Священная история Ветхого и Нового завета (1880)/В/Новый/33
33. Ёвталмо паро тевень теиця Самаряниндэ.
Ве законникъ ([1]) Іисусъ Христозонь кенгелемензэ терявтомо сась; сонъ мерсь Тензэ: „Тонавтыця! месть тейнемксъ (кода эрямсъ) эряви темъ пингень пингсъ эрямонь кисъ“? Іисусъ кевстизе сонзо: „законсо мезе сёрмадозь? Кода ловнатъ“? Сонъ отвѣчась: „тосо ёвтазь: весе мельсэть, весе оймесэть, весе превсэть эсь Пазотъ вечкикъ, малавиксэть какъ эсь прятъ вечкезь ладсо вечкикъ“. Іисусъ мерсь тензэ: «видестэ (правдасто) отвѣчатъ тонъ; истя тееме карматъ, пингень пингсъ эрятъ». Сонъ Іисусонь валсонзо тапамонь кисъ [ 110 ]эсь прязо виделгавтомань кисъ мерсь Тензэ: «ки монь малавиксэмъ»? Тень лангсъ Іисусъ ёвтась тензэ. «Ве ломань Іерусалимстэ Іерихонсъ молемстэ разбойникень кедсъ понгсь. Сынь сонзо лангстонзо весе одюжанзо ваткизь, эсензэ чавизь, кулома лангсо, весе верь нишке потсо кадызь да сынсь тусть. Се кіяванть попъ ютамо годявсь; сонъ се ломаненть, неезь, ваксканзо апакъ лоткакъ ютась. Истяжа левитъ годявсь ваксканзо ютамо. Левитъ малазонзо, сазь, ванось лангозонзо да вакстонзо тусь. Такодамо ютыця Самарянинъ сонзо мадезь ащема таркасонзо неизе. Самарянинъ жализе сонзо; мейле, ваксозонзо сазь, томсезь, лазнэзь таркатнень ойсэ ваднезь, да вина каязь, парынесте тапардазь сюлмсинзе. Седе мейле эсензэ осёлонзо лангсъ путызе да ве ки лангсо гостинницясъ ([2]) ускизе, ацамо лангсъ парынестэ мадстизе. Самарянинэсь омбоце чистэ, кисъ туйместэ, кудазоронтень кавто динаріятъ максь да мерсь тензэ: «сэреди ломаненть мельга якакъ парынестэ; тенть максозь ярмактнэде седе ламо ютавтатъ, мекевъ ютамсто макссынь тенть». Разбойниктнэнь кедсъ понгозь ломанентень сеть колмо ютыцятнеде коната малавиксъ улнесь»? законникень кевстизе Іисусъ Христосъ. Законникесь отвѣчась: «коната паро тейсь, севате малавиксъ ульнесь тензэ». Сестэ Іисусъ ёвтась тензэ: „азе, тонъ гакъ истя тейнекъ“ (ліяксъ меремсъ: пингень пингсъ эрямонь кисэть, эрва ломаннень паро арсекъ, віеть сатышка паро тейть).