Священная история Ветхого завета (мокшень)/О/36
| ←35. Еврейхнень судиясна. | Священная история Ветхого завета на Мокшанском наречии Мордовского языка (1900) by 36-це главась. |
37. Самсон.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 43—45 |
36. Гедеон.
Еврейхне кармасть кальдяв тевонь тиендеме Шкайть инголе. Сянкса Шкайсь максозень синь иля оцязоронь кядь-алу, конань кядь-алонзольхть синь сисем кизот. Мадианитятне дъ амаликитятне кармасть (ушедсть) синь сёроснон дъ жуватаснон сявондеме.
Израильтятнень эряфсна пяк сталгадсь; синь тага шарсть Шкайти.
Шкайсь кочкась Еврейхнень идеме Гедеононь.
Весть Гедеонсь тялясь тингсонза тозер (сон ёралексоль ворьгодемс); тихтедсь Шкаень Ангел дъ мярьгсь теенза: Шкайсь мархтот, вии аля! Гедеон мярьгсь: улендяряль мархтонок Шкайсь, минь афолемазь сата тяшка несчастия. Косот Сонь сембе чуданза, конатнень азонкшнельхть минь аляньке? Ангелсь мярьгсь теенза: арт идить Еврейхнень; Мон кучте тонь, Мон улян тонь мархтот, тон сяськсайть сембе мадианитятнень фкя ломанькс. Гедеон путсь Шкайти жертванди кев лангс сиволь дъ кши. Ангелсь токафтозе палканц сивольти дъ кшити, кевть эзда лиссь тол, дъ пълхтазень, мезь путфоль кевть лангс; сяда меле Ангелсь юмась Гедеонть ингольде. Эста Гедеон мярьгсь: аф цебярь ули теень, мон няень Шкайть Ангелонц. Шкайсь мярьгсь Гедеонти: тят пель Гедеон, тон аф кулат сянкса.
Мадианитятне дъ амаликитятне ётасть Иорданть туркс дъ лоткасть Изреэль лемса вастти.
Гедеон ушедсь турбама; теенза пуромсь колмогемонь кафтува тёжянь ломатть. Мадианитятнень дъ амаликитятнень лангс молемда инголи Шкайсь няфтсь Гедеонти чудат. Фкя веня Гедеонсь ацась тише лангс понат; Шкайсь макссь понатнень лангс вишке раса, а сембе масторсь коськоль; шобдава Гедеонсь шумордась ся понатнень эзда шава ведь. Омбоце веня Шкайсь макссь масторть лангс вишке раса, а понатне илядсть коськста.
Шкайть мярьгоманц коряс, Гедеонсь колмогемонь кафтува тёжяньста кочкась аньцек колма сятт ломань, конатнень мархта шобда веня апак содак эрьхтсь амаликитятнень лангс. Гедеононь эрь солдадонц кядьса кърьвястф тололь, сон вельтяфоль вельксса, эрьхтем-бачк солдатне колазь ся велькснень дъ турбасть турбаса. Амаликитятне эводсть: теест-арам, эрь толть ваксса пяк лама солдатта дъ тусть ласькозь. Ласьком-бачк синь шавондсь фкя-фкянь. Гедеон солдадонзон мархта пансь мельгаст Иорданти молемс дъ панезень синь Иорданть омбоце ширезонза. Израильтятне идемаснон инкса путолексолезь сонь оцязоркс, Гедеон мярьгсь: аф мон улян теенть оцязоркс, аф монь идне — улеза тинь лангсононт оцюкс Шкайсь.