шкадо мейле чачтозь вейкине эйкакшось эрси лия?
Войнадо икеле Матвей важодсь шабра велесэ микшницякс. Весть ютавтсь ламо ярмакт. Кода улемс? Арсесь истямо ёвкс: иредстиця симемапеленть ускомсто каявсть лангозонзо орт, нельгизь товаронть, эсензэяк нарьгизь — керизь аламнеде вить пилензэ. Ёвксось эзизе иде. Эзизе иде пплепрянь вернявтомаськак. Озавтызь. Зярдо ушодовсь войнась, кучизь фронтов. Леднема таркастонть оргодсь аванзо киякс алов, каськас. Мейле... тюрьмасо кулоськак.