Советскяй Социалистическяй Республикань Союзть Конституцияц (1936)/1938.01.15/09
| ←VIII Главась | Советскяй Социалистическяй Республикань Союзть Конституцияц (1938) IX Главась |
X Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
IX ГЛАВАСЬ
Судсь и прокуратурась
102-це статьясь. СССР-са правосудиять эряфс йотафнесазь СССР-нь Верховнай Судсь, союзнай республикань Верховнай Судтне, краевой и областной судтне, автономнай республикань и автономнай областень судтне, окружной судтне, СССР-нь специальнай судтне, конат тиендевихть (создаются) СССР-нь Верховнай советть постановлениянц коряс, народнай судтне.
103-це статьясь. Сембе судтнень эзга тефнень ванондомасна йотафневихть, законца ванф специальнай случайда башка, народнай заседательхнень участияснон мархта.
104-це статьясь. СССР-нь Верховнай Судсь ащи высшай судебнай органкс. СССР-нь Верховнай Судть лангс путневи СССР-нь и Союзнай республикань сембе судебнай органтнень судебнай деятельностьснон мельгя ваномась.
[ 21 ]105-це статьясь. СССР-нь Верховнай Судть и СССР-нь специальнай судтнень кочксесыне СССР-нь Верховнай Советсь вете кизонь пингс.
106-це статьясь. Союзнай Республикань Верховнай Судтнень кочксесазь союзнай республикань Верховнай Советтне вете кизонь пингс.
107-це статьясь. Автономнай республикань Верховнай Судтнень кочксесазь автономнай республикань Верховнай Советтне вете кизонь пингс.
108-це статьясь. Краевой и областной судтнень, автономнай областень судтнень, окружной судтнень кочксесазь трудящаень депутатонь краевой, областной или окружной Советтне или трудящаень депутатонь автономнай областень Советтне вете кизонь пингс.
109-це статьясь. Народнай судтнень кочксесазь райононь граждаттне всеобщай, прямой и равнай избирательнай праватнень основаснон коряс тайнай голосованияса — колма кизонь пингс.
110-це статьясь. Судонь тевсь вятеви союзнай или автономнай республикань или автономнай областень кяльса, тя кяльть афсодаензонды макссеви материалть мархта полнай знакомства кяльста-кяльс йотафтыень вельде, а станя жа макссеви права судть зса корхтамс родной кяльса.
111-це статьясь. СССР-са сембе судтнень эзга тевонь ванондоматне, кда законца аф азфт исключеният, йотафневихть открытайста и макссеви обвиняемайти права защитанди.
112-це статьясь. Судьятне независимайхть и подчиняются аньцек законти.
113-це статьясь. Сембе Народнай Комиссариаттнень и теест подведомственнай учреждениятнень ширде, кода к башка должностной ломаттнень ширде, а станя жа СССР-нь граждаттнень ширде закоттнень точнайста эряфс йотафтомаснон мельгя высшай надзорсь путневи СССР-нь Прокурорть лангс.
114-це статьясь. СССР-нь Прокурорть путнесы СССР-нь Верховнай Советсь сисем кизонь пингс.
115-це статьясь. Республиканскяй, краевой, областной прокурорхнень, а станя жа автономнай республикань и автономнай областень прокурорхнень путнесыне СССР-нь Прокурорсь вете кизонь пингс.
116-це статьясь. Округонь, райононь и ошень прокурорхнень путнесазь союзнай республикань прокурорхне вете кизонь пингс, и кемокснесыне (утверждает) СССР-нь Прокурорсь.
117-це статьясь. Прокуратурань органтне эсь тевснон эряфс йотафнесазь кодамовок местнай органонь лангс аф-ванозь (независимо) и подчиняются аньцек СССР-нь Прокурорти.