Священная история Ветхого завета (мокшень)/О/13
13. Авраамсь кандсы Исааконь жертвас.
Кода Шкайсь мярьгсь Авраамонди: тонь шачи цёраце, стане и ульсь: Авраамть авац шачфтсь цёра, конанди путсть лем Исаак, кода теест мярьгсь Шкайсь. Кодак Исааксь кассь, Шкайсь ёразе содамс Авраамть веранц. Тихтедсь теенза дъ мярьгсь: кантк Теень Исааконь жертвас. Авраам эстокиге сявозень сембонь, мезь эряви жертвань кандомста, дъ тусь Исаак мархта Мориа пандть пряс. Молемста Исааксь кизефтезе Авраамть: Аляй! вага минь ули: толхнеке, пенгеняке, пеельхнекевок, а мезь минь канттама жертвас? Авраам Исааконь каршес мярьгсь: Сонць Шкайсь няфтсы, мезь Теенза кандома жертвас.
Кодак куцсть синь пандть пряс, Авраамсь тись жерьтвенник, путсь лангозонза пенгат, сотнезе Исааконь, сявсь пеель, дъ кеподезе кяденц, сонь печкомонза. Эста тихтедсь ангел, кундазе Авраамть кяденц дъ мярьгсь: тяк печке цёрацень: Шкайсь няйсы, тонь кулхцондомацень. Тяда меле ангелсь меки юмась. Авраамсь варжакстсь фталу дъ няйсь кальналс повф борання: кундазе сонь дъ кандозе цёранц вастс Шкайти жертвас. Тя кулхцондомать инкса Шкайсь баславиндазе Авраамть да мярьгсь: тонь родстот шачи ломатнень иди Спасительсь.