Советской Социалистической Республикатнень Союзонь Конституциясь (1936)/1938.01.15/03
| ←II Глава | Советской Социалистической Республикатнень Союзонь Конституциясь (1938) , edited by Учаев Д., Зубов И., Лукьянов П. III Глава |
IV Глава→ |
| Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 13—18 |
Советской Социалистической Республикатнень Союзонть государственной властень высшей органтнэ
30 СТАТЬЯ. СССР-нь государственной властень высшей органокс ашти СССР-нь Верховной Советэсь.
31 СТАТЬЯ. СССР-нь Верховной Советэсь ютавты тевс весе праватнень, конат максозь Советской Социалистической Республикатнень Союзонтень Конституциянь 14-це статьянть коряс, коли сынь, Конституциянть коряс, а совить СССР-нь Верховной Советэнтень подотчетной СССР-нь органтнэнь компетенцияс: СССР-нь Верховной Советэнь Президиумонть, СССР-нь Народной Комиссартнэнь Советэнть ды СССР-нь Народной Комиссариатнэнь.
32 СТАТЬЯ. СССР-нь законодательной властенть ютавты тевс ансяк СССР-нь Верховной Советэсь.
33 СТАТЬЯ. СССР-нь Верховной Советэсь ашти кавто палатасто: Союзонь Совет ды Национальностнень Совет.
34 СТАТЬЯ. Союзонь Советэнть кочкить СССР-нь граждантнэ кочкамонь округтнэва нормань коряс: вейке депутат 300 тыщат эрицятнень эйстэ.
[ 14 ] 35 СТАТЬЯ. Национальностнень Советэнть кочкить СССР-нь граждантнэ союзной ды автономной республикатнева, автономной областьнева ды национальной округтнэва нормань коряс: комсь ветее депутатт эрьва союзной республиканть пельде, кевейкее депутатт эрьва автономной республиканть пельде, вете депутатт эрьва автономной областенть пельде ды вейке депутат эрьва национальной округонть пельде.
36 СТАТЬЯ. СССР-нь Верховной Советэсь кочкави ниле иень шкас.
37 СТАТЬЯ. СССР-нь Верховной Советэнь кавонест палататне: Союзонь Советэсь ды Национальностнень Советэсь равноправнойть.
38 СТАТЬЯ. Союзонь Советэнтень ды Национальностнень Советэнтень вейкетьстэ принадлежит законодательной инициативась.
39 СТАТЬЯ. Законось ловови утвержденнойкс, бути сонзэ примизь СССР-нь Верховной Советэнть кавонест палататне эрьвейкесэнть простой большинствасо.
40 СТАТЬЯ. Законтнэ, конатнень приминзе СССР-нь Верховной Советэсь, публиковавить союзной республикатнень кельсэ СССР-нь Верховной Советэнь Президиумонь председателенть ды секретаренть подписест марто.
41 СТАТЬЯ. Союзонь Советэнь ды Национальностнень Советэнь сессиятне ушодовить ды прядовить ве шкасто.
42 СТАТЬЯ. Союзонь Советэсь кочки Союзонь Советэнь председатель ды сонзэ кавто заместительть.
43 СТАТЬЯ. Национальностнень Советэсь кочки Национальностнень Советэнь председатель ды сонзэ кавто заместительть.
44 СТАТЬЯ. Союзонь Советэнь ды [ 15 ]Национальностнень Советэнь председательтне ветить эсь палатань заседаниятнень ды ведают сынст внутренней распорядкасонть.
45 СТАТЬЯ. СССР-нь Верховной Советэнь кавонест палататнень вейсэнь заседаниятнень очередень коряс ветить Союзонь Советэнь ды Национальностнень Советэнь председательтне.
46 СТАТЬЯ. СССР-нь Верховной Советэнь сессиятнень тердтни СССР-нь Верховной Советэнь Президиумось иезэнзэ кавксть.
Аволь очередной сессиятнень тердтни СССР-нь Верховной Советэнь Президиумось эсь мелензэ коряс эли союзной республикатнень эйстэ вейкенть вешеманзо коряс.
47 СТАТЬЯ. Бути Союзонь Советэнть ды Национальностнень Советэнть ютксо лиси разногласия, вопросось максови решамс согласительной комиссияс, кона тееви паритетной началань коряс. Бути согласительной комиссиясь а пачкоди ве мелень решенияс эли бути сонзэ решениясь а вити палататнень эйстэ вейкенть мелензэ, вопросось омбоцеде ваннови палататнесэ. Кавто палататнень ютксо а улиньдеряй ве мелень решения, СССР-нь Верховной Советэнь Президиумось распускает СССР-нь Верховной Советэнть ды назначи од кочкамот.
48 СТАТЬЯ. СССР-нь Верховной Советэсь кавонест палататнень вейсэнь заседаниясо кочки СССР-нь Верховной Советэнь Президиум составсо: СССР-нь Верховной Советэнь Президиумонь председатель, сонзэ кевейкее заместительть, Президиумонь секретарь ды Президиумонь 24 члент.
СССР-нь Верховной Советэнь Президиумось весе эсь тевень ветямосонзо подотчетной СССР-нь Верховной Советэнтень.
[ 16 ] 49 СТАТЬЯ. СССР-нь Верховной Советэнь Президиумось:
а) тердтни СССР-нь Верховной Советэнь сессият;
б) максы СССР-нь действующей законтнэнень толковамо, нолды указт;
в) распускает СССР-нь Верховной Советэнть СССР-нь Конституциянть 47-це статьянзо коряс ды назначи од кочкамот;
г) теи всенародной кевкстнема (референдум) эсь инициативанзо эли союзной республикатнень эйстэ вейкенть вешеманзо коряс;
д) отменяет СССР-нь Народной Комиссартнэнь Советэнть ды Союзной Республикатнень Народной Комиссартнэнь Советнэнь постановленияст ды распоряженияст, бути сынь несоответствуют закононтень;
е) СССР-нь Верховной Советэнь сессиятнень ютксо шкастонть каи должностьстэ ды назначи СССР-нь башка Народной Комиссарт СССР-нь Народной Комиссартнэнь Советэнь председателенть представлениянзо коряс, теде мейле максы утвержденияс СССР-нь Верховной Советэнтень;
ж) награждает орденсэ ды присваивает СССР-нь почетной званият;
з) тевс ютавты помилованиянь праванть;
и) назначи ды полавты СССР-нь вооруженной виень высшей командованиянть;
к) СССР-нь Верховной Советэнь сессиятнень ютксо шкастонть яволявты войнань состояния, бути СССР-нть лангс ули военной нападения эли агрессиянть эйстэ вейсэнь оборонань коряс международной договорной обязательстватнень топавтомань эрявикс случайстэ;
л) яволявты общей ды частичной мобилизация;
м) ратифицирови международной договорт;
н) назначи ды мекев терди лия масторонь [ 17 ]государстватнесэ СССР-нь полномочной представительтнень;
о) прими сонензэ аккредитованной лия масторонь государстватнень дипломатической представительтнэнь верительной ды отзывной грамотаст;
п) СССР-нь оборонанть эли общественной порядканть ды государственной безопасностенть интерестнэнь кис яволявты военной положения башка местностнева эли весе СССР-нть келес.
50 СТАТЬЯ. Союзонь Советэсь ды Национальностнень Советэсь кочкить мандатной комиссият, конат проверить эрьва палатань депутатнэнь полномочияст.
Мандатной комиссиянть представлениянзо коряс палататне решасызь эли признать полномочияст, эли кассировамс башка депутатнэнь кочкамост.
51 СТАТЬЯ. СССР-нь Верховной Советэсь теи, зярдо сон ловсы эрявиксэкс, следственной ды ревизионной комиссият эрьва кодамо вопросонь кувалт.
Весе учреждениятне ды должностной ломантне обязаннойть топавтнемс неть комиссиятнень вешемаст ды макснемс тенст эрявикс материалт ды документт.
52 СТАТЬЯ. СССР-нь Верховной Советэнь депутатось не может улемс привлечен судебной ответственностьс ды а арестовавкшнови СССР-нь Верховной Советэнть согласиявтомо, се шкастонть жо, зярдо арась СССР-нь Верховной Советэнь сессия, — СССР-нь Верховной Советэнь Президиумонть согласиявтомо.
53 СТАТЬЯ. СССР-нь Верховной Советэнть полномочиянзо ютамодо мейле эли шкадо икеле сонзэ нолдамодо мейле СССР-нь Верховной Советэнь Президиумось кирди эсь полномочиянзо се шкас, зярдо СССР-нь одс кочкавт Верховной [ 18 ]Советэсь кочки СССР-нь Верховной Советэнь од Президиум.
54 СТАТЬЯ. СССР-нь Верховной Советэнть полномочиянзо ютамодо мейле эли шкадо икеле нолдамодонзо мейле СССР-нь Верховной Советэнь Президиумось назначи одс кочкамот кавто ковдо аволь седе ламо шкань ютазь се чинть эйстэ, кода СССР-нь Верховной Советэнть ютасть полномочиянзо эли нолдамодонзо мейле.
55 СТАТЬЯ. СССР-нь одс кочказь Верховной Советэнть тердьсы СССР-нь икелень составонь Верховной Советэнь Президиумось, кочкамотнеде мейле ковдо аволь седе позда.
56 СТАТЬЯ. СССР-нь Верховной Советэсь кавонест палататнень вейсэнь заседаниясо теи СССР-нь Правительства — СССР-нь Народной Комиссартнэнь Совет.