Священная история Ветхого завета (мокшень)/О/37
| ←36. Гедеон. | Священная история Ветхого завета на Мокшанском наречии Мордовского языка (1900) by 37-це главась. |
38. Пророк Самуил.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 45—46 |
37. Самсон.
Эмбода пяк арась кирдемс еврейхненди филистимлятнень эзда, конатнень кядь-алостольхть синь нилегемонь кизот. Мъзярда еврейхне каендасть грехснон эса, Шкайсь кучсь синь идемост Самсононь. Самсон шачемстонзокиге Шкаень кочкаф ломанель.
Сон идезень израильтятнень филистимлятнень эзда. Самсон эрясь филистимлятнень маласа; сон сидеста якась филистимлятненди, дъ кяжиста паннесь синь аф цебярь тевснон инкса, конатнень синь тиендезь теенза. Сон фкя филистимлян ава мархта юмафтозе эсь прянцка. Шкайсь сявозе сонь виенц (силанц) дъ максозе филистимлятнень кядьс. Филистимлятне таргазь Сонь (Самсононь) сельмонзон, ковандазь кшниса дъ путозь кядь меленцяса почфонь яжама.
Каендамдонза меле Самсононь виец мърдась меки. Весть филистимлятне тисть эсь шкайснонди оцю празднек. Пурома вастозост вятезь Самсононь дъ путозь сонь ся столбатнень ёткс, конатнень лангсоль ся кудсь, конанди пуромсть начальникне. Самсононь лангс ушедсть пеедькшнеме. Сон кядь ваксса вешезень столбатнень дъ шашфтозень синь; кудсь каладсь дъ шавозень алонза сембе филистимлятнень, конат эсонзольхть дъ пеедькшнесть Самсононь лангс. Синь мархтост шавовсь Самсон сонцьке.