Советской Социалистической Республикатнень Союзонь Конституциясь (1936)/1938.01.15/04
Союзной республикатнень государственной властень высшей органтнэ
57 СТАТЬЯ. Союзной республикань государственной властень высшей органокс ашти Союзной республикань Верховной Советэсь.
58 СТАТЬЯ. Союзной республикань Верховной Советэнть кочкить республикань граждантнэ ниле иень шкас.
Представительствань норматне аравтневить Союзной республикатнень Конституцияст коряс.
59 СТАТЬЯ. Союзной республикань Верховной Советэсь республикасонть ашти единственной законодательной органокс.
60 СТАТЬЯ. Союзной республикань Верховной Советэсь:
а) прими республикань Конституциянть ды теи-эйзэнзэ лиякстомтомат СССР-нь Конституциянь 16-це статьянть коряс;
б) кемексты сонзэ составсо аштиця автономной республикатнень Конституцияст ды аравты сынст территориянь границатнень;
в) кемексты республикань народно-хозяйственной планонть ды бюджетэнть;
[ 20 ] г) ули правазо теемс амнистия ды помилования граждантнэнень, конат судязь союзной республиканть судебной органтнэсэ.
61 СТАТЬЯ. Союзной республикань Верховной Советэсь кочки Союзной республикань Верховной Советэнь Президиум составсо: Союзной республикань Верховной Советэнь Президиумонь председатель, сонзэ заместительть, Президиумонь секретарь ды Союзной республикань Верховной Советэнь Президиумонь члент.
Союзной республикань Верховной Советэнь Президиумонть полномочиянзо аравтовить Союзной республикань Конституциянть коряс.
62 СТАТЬЯ. Заседаниятнень ветямо Союзной республикань Верховной Советэсь кочки эсь председатель ды сонзэ заместительть.
63 СТАТЬЯ. Союзной республикань Верховной Советэсь теи Союзной республикань Правительства — Союзной республикань Народной Комиссартнэнь Совет.