Священная история Ветхого завета (мокшень)/B/07
7. Потопа.
Кы̃да ломатня̈ масты̃рть лаҥкса пя̈кь раштасьть, дӑ Сифэнь роды̃нь ломатня̈ шорявсьть Каин роды̃нь ломатнень марта, синь сембя̈ юкстазь Шкайть. Иляць анцяк фкя̈ цебя̈рь ломань, конац Шкайть эзда пелель; сонь лемы̃цы̃ль Ной. Шкайсь мя̈рьксь Ноеньди: азк ломатненьди: эряст цебя̈рьста дӑ тяст тіеньдя̈ сяда лама грехт, каендамс Мон максан теест сяда комсь киза, а кы̃да синь аф каендайхть тя̈ пиҥкть, эста Мон сембы̃нь синь имафцайнень потопаса.
Ной азы̃нды̃зень ломатненьди Шкайть валы̃нзы̃н. Ломатня̈ ашы̃зь кулцы̃нда сонь дӑ ашы̃сьть каенда. Эста Шкайсь мя̈рьксь Нойти: тихть оцю корабы̃ль дӑ сувак эзы̃нза авацень марта, ся̈вить марты̃т колмицькя̈ эсь цёратнень авасны̃н марта, дӑ неҥгя̈ ся̈фть марты̃т цебя̈рь нармы̃ть, [ 10 ]шуватат дӑ зверьть сисемы̃нь пар, а аф цебя̈рьда кафты̃нь пар. Нойсь тись, кода теенза мя̈рьксь Шкайсь дӑ сувась корабы̃льть потмы̃с. Кодак Нойсь сувась корабы̃льть потмы̃с, эстакигя̈ тусь вишкя̈ пиземь дӑ пизесь ниля̈гемы̃нь шит, ниля̈гемы̃нь вет. Вець пя̈шкы̃дезя̈ сембя̈ масты̃рть дӑ ваяфты̃зень сембя̈ масты̃рть ланкса эря̈йхнень. Иляць аньцяк Ной, дӑ конат сонь марты̃нзы̃льть корабы̃льса. Вець масты̃рть ланкса ащесь сяда ведьгемы̃нь ши. Сальдя̈ кармась прама. Нойть корабы̃лец лоткась Арарат лемса панда пряс. Нойсь содамс — коськсь масты̃рсь али эзь коськя̈, нолдась корабы̃льть потмы̃ста варси. Варсись ашы̃зь мы̃рда меки корабы̃льти. Сисемь шида меля̈ Нойсь нолдась кулю. Кулюсь эсты̃кигя̈ мы̃рдась меки корабы̃льти; масты̃рть лаҥкста ашэзь му коськя̈ васта эстіенза валгы̃мс. Неҥгя̈ сисемь шида меля̈ Нойсь таҥга нолдась кулю, кулюсь иля̈деньди мы̃рдась меки корабы̃льти, дӑ канць курксы̃нза лопа марта шуфта тараткя̈. Тя̈нь коряс Нойсь содазя̈: шта масты̃рсь коськсь, дӑ шуфтневы̃к лопая̈сьть. Тяда меля̈ Нойсь колмы̃цеда нолдась кулю, ся̈ кулюсь меки корабы̃льти ашы̃зь мы̃рда. Тяда меля̈ Шкайсь мя̈рьксь Ноеньди корабы̃льть эзда лисемда. Кодак Нойсь лись карабы̃льть эзда, канць Шкайти озкс, потопать эзда ваны̃маҥкса. Шкайсь [ 11 ]пы̃рьняндазя̈ сонь озксы̃нц; баславазя̈ Нойть дӑ мя̈рьксь: иля̈ тяфтама потопа масты̃рть лаҥкса мы̃зярды̃нга аф ули, тя̈нь кувалмы̃ва кармай тееньть ля̈тфнемя̈ менельста атям ёҥксь.