Священная история Ветхого и Нового завета (1880)/В/Новый/55

by by Юртовъ, Авксентій Филипповичъ

←54-це глава.

Священная исторія Ветхаго и Новаго завѣта на эрзянскомъ нарѣчіи  (1880)  by Юртовъ, Авксентій Филипповичъ Новый завѣтъ. 55-це глава.

Новый завѣтъ.→

Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 141—142

[ 141 ]

55. Іисусъ Христозонь тонавтницятне лангсъ Святой Духонь валгомадо.

Идиця Христозонь менельсъ кептямодонзо мейле тонавтницянзо весе Іерусалимсэ эрямо кадовсть. Сынь тесэ эрямстостъ ве таркасъ промозь Пазнэнь озныльть: сынь алтазь Утѣшителень, Пазъ Тятянь эйстэ лисиця Святой Духонть пекъ учость несакъ. Вана Пятидесятницянь (ведькеменьсе чи) чизэ сась. Те чистэнть Христознэнь кемицятне весеместъ ве таркасъ промозь вейсэ Пазнэнь озность. Сынстъ озномстостъ пустыня ёндо кода віевъ вармань кондямо віевъ шумъ кепти да сынстъ ознома кудонть лангсъ. Тонавтницятне шумдонть и пекъ тандадсть и пекъ радувасть: шумось кудонь копачазь копачизе да потмозонзо якъ пешкедсь. Тонавтницятне ваныть келень кондямо толъ эрва конатастъ прястъ велкссэ. Теде мейле эрва конатастъ сынстъ эйстэ одовъ шачозь ломанень кондямо [ 142 ]велявсь. Те истя сынстъ лангсъ алтазь Святой Духъ валгсь да эзэстъ совась. Сынь эрва кодатъ кельсэ кортамо кармасть.

Те шумонть марязь сынстъ кудонть перька ламо ломать промсть. Те праздникентень Іерусалимсъ эрва ёндо народъ промкшны. Неть ломатне Апостолтнэнь эрва конатастъ эсь кельсэнзэ кортамостъ марязь пекь дивасть: тей эрва ёндо эрва кельсэ кортыцятъ промкшныть. „Ванодоякъ“, мерить, „неть ломатне (апостолтнэ) сынсь Галилейстэ, кода ино сынь минекъ кельсэнекъ кортазь Пазонь шныть? Пазъ панжизе несакъ тенстъ минекъ келенекъ“! Неть ломатне ютксостъ истя кортыцятъ какъ ульнесть. „Сынь“, мерить, „чече винадо симезь иредстэ кортыть“. Сестэ Апостолъ Петръ весе сесэ ащиця народнэнь ёвтась: „минь“, мери, „авуль иредстэтянокъ; икелень пророктнэнь ёвтлемастъ ней топодсь: Іудейтнень маштозь Іисусъ Христосъ кулозь таркастонзо вельмесь; минекъ лангозонокъ икеле алтазь Пазъ Тятянь эйстэ Святой Духъ валгсь. Святой Духонть эзэзэнекъ совамонь кувалтъ ней минь эрва кодамо кельсэ кортавтанокъ“. Петра апостолонь ёвтлеманзо марязь колмо тысяча ломать Христозонь вельмеманзо кемизь да сескэ прястъ апостолтнэнь кедстэ лемдевсть.

 

 

конецъ.