Священная история Ветхого завета (мокшень)/О/51
Иудейскяй царствась.
Иудейскяй цартвань ломаттне сяда ламос мяляфтозь виде Шкайть; сяс Иудейскяй царствась ащесь Израильскяй царствать коряс сяда колмогемонь-кафтува кизода сяда ламос. Иудейскяй царствав Шкайсь кучсесь лама пророкт Иудейхнень прявийс путома; синь аньцек ашезь кулхцонкшне синь. Сембе Иудейскяй царствань оцязорхне Давидонь плямастольхть; конат-конат синь эздост аф цебярь ломаттельхть. Давидонь плямась Иудейскяй царстваса мольсь Иисус Христозть шачемс.
Иудеянь мекпяльде оцязорснон лемоцоль Седекия; сонь пингстонза Вавилонскяй оцязорсь, Навуходоносор, сърафтозе Иудейскяй царствать; Иерусалимскяй церькавть пълхтазе; Седекиянь сельмонзон таргазень, а сембе эряйхнень сявозень пленс Вавилону. Иудейскяй царствась маштсь 558 кизода инголе Иисус Христозть шачемда инголе.
Иудейскяй царствав кучф пророкнень эзда эмбода ламос Иудейхнень эса тонафтсть: пророк Исайя дъ Иеремия. Исайя инголькиге азондозе Иисус Христозть шачеманц, крезть лангс шавоманц, калмаманц дъ меки живолгодоманц. Иеремия эсь сельмонза мархта няезе, кода Навуходоносор пълхтазе Иерусалимть дъ сявозень эряйхнень пленс. Иудейхне шавозь сонь, мес сон апрякакшнезень синь грехснон инкса.