Советскяй Социалистическяй Республикань Союзть Конституцияц (1936)/1938.01.15/08
| ←VII Главась | Советскяй Социалистическяй Республикань Союзть Конституцияц (1938) VIII Главась |
IX Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
VIII ГЛАВАСЬ
Государственнай властень местнай органтне
94-це статьясь. Крайхнень, областтнень, автономнай областтнень, окрукнень, райоттнень, ошнень, велетнень (станицатнень, веленятнень, хуторхнень, кишлакнень, аулхнень) эзга государственнай властень органкс ащихть трудящаень депутатонь Советтне.
95-це статьясь. Краень, областень, автономнай областень, округонь, райононь, ошень, велень (станицань, веленянь, хуторонь, кишлаконь, аулонь) трудящаень депутатонь Советтнень соответственно кочксесазь краень, областень, автономнай областень, округонь, райононь, ошень, велень трудящайхне кафта кизонь пингс.
96-це статьясь. Трудящаень депутатонь Советтненди представительствань норматне латцевихть Союзнай республикань Конституциятнень эса.
[ 20 ]97-це статьясь. Трудящаень депутатонь Советтне вятихть руководства теест подчиненнай управлениянь органтнень деятельностьснон лангса, обеспечендакшнесазь государственнай порядкать ваноманц, ваныхть закоттнень и граждаттнень праваснон эса, вятихть руководства местнай хозяйственнай и культурнай строительствать лангса, латцесазь местнай бюджетть.
98-це статьясь. Трудящаень депутатонь Советтне примсихть решеният и макссихть распоряженият эсь праваснон пределса, конат теест максфт СССР-ть и Союзнай республикать законцнон коряс.
99-це статьясь. Трудящаень депутатонь краень, областень, автономнай областень, округонь, райононь, ошень и велень Советтненди исполнительнай и распорядительнай органкс ащихть исполнительнай комитеттне, конатнень синь кочксесазь тяфтама составса: председатель, теенза заместительхть, секретарь и члетт.
100-це статьясь. Трудящаень депутатонь велень Советтненди исполнительнай и распорядительнай органкс аф оцю поселениява, союзнай республикатнень Конституцияснон соответствияса, ащихть синь мархтост кочксеви председательсь, сонь заместителец и секретарьсь.
101-це статьясь. Трудящаень депутатонь Советтнень исполнительнай органцна непосредственна подотчетнайхть кода трудящаень депутатонь Советти, кона кочказень синь, станя и трудящаень депутатонь вышестоящай Советть исполнительнай органонцты.