Священная история Ветхого завета (мокшень)/О/52

From Wikisource
Jump to navigation Jump to search
Священная история Ветхого завета на Мокшанском наречии Мордовского языка  (1900)  by Евсевьев, Макар Евсевьевич
52-це главась.
Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 68—71

Еврейхнень Вавилонскяй пленса эряфсна.

Иудейхне эрясть пленса 70 кизот, озондсть эсь грехснон простиндамаснон инкса, лоткасть идолонди сюконякшнемда, дъ кармасть аньцек виде Шкайть лангс надияма. Синь шарьхкодсть, мезенкса Шкайсь наказазень, дъ кармасть грехснон кувалмова пяк озондома; лучше синь сяда курок кулольхть, а идолонди афольть карма сюконякшнема.

Весть Навуходоносор путсь Вавилонса золодонь идол дъ мярьгсь сембонди теенза сюконякшнемда. Колма Евреень цёрат: Анания, Азария дъ Мисаил ашезь кулхцонда Навуходоносоронь: ашесть сюконя идолти. Навуходоносор тянь кулезь пяк кяжиясь лангозост, тердезень синь эстиенза дъ мярьгсь теест: мес тинь — Анания, Азария дъ Мисаил, монь путф шкаезти аф озонттада дъ аф сюконякшнетяда? Кодак тинь кульсасть трубань вайгяльть, прада комада идолть инголи дъ сюконяда теенза, аф сюконяфтярятада, ульхтяда каяфт уштф пянакудс; эста кодама шкай идетядязь монь кядьстон? Анания, Азария и Мисаил мярьгсть Навуходоносоронь каршес: минь Шкаеньке, Конанди минь озонттама, вансамазь минь уштф пянакудсонга; идесамазь тонь кядьстотка, а тонь шкайцьти минь аф озонттама, золодонь идолцтиге аф сюконятама. Навуходоносор, ня валхнень кулезь сяда пяк кяжиясь дъ мярьгсь пянакудть уштомда сисемксть сяда пяк. Сальде мярьгсь сотомда Ананиянь, Азариянь дъ Мисаилонь дъ ёрдамда пянакуду. Синь щазь-карязь, сотнезь дъ ёрдазь пянакуду.

Пянакудсь уштфоль стане, налната каяйхне сембе пидсевсть дъ кулость, а Ананиянди, Азариянди дъ Мисаилонди мезевок ашезь тиев. Синь стясть толть потмоса пильгснон лангс, дъ кармасть морафтозь Шкайть шнама.

Навуходоносор оцязорсь, кодак кулезе пянакудста морафтомать, пяк дивандась, сяда курок стясь вастстонза, арась пянакудть инголи дъ мярьгсь эсь ломанензонди: аф колма-ли ломатть сотфста ёрдаме минь толти. Ломаттне мярьгсть теенза: стане, оцязор. Навуходоносор мярьгсь тага: кода мъля мон няян ниле ломатть пянакудса, апак сотнек якайхть толга, толське теест аф педи; нилеце ломансь Шкаень цёракс ащи. Навуходоносор шаштсь пянакудть инголи дъ мярьгсь: Анания, Азария дъ Мисаил, Вярьде Шкаень ломатть, лиседа толста! Анания, Азария дъ Мисаил лиссть. Эста пуромсть синь перьфкаст оцязорть сембе начальниконза дъ вансть цёратнень лангс. Толсь теест мезевок ашезь ти: шяярьсна ашесть кыр, одёжасновок илядсть станяк, налнатай качам шинесновок ашель.

Эста Навуходоносор мярьгсь: Благословиндаф Ананиянь, Азариянь дъ Мисаилонь Шкайсна, Кона кучезе эсь Ангелонц дъ идезень лангозонза надияй ломаттнень, конат мольсть налната толти, а ашесть сюконя иля шкаенди.