Эрязденть арсезь (2010)/"Советской информбюронть пельде..."
| ←«Разгром немцев под Москвой» | Эрязденть арсезь (2010) by , edited by Разгуляева Т. В. «Советской информбюронть пельде...» |
Мезень кис?..→ |
| Нуянь Видяз. Эрязденть арсезь: ёвтнеминестэ пурназь покш ёвтнема. — Саранск, 2010. — с. 56—57 |
[56]
| «Советской информбюронть пельде...» |
ВСЕРОСИНЭСЬ салдонть питней. Ютавтома сатстнезь. Вельмевтнетяно «содовкаенек» талай чокшне. Секскак сундерьгадома шкась — шабранень калякамо якамонь. Течи кедьсэнек вете кудонь ават, сыреть ды одт. Алкуксонь промкс. Кие мусь тарка столь-стувор экшсэ, кие коник лангс новольсь. Састь Советской информбюронть пельде кулятнень кунсоломо. Эрьвань кияк ды фронтсо. Эрьвань мелезэ содамс мезе тосо моли. Савсь тень шкадо икеле кирвазтемс «содовкаенть». Типелькай валдынесэнзэ мелень путозь, лотксезь-лотксезь ловнан газетасо сёрмадозенть: «Советской ю к/юрлююронть пельде. 1943-це иень январень 12-це чинь пачтямо.
Январень 12-це нистэ икелев молиця минек войскатне саизь Северной Кавказонь Ессентуки ошонть, чугункань кинь станциянть ды Ессентукская, Ловокумская, Карас, Никольская. Беш-таунит покш посёлкантень. Зимовинкинь районсонть минек войскатне саизь...».
Ловнан эчке, прок покш цёраломанень вайгельсэ. Ловнан вайгелень кепедезь. Ялатеке марян вайкстнемат, кувакасто оймень таргамот... Кода а вайкстнемс? «Куломкайтне» Орданьбуев кинть эзизь стувто, мельга-мельцек сыть.
* * *
Радиось пачкодсь велезэнек «Гитлер капутто» мейле. Карминь содамо: фронтсто кулятнень радионь пачк ёвтнесь Юрий Левитан, конань Гитлер Московонть саемадо мейле, келя, повиксэлизе васенцекс...
Састь од шкат. Карминь тонавтнеме Велень хозяйствань [57] институтсо. Весть совамо кенкшенть каршо аравтозь яволявтомань лазонть лангсто ловнынь: «Встреча с народным артистом СССР Юрием Левитаном».
Кода а молят?!
Актовой залось тыц. Ламот аштить стенатнень ёжова стядо.
Трибунанть экшс ютась аволь сэрей, келей лавтов, раужо сельме цёра, Нурькинестэ наразь раужо черензэ токазь шержесэ.
«От Советского информбюро...» — ёвтынзе мода-масторонь келес содавикс валтнэнь. Пачкан ютась соркс.
Залось општ мерсь. Кортыцянть вайгелезэ кемевтиця, ванькс, валонть ёвтамсто маряви эрьва гайтесь. Истямось аволь удыцянть стявтсы — кандолазсо аштицянтькак кепедьсы. Ды сон стявтсь. Стявтсь миллионт — тюреме. «За Родину, за Сталина». Секс немецтне, сонсь Гитлер, истя эзизь вечкеяк те вайгеленть ды секс повиксэлизь васенцекс.