Татю (книга)/Помещик Беляков

From Wikisource
Jump to navigation Jump to search
[ 63 ]
Татю (Т. А. Раптанов, 1933) p65.jpg
 

Беляков неждизе котьмерензэ тарантазонь удалксонтень. Буто карциган, сельмензэ пезнавтыньзе кучоронть сявдексэс. Кучорось, кемекстыньзе ождятнень, анок ранкстамс „е!“ Но Беляковонь мелезэ ульнесь ютамс велеванть састо. Алашась переменкой кайсе пильгензэ, веселасто аволи прясонзо. Шлеятне ланксонзо цильдордыть, истяжо панстоськак. Шолконь пиже ождятне прок налкумат каязь алашанть трокс.

Селищань атятне сюконить Беляковнень. Цятордыть атятнень карястнэ. Мезеяк атеят, иляка сюконя, иляка сай прястот чапкат. Верьс копореть лугасы Беляков. Атятне эли куть одтнэяк прок толдо пелить эйстэнзэ. Вантовттонзо сарт телават туить. Маштыкс карми чавомот. „Ух, те Беляков.“ — Кортнесть Селищасо. Беляков стамбарнэ лиссь веле пентень. Буря [ 64 ]мельганзо кепетець. А кода апелемскак... Кода брат а пелят? Сон пильге ланкс костятанзат. Мотькеткат таргасы. Сон виев. Ванат кодашкат имениянзо Беляковонь ниле тыща гектар модазо. Те модась неждясь Селищань велепеньтень — усадьбатненень. Лисемс ульнесь аков. Ков иля варшта Беляковонь. Бути чалгават моданзо лангс, кшнат луты копорстэть.

— Кудосат?! — Весть мольсь старостась Буянкинэнь вальмалов.

— Кудосан... — Прок одра алдо пельс кулозь ломань отвечась Иван.

— Каясыть подушноеть? — Седеяк кежейстэ кармась кортамо Тюжань Олдынь.

Старостась эсь прянзо ловсь пандошкакс. Сакалонзо келейстэ сравтозь мештеванзо, прячерензэ судрязь валанясто — касрмозо сурбунакс таргавсь прянзо нучк. Оесь прястонзо цитьнесь прок ванькс деготьсэ вадневть камть. Сон асоды аразь чи, асоды асатыкст. Асоды нужат—горят. Асэреди седеезэ. Сонензэ дай. Ато валги кедет.

— Тонсь арсек брать... Косто саемс?... Сускомс кши валскенень арась. Простинк пожалоста. — Нюрь петерь заводясь аварьдеме Иван. Сонсь кумажа ланкс пульзясь. Лайши старостанть икеле. Старостась мик аварштияк Иван атя ланкс. Сисемев сельмензэ пурдасынзе ды велявты ендонзо.

— Апандсак?! Вантсса годнят атя!!! — Сонсь тусь. Иван атя ускови мельганзо. Старостась кучкордызе. Иван атя буто чавонь пулт ертовсь икельдензэ Ламоксть палызе мастор аванть.

— Эх, — и эрямот пазось кадсь мастор ланкс... Седеем вана весе пиже чекарь керизе... Мень те эрямо а?.. — Иван уракадсь аварьдеме. Кирьгазонзо поводесть пакшанзо. Вакссонзо лайши низэ. Мирем проклянить эрямо чист.

— Господи!.. Вере пас корменець, нать уш овсе стувтымизь. Грехенек кисэ, кадымизь пиштеме мастор ланкс... Кучт кулома, корминец, вере пас... — Иван атянь мольсь эрямс мастор ланксо. Седеезэ [ 65 ]кодаяк а кельги потмозонзо. Сонсь кирьвайсь прок домнань каштомсо тол кшни — руда лаказевсь. Верев алав ертниве атясь. Кодаяк а саиве толк эрямостонть. Куть кувать тапась прянзо, пильгензэ Иван атя, яла теке савсь остатка вазось ветямс базаров. Ярмакнень подушнойс кандызне.

— Тетяй ней лёленок таго а ули?.. — Кортнек шнесть эйкакштнэ.

Иван атя варштась лангозост, петерьсэ тусть сельведензэ. Пужонь лопакс рипакацть атянть турванзо.

Иванонь эйкакштнэ а содыть эсист скалонь ловсонь тансть. Иван рамизе те вазнэнть, савсь миемс — подушнойс. Аволь ансяк Иван атя, пря чави. Арась, пеле веле — эли мик седе ламо. Апаро вайгельсэ кувтсить. Кедест полдазост чавить. Сельведест прок сиянь эрьгет нюрьгить. Яла боярдо.

* * *

Велесь ваясь тусто туманс. Веленть вельксэс новольсь равжо пель. Вармась кежейстэ чавовсь севонень стенатненень. Церькова бокас пуромсть атятне. Иван атя коморо потмозонзо сювордыньзе сакалонзо, козозь мольсь атятне вакс.

— Шумбратад?

— Шумбран! — Пшкадсь Лапа Вася. Остаткатне кепедизь прястост чапкаст.

— Эзде маря, атят мездияк? — Кевкстиньзе Иван атя.

— Арась!

— Беляков келя тече сы. Аренданть кисэ питнень пурнамо. Думинька атят, мейсэ пандомс? Сон ведь те лангс а ваны, давай. Атятне лангс велявсь такодамо сталмо, такодамо а паро — авадря мель. Улко ки, бути вирьстэнть лиссь ансяк чувто марто. Беляковонь прикащикне прок вачо верьгест каятотсть. Верьс ваткизь атянть.

Теде башкаяк, ансяк лисе скотинась велестэнть, кенере чалгамо Беляковонь участкас. Значит эжи банят. Весть ульнесь истя: Спирянь скалозо лиссь Беляковонь участкас. Арсть загонщикт, панизь скалонть [ 66 ]велентень. Скалось витьстэ кудов. „Тонь скалось?“ Кевкстнить. Спиря прянек пильгенек чави — боже аволь сонзэ скалось. Саизе ды панизе скалонть кардайстэнть. Эрьва кинень пансизь скалонть. Весе отказасть. Мейле скалонть ливтизь велестэнть. Спирянь тапась седеезэ. Жаль скалось. Жаль котьмереськак. Эйкакшнэ аварьдить. Спирянень савсь лисемс скалонть каршо.

— „Простимезь пожалоста... эзия ней кода лиссь кардайстэ. Вачот эйкакшнэ“... Спиря прась кумажанзо лангс. Конянзо мастор авантень пезнавтызе.

— Ах, мерзавец! Манчить минек. Комсь ветие! — Загонщикне ертовсть ластестэ, кармасть Спирянь пивцэме. Эчке коцтонь панар, панксонь панкс новольсь лангстонзо. Вересь бульдирцэ чавсь верев. Спирянь паметезэяк маштсь.

— Атят! — Ранкстась Лапа Вася — а пандомс аренданть кисэ! А пандомс! — Лапа Вася сювордыньзе кулаконзо. Чамазо кирвайсь прок чи лисимась. Сорность сакалонзо, прячерензэ дубушки стясть.

— Алкукскак атят. — Кармась кортамо Иван атя. — Варштадояк остатка скотинат микшнить. Вачо кадымизь. Те участкась яжи монь седей пенчем. Тынкак истя атят. А пандомс! Пелензэ веленть ногайкасо керизе Беляков. Те секс, што минь пельдям мельдензэ — аволь дружнатан! — Иван атя лаказемсь. Сонсь кеместэ тапардыньзе сумань полтнэнь. Перьканзо левшень карксонть сюлмизе одов. Якшамось керьмандыньзе пиштяка ломатнень. Конат конат пельсть те кортавтонть, кармасть сралиме. Лапа Вася ды Иван вейсэ тусть ало пе енов.

* * *

Лов зуборокт валявсть поймаванть. Тикше стогатне тутушкакс прясост невтнить ловонть алдо. Ансяк сынст а токасыть. Сынь Беляковонь участкасот.

Иван атянь алашась кирнявсь якшамодонть. Амельцэ чэвле розь олгонть. Кувать вансь Иван атя лангозонзо.

— Мезе ули?! — Пшкадсь эстензэ. Кильдизе [ 67 ]алашанзо, ландяс куманжа лангс, тусь тикшень кисэ поймав.

— Адя Вася брат! — Рангстась ютамсто Лапа Васянень. Вася кувать эзь арьсе. Кильдизе алашанзо айда арт Иван мельга.

Састь тикше марто. Эсть понгт Сявадсть шабратнень сельмест. Сыньгак чокшнестэнть пурнасть сэрнясть.

Истя эрьва вене саласть бояронть тикшензэ.

Боярось пурнась аренданть. Кие эзь макст сенень лупцовка. Чавсь, кода ульнесь мелезэ.

Эрьва ломанентень уш путсь паметь. Эрьва ломанесь а стувсы „долконзо“. Знярдояк ды уш пандсы. Теяк теке Ламо верь валсть Беляковдо. Ламо несть нужа горя. Ламо эрясть вачонь пешксеть.

Беляков нарьгась лангсост кода машсь.

Те долкось эрявсь пандомс. Ломатнень майшсь моцест. 1905 иестэ, роштова ютксто веленек пурнавсть.

Весь ульнесь валдо. Ковось кельме валдонзо сравтызе Беляковонь участкаванть. Пиче виренть сулеесь равжо столбакс прась ловонть ланга Атятне неждясть Беляковонь имениянтень. От от каявить, пангсонь пангс сезьнесэзь куторонть. Иван атя, Лапа Вася ды Спиря, кенярдозь эськильдить ловонть потмова.

— Ура!!!

— Тападо!

— Синтреде!

— Минек кедь вийсэ нажувазь!!!

— Минь карястнэнь тесэ тапинек!

Ломатне сравтовсть куторганть. Прок коткодавт бузмолгадсть. Се шканть залп „Уух!!!“ Сечь!!! — косто появасть казакт. Пянь полдань синьдезь кармасть артнеме куторганть. Кие понгсь икелест паметэнзэ маштумс лупцовасызь. Сокицятнестэ ламо оргодсть скотина марто ды сякой ули паро марто.

Иван атя Ратор берекканть паметьстеме — кополцо ардсь. Казакне мельганзо. Яла теке улавстонзо ревенть эссе ерто. Сон арьсесь: „Кадык кундасамизь [ 68 ]но амаксса ревенть. Кадык токасамизь яла — теке вейкинть эйстэст поваса. Кирга пакшонзо сейса, ревенть амаксса“. Сонсь панць алашанть. Казакне ардсть каршозонзо. Алашась нумолкс ертовсь ве бокав. Иван атя ревенек быжневтэвсь Ратор береконть алов. Месть мартонзо тейнесть а евтневить. Ансяк чавомадо мейле тонгизь лов ведентень — наслогонтень.

Лапа Вася такода эзь понк тест, салава вансь Иван мельга. Кода тусть Иван ваксто казакне. Вася таргизе ведьстэнть. Чуросто чавсь Иванонь седеезэ. Ансяк цють лембстэ кадовсь.

Вася варштась ведентень. Ведесь човрявсь верь марто.

— У! Кадовт живстэ, Иван брат! Кадовт. Те верьдинть сынь симить! Пешкедеть те верьденть. Иля куло!.. Виемть! Минь нардасынек сынст... Тень акадсынек истяк... Адя стамбарнэ кудов...

— Мон вельман... Мон акулан!.. Мон те верьсэнть кирвайса масторонть! Адя Вася кудов... Лездак... — Вася саизе кавалалдо, стамбарнэ ловонть потмова тусть велентень.

* * *

Велесь кувсесь, лов зубороктне матрасть лато прятнень. Кашто моле велесь. Ансяк кежейстэ пуви экше вармас. Ломатне норастост эсть лисьне. Анцяк бути лиси кардазов пурнасыньзе скотинанзо ды мекев каштом лангс.

Иван атя ашти тарка лангсо. Кодаяк авелявтневи рунгозо. Сэнь максокс теевсь атянть телазо. Стамбарнэ кувтси.

Аламос аштезь совасть Вася, Спиря ды кой кие. Иван мазыйстэ варштась лангозост. Мерят прок мелезэнзэ паро, што Вася ды Спиря эсть понг чавомс. Сон куть пек сэредсь яла-тек пельс пейдезь ванць лангозост. Вася ознось пазавантень. Мольць Иваннэнь.

— Пичксят?! Кодамо ежот?

— Вадря... — Иван атя каизе прянзо омбце пелей. Прок кежеявтсь.

[ 69 ]Иван атянь сельме латктнэнень, прок лисьма прясто ведь плескат появасть. Кирга паризэнзэ куйсь ал. Кодаяк анилеви сельгезэ. А евтави тензэ мик вал. Сатовольгак Иван атянь виезэ масторонть омбоце боканзо лангс бу велявтувлизе. Беляковонь прахонзояк саевлиссе.

Лецть Иван атя мельс ютань потань тевтне. Прок сэредьксэнтькак стувтызе. Озась.

— Месть марсевить велесэнть?

— Тевтне берять. Келя казакне сыть велентень.

— Еминек ней... Пачк керясамизь... — Покш вайгельсэ лайшеме кармась низэ.

— Илядо авардть... Илямизь машневть. Пичкан... Мон велявтсынь тест не чавоматнень.

— Кирвастемс куторось. Кадык туи менель ежов. Эх... Иван... Минек велень, ламо сюпав атят лездыть Беляковнэнь. Евтнить минек эйсэ. Минь ведь салава сынек тонять. Казакне сыньдеряйть куть загодь кадык веленть. Эх, эрямо!.. Мейсь истя наказымизь вере пазось?... — Вася каизе вановтонзо пазаванть енов.

Иванонь низэ риктетець эзем песэнть. Пакшатне прок нимилявт педясть цеця пряс — аванть элес. Сынь эсть сода мейсь горевить покш ломатне. Сынь эсть чарькодть... кодамо нужась. Яла теке потмурасто ванность покшнэ лангс. Пек чийсь покш церанть седейс тетянть сэредьксэсь. Сон нолдызе прянзо аванть элес, стакасто кепсевсь местезэ.

— Пичксик, Иван брат...

— Стяк седе курок пильге ланкс...

— Кекшнеть мезеть улить. Казакне сыть тече.

Теке марто лиссть колмонест Иванонь кудосто Иван ульнесь озадо. Мейле стамбарнэ нолдызе таркантень рунгонзо ды пшкадсь:

— Чемень керизе седеем. Нупонь валовсь потмозон. Яла теке вельман!.. Куломо мелем арась... Виеман, седеем маре тень эйстэ.

Лапа Вася ансяк пачкодсь кустима пес, велентень арьцть казакт, мерят прок нимилявт ливтить велеванть.

Киштить алашатне казакне ало. Атаманось [ 70 ]тройкасо ардсь велентень. Телень каретастонть ансяк прязо неяви, кавто бокаванзо кавто казакат, удалонзо казак.

Сабляст цивтордыть.

— Пороть!!! — Приказась атаманось. Казакне паметьтеме эцить Васянь кардайс.

Машсь Вася атянь ежосо. Кундатоць нинзэ келезэ. Эйкакшнэ кепецть шум.

Казакне совасть кудос... Вася атя вановтонзо, пштистэ пезнавтызе лангозост.

— Вставай!!!

— Я.... Вася атя чаравтсь прясонзо. Арьсесь мереме, што сон астяве, арась виезэ, тандадсь.

— Вставай!!! — Хлоп, вачкодизь пеке нучк резинань палкасо. Овтокс паразесь Вася атя. И низэ каявсь таркантень. Омбоце казакось хлопадизе и нинть.

— Ох!.. — Ранкстась авась.

— Сумашедшийть! Розбойник!

— Веринь потейть! — Авась каявсь казакненень. Казакось лоштизе аванть кутьмер ланга ружия прикладсонть ливтизь цюланов ды зверькс кармасть нарьгамонзо. Остатка казакне чавсть эйкакшнэнь, чавсть Вася атянь.

— Тетяй!.. Тон кулат! Мон тарказот касан! Мастор лангстонть пулисткак машсынек не зверьтнень! Ломань маштыцят!!!

Церась эщо мезе бутим серьгедексэль, се шкастонть казакось цяподизе курго ланга ногайкасонть. Теде мейле Вася атянь ливтизь, кудостонть. Пельс кулозь кандызь церькова бокас.

Романцев сехмадизе Карпинкань Степанть Степа прок ватракш келемс пилгалонзо.

— Кона шайтянов пильгалов эцят?! Вася паметьстеме чийсь церьковантень Степа ды Кочет кавксо иесэ пакшат човорявсть те „адонь“ котелонтень лакамо. Сыняст, лиясто чудна неявсь кода чавить Вася атянь, лиясто скирдави седеест, мелест ули цоподемс казаконь чамас эли кудрязост.

— Месе вантад, атят?! Ведь весе веленть керьсисызь! Рядось пачкоде минянекак! Мекс а чавтадо [ 71 ]баяганть?! — Романцев чийсь оградонтень цопадсь пиксэнтень, пиксэсь килькштязь баяга нильксэнть башка. Баягась кодаяк а чавови.

— Степа кусть проклет саинзат! Юксик бойка пиксэнть!

Степань ловажанзояк прок арасельть. Аламос аштезь ульнесь уш церькова прясо.

— Истя церка! Истя! — Серьгедсь Романцев. Сонсь кенярдозь кармась баяганть чавомо. Косто кандынзе апарось, Романцевонь нинзэ. Кундызе Романцевонь кедьте ды амаксы чавомс баяганть.

— Корминецкем! Сяткинем! Седейнем! Иля тей тев — аразень тевть! Иляк чавовт прят палачонь кедьстэ!..

— Тонеть мерсть оргодть!!! — Яходизе мейкенерть бабанть. Бабась тарцк, кунст ертовсь. Прок эзь пракшнояк, резинкань алокс стясь мекев. Таго ускови Романцевонь киргасо.

— Кунцоломак!

— Ужо причань валума стан! Весеменек керьсисамизь! Ужо! — Авась эзь кунсоло. Сякойкс эзь макст чавовтомс баяганть. Авась киргадо увтизе масторов.

— Степа церам, чавтая коть тон! Чавт знярц саты виеть! — Степа нопадызе пиксэнть, чийсь Кочет и давай кавнест мезе ульсь виест маштомо баяганть.

Те ульнессь пурнавома знакост. Кепетецть Тарханова, Популиво, Сыреси ды лият. Сокардавсть ломатнень седеест. Кадызь кудотнень чаво. Кие сайсь сянго, грабля, коцерьган. Кинь кедьс мезе понксь кедь енкс сэ марто напустясть церьковантень веленек; церанек, аванек тапардавсть казакне перка. Кежейстэ неждясть лангозост. — Лазодо!

— Синьдиде сявдикснэнь!

— Кравтомс велестэнть!

Кепетедсь шалт Казакне пирявсть. Ванцызь тевест лавшт, максть залп!

— Марявсь атаманонть вайгелезэ. Народось аламодо эйстэст шашсь ве бокав.

— Залп! — Таго ранкстась атаманось. Качамось кошмакс ацавсь ломатнень велькска.

[ 72 ]— Илядо пота! — Марявсь команда сокицятне пельде.

— Ванодо! — Весе ношкстасть казакне лангс. Казактне тандадсть максть эщо залп. Ломань куцясь шашсь кадсть тензэ ки. Атаманось прок пуля ертовсь тройкасонзо народонть ютксто.

Татю (Т. А. Раптанов, 1933) p74.jpg

— За мной! — Казакне вачкодизь стременаст. Алашатне каткакс кирьнявсть велестэнть. Мельгаст кепедсь пуль.

— Атят!

— Улю!!!

Сякойкс кармасть пижнеме сокицятне. Вешкезь проводизь, велестэнть казакнень. Арьсесть, „Победась, кадувсь минянек.“

* * *

Орга човт пургавсть Селищасто. Бузмолгадсть. Сакулька велесэ, талныть Сырезь—буесэ. Кепетецть Тархановань, Жабинань. Яла Беляковонь имениянть [ 73 ]яжамо. Зерьнить баягатне не велетнесэ. Анокстыть таго бойс.

Лапа Вася стясь пильге лангс. Кинитеть атянть коморонзо. Козяйканзо истя тапизь, больче чи валдонть эзизэ ней — тусь кельме калмов. Вася варшты кудонтень стенатне пурксезь верьсэ. Чийсь седейзэнзэ те покш апарось, пиштякась мик очавсь тарказонзо. Майшсь паметезэ. Сельмезэнзэ появась; оля эрямо чи. Чавизь буто Беляковонь. Васьня керизь пилензэ, мейле суронзо. Нарьгасть лангсонзо истя, кода нарьксикшнесь сонсь сокицятне лангсо. Весе кежест пандызь. Модась Селищань. Эсист ланга явшизь. Вася неензе онстонзо ды ахаха раказевсь. Кунци — аволи кедьсэнзэ, маласонзо арась мезеяк.

Тюжа Олдынь прок гуй нерензэ пезнавтне эрьва козонь. Мези теить велесэнть Олдынь пачтилиньзе Беляковнень. Иван салава, кардаз удалга чийсь Васянень. Васенень сась паметь. Столь песэ месть бутим черксне.

— Месть тевтне?

— Виесь маштсь.

— Мон ютынь маласо велетнень, весе Беляковонь куторонть пултамо.

— Майшсь виесь... Яла теке молян.

— Вана мезе, Вася — брат, Олдынь мути минек лангс, Келя минек тешкстымизь.

— Кадык... Пурнамс эрявить атятне. Вася хлоп таго прась таркантень. Ливизь валызе. Таго паметьстеме.

— Вася... Вася... Ломать уш сыргасть, ды весе ласте. Варштака варштака... Иван каявсь вальмантень. Ванцы солдатт арьсть велентень.

— Еминек, Вася — брат!.. — Иван ношкстась кудостонть. Ульцястонть ломатне кекшнесть.

Беляков паньсь велентень экскадрон черькест.

Тюжа Олдынь мартост, кедьсэнзэ списка. Черькеснэ пурнавсть перьканзо, усост пилезэст токить.

— Пороть! — Камандувась начальникесь. Теде мейле акувать савсь дерямс сокицятнень. Кодак совить [ 74 ]кудонтень, кундасызь прявтонть ды давай маштоманзо резинань палкасо.

Чавсть эйкакштнэньгак, чавсть кие понксь ульцясонть. Велесэнть кувсить, аварьдить... Мацтизь толонть.

Теде мейле, экскадронось кармась эрямо Беляковонь имениясо. Вансть имениянзо. Маласо велетне ансть черькестнэнь. Эрьва колмо чинь ютазь, велестэнть сайсть вейке реве. Сексенть аватне черькестнэнень кантлесть панк ды эрьва кодамо ярцамо пель. Таго ликуви Беляков.