Священная история Ветхого и Нового завета (1880)/В/Новый/45
| ←44-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 45-це глава. |
46-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 125—126 |
45. Іисусъ Христосъ Анна марто Каіфа прявтъ священниктнэнь кедсэстъ.
Салдатнэ Іисусонь Геѳсиманской садсо кундазь прявтъ священникъ Аннанень ветизь. Анна Іисусонь тонавтницядонзо, тонавтомадонзо кевстнеме кармась. Іисусъ кортась тензэ: „Монъ киньгакъ салава эзинь тонавтъ. Кевстить вана Монь валомъ марязь ломатнень, сынь ёвтыть тенть, Монъ месть кортынь тенстъ“. Сестэ Аннань ве слугазо, кудазоронстэнь угодямань кисъ, Іисусонь щёка ланга рикштядизе да мерсь: „эле истя отвѣчамсъ эряви прявтъ священникнень“? Іисусъ мерсь тензэ: „коле Монъ мезе берянь ёвтынь тензэ: невтикъ Монь берянь кортамомъ, коле Монъ берянь эзинь ёвтакъ, мезень кисъ чаватъ ина Монь“? Аннань кедстэ Іисусонь прявтъ священникъ Каіфанень ветизь.
Каіафань кедсэ Іисусонь лангсъ ламо [ 126 ]кенгелицятъ промсть. Конататъ „Сонъ суббутань чить а почитаи“, мерить; конатанъ „Сонъ Пазонь церкуванть, синтрезь, колмо чистэ одовъ кенерсса мерекшнесь“, мерить. Іисусъ сынстъ каршо месть какъ эзь отвѣчакъ. Мейле Каіафа сонсь Іисусонь, малавъ сазь, кевстизе: „Акулыця Пазонь лемсэнзэ божавттанъ Эйсэть, ёвтакъ монень: Пазонь Цёразо Тонъ, эле авуль“? Іисусъ мерсь тензэ: „тонъ тень аньсякъ кевстить, а Монъ седе ламо ёвтанъ тенть: Ломанень Цёранть Пазъ Тятянзо видь ёнонзо озадо ащеманзо да менельсэ пельтнень лангсо молеманзо нейсынкъ“. Архіереесь, эсь лангсонзо одюжанзо сезнезь, „таго (ащо) мезень кисъ свидѣтелть“! (селме неикстъ) мерсь: „Тынь тынсь мариде Сонъ Пазъ лангсо пейди некакъ, а тынь кода думатадо“? Сестэ сынь весе ёвтасть: „Сонзо маштомонзо эряви“. Теде мейле Іисусонь кардайсъ ливтизь. Тесэ, Сонзо лангсо архіереень слугатне эрва кода пейдезь, щёка ланга чавсть Эйсэнзэ. Сонзо селмензэ велтясызь да, щёка ланга чавозь, кевстнесть: „Христосъ! ки“, мерить, „вачкодинзеть, ёвтакъ тенекъ“.