Советскяй Социалистическяй Республикань Союзть Конституцияц (1936)/1938.01.15/10
| ←IX Главась | Советскяй Социалистическяй Республикань Союзть Конституцияц (1938) X Главась |
XI Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
X ГЛАВАСЬ
Граждаттнень основной правасна и обязанностьсна
118-це статьясь. СССР-нь граждаттнень ули правасна трудс, лиякс мярьгомс, правасна гарантированнай работань получамс, синь трудснон качестванц и количестванц коряс пандомань мархта.
Трудонь правась обеспечендакшневи народнай хозяйствать социалистическяй организациянц мархта, советскяй обществать производительнай виензон апак лотксек касомаснон мархта, хозяйственнай кризисненди возможносттнень машфтомаснон мархта и безработицать машфтоманц мархта.
119-це статьясь. СССР-нь граждаттнень ули правасна ваймамс.
Ваймаманди правась обеспечендакшневи рабочайхнень сембода ламоснонды рабочай шить 7 частс кирьфтаманц мархта, рабочайхненди и служащайхненди эрь кизоня отпусконь макссемать мархта работама питнень ванфтозь, трудящайхнень обслуживандамс лама санаториянь, ваймама кудонь, клубонь макссемать мархта.
120-це статьясь. СССР-нь граждаттнень, мзярда сиредихть, а станя жа мзярда сярядихть или юмафтсазь трудоспособностьснон, улихть правасна получандамс материальнай обеспечения.
Тя правась обеспечендакшневи государствать счетса рабочайхнень и служащайхнень социальнай страхованияснон оцюста развитиянц вельде, питнень апак пандт трудящайхненди медицинскяй лезксонь максомать мархта, трудящайхнень пользованияс лама всякай курортонь максомать мархта.
121-це статьясь. СССР-нь граждаттнень улихть правасна тонафнемс.
Тя правась обеспечендави всеобще-обязательнай начальнай образованияса, питнень апак пандт тонафнемаса, тяза лувомс высшай образованиятькя, высшай школаса тонафнихнень сембода ламоснонды государственнай стипендиянь максомаса, школатнень эса родной кяльса тонафнемаса, заводга, совхозга, машинно-тракторнай станциява и колхозга трудящайхнень питнень апак пандт производственнай, техническяй и агрономическяй тонафнемаснон мархта.
122-це статьясь. СССР-са авати макссевихть прават алять мархта фкя лаца хозяйственнай, государственнай, культурнай и общественно-политическяй эряфонь сембе областтнень эса.
[ 23 ]Аватнень ня праваснон зряфс йотафтомаснонды возможностсь обеспечендакшневи авати алять мархта ровнаста трудонь максомаса, трудть инкса пандомаса, ваймамаса, социальнай страхованияса и тонафнемань правань максомаса, тярять и идть интересснон государствать ширде ваномаснон мархта, авати пеки пингста содержания мархта отпусконь максомаса, шачфтома лама куттнень, идень лама яслятнень и саттнень мархта.
123-це статьясь. СССР-нь граждаттнень равноправиясна, синь национальностьснон и расаснон лангс афванозь, ащи афполафневи кеме законкс хозяйственнай, государственнай, культурнай и общественно-политическяй эряфонь сембе тевса.
Видеста или косвенна правань кодамовок кирьфтамась или, мекелангт, расовай или национальнай принадлежностень коряс граждаттненди видеста или косвенна преимуществань максомась, станя жа кодамовок расовай или национальнай исключительностень или ненавистень и пренебрежениянь всякай проповедсь — наказави законца.
124-це статьясь. Штоба обеспечендамс граждаттнень мельгя совестень свободать, церькавсь СССР-са явфтф государствать эзда и школась церькавть эзда. Религиознай культонь отправлениянь свободась и антирелигиознай пропагандань вятема свободась лувондови (признается) сембе граждаттнень мельгя.
125-це статьясь. Трудящайхнень интересснон соответствияса и социалистическяй стройть кемокстаманц инкса СССР-нь граждаттненди гарантировандави законца:
а) корхтамань свобода,
б) печатень свобода,
в) собраниянь и митингонь свобода,
г) уличнай шествиянь и демонстрациянь свобода.
Граждаттнень ня нравасна обеспечендакшневихть трудящайхненди и синь организацияснонды типографиянь, кагодонь запасонь, общественнай зданиянь, ульцянь, связень средствань и лия материальнай условиянь максомаса, конат эрявихть ня свободатнень эряфс йотафтомаснонды.
126-це статьясь. Трудящайхнень интересснон соответствияса и народнай массатнень организационнай самодеятельностьснон и политическяй активностьснон касоманц инкса СССР-нь граждаттненди обеспечендакшневи общественнай организацияс пуромомань права: профессиональнай союзс, кооперативнай об"единенияс, одломанень организацияс, спортивнай и обороннай организацияс, культурнай, техническяй и научнай обществас, а рабочай классть рядонзон и трудящаень лия слойхнень эзда сяда активнай и [ 24 ]сознательнай граждаттне пуромкшнихть Всесоюзнай коммунистическяй (большевиконь) партияти, кона ащи социалистическяй стройть кемокстаманц и развитиянц инкса трудящайхнень тюремасост передовой отрядкс и ащи трудящаень сембе организациятненди руководящай ядракс, кода общественнайхненди, станя и государственнайхнендингя.
127-це статьясь. СССР-нь граждаттненди обеспечендакшневи личностень неприкосновенность. Кивок не может улемс арестовандаф, кда тянь кувалма аф ули судонь постановления или прокурорть эзда санкция.
128-цё статьясь. Граждаттнень жилищань неприкосновенностьсна и сьормань (перепискань) тайнасна ванови законца.
129-це статьясь. СССР-сь максси убежищань права иностраннай граждаттненди, конатнень мельгаст паньцихть трудящайхнень интересснон ареляманкса, или научнай деятельностенкса, или национально-освободительнай тюреманкса.
130-це статьясь. СССР-нь эрь гражданинць обязан соблюдать Советскяй Социалистическяй Республикань Союзть Конституциянц, йотафнемс эряфс закоттнень, ваномс трудонь дисциплинать, честнайста относиться общественнай долгти, кельгомс социалистическяй общежитиянь правилатнень.
131-це статьясь. СССР-нь эрь гражданинць обязан ваномс и кемокснемс общественнай, социалистическяй собственностть, кода советскяй стройть священнай и неприкосновеннай основанц, кода родинать богатствань и могуществань источниконц, кода сембе трудящайхнень зажиточнай и культурнай эряфснонды источникть.
Ломаттне, конат покушаются общественнай, социалистическяй собственностть лангс, ащихть врагокс народти.
132-це статьясь. Всеобщай воинскяй обязанностсь ащи законкс.
Рабоче-Крестьянскяй Якстерь Армияса воинскяй службась СССР-нь граждаттненди ащи почетнай обязанностекс.
133-це статьясь. Отечествать арелямац ащи священнай долгокс СССР-нь эрь гражданинти. Родинати изменась: присягать нарушенияц, врагть шири йотамась, государствать военнай виенцты ущербонь тиемась, шпионажсь — наказавихть законть сембе строгостенц коряс, кода инь оцю злодеяния.