Священная история Ветхого и Нового завета (1880)/В/Ветхий/30
| ←29-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 30-це глава. |
31-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 38—39 |
30. Аравіянь пустынясо Еврейтненень невтезь чудатнеде.
Еврейтне Аравіянь пустынява якамстостъ ламо разтъ Пазонь кежензэ савтнесть. Пустыняванть якамсто весть сынь ведь эсть мукшнокъ. Моисей лангсъ пекъ кежіявтозь машнетеме кармасть. „Тонъ“, мерить: „минекъ тей семьянекъ симевтеме куловтомань кисъ туимизь“! Мейле Мерра лемсэ таркасо ведь муйсть. Се ведтенть эсть симевть: сэпей ульнесь. „Месть тейнемсъ ней темъ“? мерезь Моисей Пазнэнь ознось. Пазъ тензэ се ведентень такодамо ве чувто каямо мерсь. Моисей истя тейсь. Веденть сэпезэ майшсь.
Мейле того зняро шка ютазь Еврейтне Моисеень лангсъ кежіявтозь одовъ машнетеме кармасть. „Минекъ“, мерить, „Египетсэ эрямстонокъ тевенекъ стака ульнесь, да пекень пешкедемсъ кшеде ярсылинекъ. Мезень кисъ тонъ минекъ тей чаво паксясъ ветимизь? Эле вачодо куловтоманокъ кисъ“? Моисей Пазнэнь [ 39 ]кшень вешезь ознось. Пазъ Моисейнень мерсь: „ёвтакъ тенстъ: Монъ вандо кше кучанъ тенстъ“. Валске стязь Еврейтне ваныть весе паксясь ловонь кондямо віевъ лякшсо ([1]) велтявсь. Се лякшось ямкскень кондамо ульнесь. Моисей мери тенстъ: „неть ямкскетнень пурнадо да ярсадо эстэстъ: те Пазонь кедстэ кучозь кше! Ямкскетнеде аньсякъ ве чисъ ярсамо сатышка пурнадо: Пазъ эрва чистэ те кшенть кучнеме карми. А Субботань каршо кавто чисъ ярсамо сатышка пурнадо: Субботань чистэ Пазъ а кучи“. Неть ямкскетненень Еврейтне манна лемъ путсть. Се маннась аньсякъ чинзэ лисемсъ ащиль. Кодакъ чизэ лисезь эждеме кармиль, сонъ солыль. Маннанть тантезэ медь арвосъ ([2]) панезь сюкоро ([3]) ёновъ молиль. Мейле Еврейтне, одовъ маштнетезь „сывельде ярсамонокъ сась“, мерезь кортамо кармасть. Моисей Пазнэнь инялдсь. Пазъ сывельксъ тенстъ ламо кочкодыкть кучсь. Сынь сывельденть ярсазь пекъ кулсеме кармасть: пекалкстнэ пекъ ламонь ламонь ярсасть несакъ.
Весть Еврейтненень а мезде симемксъ ульнесь. Сынь машнетезь Моисейнень пеняцямо кармасть. „Минекъ тей симектеме куловтоманокъ кисъ ветимизь тонъ“, мерить. Моисей Пазнэнь инялдсь. Пазъ ёвтась тензэ: „саикъ“, мери, „эсеть палкатъ да Хоривъ пандонь кевсъ вачкодть“. Моисей истя тейсь. Кевстэнть ведь чудеме кармась. Се ведтенть весеместъ пешкедемазостъ симсть.