Священная история Ветхого завета (мокшень)/B/18

by by Евсевьевъ, Макаръ Евсевьевичъ

[ 21 ]

18. Іаковть иденза.

Іаковть кемгафтувы̃ль цёранза: Рувим, Симеон, Левій, Іуда, Иссахар, Завулон, Дан, Нефѳалим, Гад, Ассир, Іосиф дӑ Веніамин. Іакы̃всь цёранзы̃н эзда сембы̃да пя̈кь кельгы̃лезя̈ Іосифть. Іосифсь сембы̃да цебя̈рьсель брады̃зы̃н ёткста. Аляц стафць теенза мазы̃ щам. Брады̃нза кармасьть сельмя̈ каяма сонь лаҥгы̃зы̃нза, дӑ ушы̃цть аф кельгы̃мы̃нза. Іосифть брады̃нза ёфси лоткасьть кельгы̃мы̃нза [ 22 ]мы̃зярда сон азы̃нды̃зень теест оны̃нзы̃н. Іосиф ня̈йсь вага кодама отт: весть сон пы̃та брады̃нзы̃н марта нусь пулфт паксяса: сонь пулфы̃ц стя̈сь, а брады̃нзы̃н пулфсна сюкы̃ня̈сть сонь пулфы̃нцти. Іосиф омбы̃ця̈ оны̃ц: пы̃та шись, ковсь дӑ кефкія̈ тя̈шть сюкы̃ня̈сть теенза.