Священная история Ветхого и Нового завета (1880)/В/Новый/01

by by Юртовъ, Авксентій Филипповичъ

←Новый завѣтъ.

Священная исторія Ветхаго и Новаго завѣта на эрзянскомъ нарѣчіи  (1880)  by Юртовъ, Авксентій Филипповичъ Новый завѣтъ. 1-це глава.

2-це глава.→

Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 74—75

[ 74 ]

НОВЫЙ ЗАВѢТЪ.

 

1. Святой Тейтерь Маріянь шачомадонзо.

Иродъ Инязоронь пингстэ Назаретъ городсо Пазонь вечкиця, Давидэнь родсто, сыреть ломать Іоакимъ марто Анна атятъ бабатъ эрясть. Сынстъ эйдестъ какшостъ араселть; сынь Пазонь кедстэ эйде вейшть: «коле», мерить, «Пазъ эйде максы тенекъ, Пазонь Эсензэ икелевъ церкувасъ служама макссынекъ». Пазъ сынстъ озномастъ маризе: максь тенстъ тейтерь эйде; сынь сонензэ Марія лемъ путсть. Маріянь кода колмо іензэ топодсть, Іоакимъ марто Анна сонзо церкувасъ Пазъ икелевъ служамо, ветязь, максызь. Тесэ Марія кемнилее іензэ топодемсъ эрясь; сонъ тесэ эрямсто Св. книгатъ ловныль, Пазнэнь озныль, кедь тевъ тейниль.

Кемветееце іестэнзэ Маріянь эле тятянстэнь, аванстэнь мурдавтомсъ эряволь, эле мирденень максомсъ эряволь. Сонзо тятязо Іоакимъ, авазо Анна кулокшность ужъ, а мирденень молеме сонъ эзь арсекъ: сонъ Пазнэнь валъ максь куломазонзо тейтерьксъ улеме. Сестэ священниктнэ Пазонь невтеманзо [ 75 ]кувалтъ, Маріянь эсензэ васолсе родноензэ, Паздо пелиця сыре атя Іосифень, кедензэ лангсъ максызь, экшезэнзэ мирденень чіязь: Маріянь андозь, симдезь кисэнзэ ащемань кисъ. Іосифъ атя плотникексъ улнесь; сонъ Галилеянь Назеретъ лемсэ городсо эрясь.

Пазонь шачтыця Тейтерь Маріянь шачома чизэ Сентябрянь 8 чистэ празновави, а Пазъ икелевъ церкувасъ ветямо чизэ Ноябрянь 21 чистэ.

 

---