Советской Социалистической Республикатнень Союзонь Конституциясь (1936)/1938.01.15/05

From Wikisource
Jump to navigation Jump to search
Советской Социалистической Республикатнень Союзонь Конституциясь  (1938) 
СССР-нь Верховной Совет, edited by Учаев Д., Зубов И., Лукьянов П.
V Глава
Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 21—24
[ 21 ]
V ГЛАВА

Советской Социалистической Республикатнень Союзонть государственной управлениянь органтнэ

64 СТАТЬЯ. Советской Социалистической Республикатнень Союзонть государственной властень исполнительной ды распорядительной высшей органокс ашти СССР-нь Народной Комиссартнэнь Советэсь.

65 СТАТЬЯ. СССР-нь Народной Комиссартнэнь Советэсь ответственной СССР-нь Верховной Советэнть икеле ды сонензэ подотчетной, Верховной Советэнь сессиятнень ютксо шкастонть жо — СССР-нь Верховной Советэнь Президиумонть икеле, конанень подотчетной.

66 СТАТЬЯ. СССР-нь Народной Комиссартнэнь Советэсь издает постановленият ды распоряженият действующей законтнэнь коряс ды сынст тевс ютавтомаст кис ды ванны сынст тевс ютавтоманть.

67 СТАТЬЯ. СССР-нь Народной Комиссартнэнь Советэнть постановлениянзо ды распоряжениянзо обязательнойть СССР-нь весе территориянть лангсо.

68 СТАТЬЯ. СССР-нь Народной Комиссартнэнь Советэсь:

[ 22 ] а) объединяет ды направляет СССР-нь общесоюзной ды союзно-республиканской Народной Комиссариатнэнь ды лия сонензэ подведомственной хозяйственной ды культурной учреждениятнень роботаст;

б) прими мерат народно-хозяйственной планонть, государственной бюджетэнть тевс ютавтоманть кис ды кредитно-денежной системанть кемекстамонзо кис;

в) прими мерат общественной порядканть обеспечениянзо коряс, государственной интерестнэнь защитанть ды граждантнэнь праваст ванстоманть кис;

г) ютавты тевс общей руководстванть иностранной государстватнень марто тевень ветямосонть;

д) аравты действительной военной службас эрьва иестэ саема граждантнэнь контингентэнть, вети масторонть вооруженной вийтнень общей строительстванть эйсэ;

е) эрявикс случайстэ СССР-нь Народной Комиссартнэнь Советэнть эйсэ теи специальной комитетт ды Главной Управленият хозяйственной, культурной ды оборонной строительствань тевтнень коряс.

69 СТАТЬЯ. СССР-нь Народной Комиссартнэнь Советэнть ули правазо управлениянь ды хозяйствань отраслятнева, конат максозь СССР-нь компетенцияс, лоткавтнемс Союзной республикань Народной Комиссартнэнь Советнэнь постановленияст ды распоряженияст ды отменять СССР-нь Народной Комиссартнэнь приказост ды инструкцияст.

70 СТАТЬЯ. СССР-нь Народной Комиссартнэнь Советэнть теи СССР-нь Верховной Советэсь составсо:

СССР-нь Народной Комиссартнэнь Советэнь председатель;

[ 23 ] СССР-нь Народной Комиссартнэнь Советэнь председателенть заместительть;

СССР-нь Государственной Плановой Комиссиянь председатель;

Советской Контролень Комиссиянь председатель;

СССР-нь Народной Комиссарт;

Искусствань тевтнень коряс Комитетэнь председатель;

Высшей школань тевтнень коряс Комитетэнь председатель;

Государственной Банконь Правлениянь председатель.

71 СТАТЬЯ. СССР-нь правительствась зли СССР-нь Народной Комиссарось, конатнень икеле аравтозь СССР-нь Верховной Советэнь депутатонть запросозо, обязант колмо чиде аволь седе ламо шкас максомс валсо эли сермасо ответ соответствующей палатасонть.

72 СТАТЬЯ. СССР-нь Народной Комиссартнэ ветить Государственной управлениянь отраслятнень, конат совить СССР-нь компетенцияс.

73 СТАТЬЯ. СССР-нь Народной Комиссартнэ соответствующей Народной Комиссариатнэнь компетенцияст пределтнэсэ нолдтнить приказт ды инструкцият действующей законтнэнь основанияст коряс ды топавтомаст кис, истя жо СССР-нь Народной Комиссартнэнь Советэнть постановлениянзо ды распоряжениянзо коряс ды проверить сынст топавтоманть.

74 СТАТЬЯ. СССР-нь Народной Комиссариатнэ аштить эли общесоюзнойкс эли союзно-республиканскойкс.

75 СТАТЬЯ. Общесоюзной Народной Комиссариатнэ ветить сыненст максозь государственной управлениянь отраслятнень весе СССР-нь [ 24 ]территориясонть эли непосредственна эли сынст пельде аравтозь органтнэнь вельде.

76 СТАТЬЯ. Союзно-республиканской Народной Комиссариатнэ ветить, сыненст порученной государственной управлениянь о траслясонть, прок правила, союзной республикатнень вейкеть лем марто Народной Комиссариатнэнь вельде ды непосредственна управляют предприятиятнень ансяк определенной ограниченной покшолмасо спискань коряс, конань кемекстасы СССР-нь Верховной Советэнь Президиумось.

77 СТАТЬЯ. Общесоюзной Народной Комиссариатокс савить Народной Комиссариатнэ:

Оборонань;
Иностранной тевень;
Внешней торговлянь;
Сообщениянь китнень;
Связень;
Ведень транспортонь;
Тяжелой промышленностень;
Оборонной промышленностень;
Машиностроениянь;
Военно-Морской Флотонь;
Заготовкатнень.

78 СТАТЬЯ. Союзно-республиканской Народной Комиссариатокс савить Народной Комиссариатнэ:

Пищевой промышленностень;
Легкой промышленностень;
Лесной промышленностень;
Земледелиянь;
Зерновой ды животноводческой совхозтнэнь;
Финанстнэнь;
Торговлянь;
Внутренней тевтнень;
Юстициянь;
Здравоохранениянь.