Священная история Ветхого и Нового завета (1880)/В/Новый/42
| ←41-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 42-це глава. |
43-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 120—122 |
42. Іисусъ Христозонь Эсь тонавтницятнень пильгестъ шлямодо да причастямонь*)[1] путомадо.
Великой Четвергъ ламбамодо ярсамо чи ульнесь: те чись Инечинь ревелявскъ печкема чи ульнесь. Іисусъ Христосъ Петра марто Іоаннэнь мерсь: „азеде тынь городсъ. Кодакъ городсъ соватадо, ве кукшинсэ ведь кандыця ломань нейтядо, сонзо мельга совадо да кудазоронтень истя ёвтадо: Тонавтыцянокъ кевстеметь кармавсь: „кона кудосотъ“, мери, „Монъ Эсь тонавтницямъ марто пасхадо ярсамо карманъ“? Сонъ невти тенкъ покшъ парынестэ пурназь, сэрнязь кудо. Тынь се кудосонть пасхань ревелявксонть онокстынкъ“. [ 121 ]Тонавтницятне мольсть, Іисусонь валонзо кувалтъ муизь се ломаненть и сонъ невтезь кудосонть пасханть анокстызь.
Кода ужъ чизэ чоподсь, Іисусъ Христосъ Эсь тонавтницянзо марто се кудонтень сась. Сонъ Эсь лангстонзо вереце одюжанзо каизе, перканзо нардамо паця сюлмась, кедень пилгень шлямо посудасъ ведь пейшсь. Мейле Сонсь тонавтницятнень пилгестъ шлязь, нардамо пацясо нарднеме кармась. Сонъ Петрань пильгензэ шлямо кармакшнось, а Петра мерсь Тензэ: „Тонавтыцямъ! монъ пилгемъ шлямостъ амаксынь Тенть“! Іисусъ мерсь тензэ: „коле пилгеть а шлясынь Монъ, Монь мартомъ ве таркосо тонь частеть а ули“. Сестэ Петра сергедсь: „Тонавтыцямъ! авуль пилгемъ аньсякъ и кедемь и прямъ шлить ина“. Іисусъ мессь тензэ: „ванькстнэнь пилгестъ аньсякъ шлямсъ эрявить: сонъ ваньксъ; тынь гакъ ванькстадо, аньсякъ авуль весеменкъ“. Сонъ содась ки эйстэстъ кундазь макссазо (мійсазо), сень кисъ истя ёвтась. Тонавтницятнень пилгестъ шлямодо мейле Іисусъ мартостъ вейсэ столь экшесъ озась да мерсь тенстъ: „Монъ Тонавтыцянкъ и Прявтонкъ, а вана пилгенкъ шлинь. Монъ истя теинъ тенкъ примѣронь максомань кисъ: тынь гакъ вейкенкъ вейкенкъ пилгенкъ шлякшнодо“. Мейле кода ташто Законсо Пасханть тееме эряволь, Іисусъ истя тейсь. Теде мейле Сонъ Пазонокъ Одъ Законъ максь. Сонъ сайсь кше (пряка), баславизе сонзо, синтризе (сускумоксъ), тонавтницятненень макснемстэ, мерсь: „Саеде, ярсадо, те Монь тѣламъ, ули, тынкъ пежетенкъ простявтомань (кадовтомань) [ 122 ]кисъ синтреви сонъ“. Теде мейле Сонъ кедезэнзэ вина сайсь вакансо, баславизе сонзо, Пазъ Тятянень шнамо кучозь, тонавтницятненень, максомсто, мерсь: „весеменкъ симеде эйстэнзэ, те Монь Одъ Закононь веремъ ули; те Монь тынкъ и ламо ломанень пежетестъ простявтомань кисъ валовиця веремъ ули“. Сонъ неть валтнэде мейле прибавась: „тень Монь помнямонкъ кисъ яла тейнекшнеде“.
- ↑ (*) Тайной вечеря.