Покш праздникть/В/9
ІИСУСЪ ХРИСТОЗОНЬ ВЕЛЬМЕМАЗО.
Воскресеніе Іисуса Христа.
Ютась суббота чи. Пелеведе мейле, зорядо икеле, Христозонь калмонзо ваксо масторъ вдругъ кеместэ сорнозевсь. Сонзо калмонзо каравулиця салдатнэ нейсть, кода менельстэ Пазонь Ангелозо валгсь. Сонзо чамазо ёндолонь кондямо валдо улнесь, лангсонзо одюжанзо ловонь кондятъ ашотъ улнесть. Сонъ валгсь да Христозонь путозь пещёранть (калмонть) кенкшензэ нежадозь кевенть ве ёновъ кшумадизе. Салдатнэ масторонь сорномадонть да Ангелдэнть пекъ тандадсть. Сынь паметтеме кулозь ладсо теевезь, кона кода, кона кода масторовъ пракшность. Те шкане Христосъ кулозьдензэ вельмесь. Сынь истя акувать паметтеме ащесть. Коната а сти, севате чіезь чіи Іерусалимсъ. Сынстъ эйстэ конатъ-конатне прявтъ священникнэнь сазь, мезе нейсть, весе ёвтнизь. Прявтъ священникъ, те кулянть марязь, пекъ тандадсь. Сонъ сеске промксосъ ліятъ прявтъ священниктнэнь, прявтъ атятнень пурнавтынзе. Сынь Христозонь эсть вечкенекъ, Сонзо, теезь чудатненень эсть кемнекъ. Ней гакъ Христозонь вельмемазонзо сынсестъ кемемастъ эзь сакъ, да весе народонть какъ марямонзо арсесть. Сынь [ 31 ]салдатнэнень ламо ярмактъ максть да ломатненень истя ёвтнеме тонавтызь. Тынь, мерить, ёвтледе: веть минекъ удомстонокъ, Іисусонь тонавницянзо састь да Сонзо тѣланзо салазь салызь. Еврейтне те кулянтень те шкамсъ кемить. Прявтонкъ, Пилатто илядо пель, мерить тенстъ прявтъ священниктнэ: минь кисэнкъ валъ кавто каятано — сонъ а чумондатадызь.
Суббота мельга васенсе чистэнть валске, зорянзо лазовомсъ чопудава Магдаласто Марія, Іаковонь Марія, Соломія ліятъ аватне маро вейсэ Іисусъ Христозонь калмонзо лангсъ тусть. Сынь тантейстэ качадыця ойть[1]) кандылть Христозонь тѣланзо ваднемань кисъ. Сынь Христозонь калмонзо печатамодо, эсть сода. Марія Магдалина калмонть лангсъ весемеде икелевъ пачкодсь. Ваны — калмонть (пещёранть) кенкшензэ лангсъ аравтозь кевесь ве ёновъ кшумадезь ащи. Эле кіякъ тестэ Христозонь тѣланзо саизе? думазевсь сонъ. Сонъ мекевъ городсъ чіезь чійсь. Сонъ Петра марто Іоаннэнь сась да истя ёвтась: Тонавтыцямокъ тѣланзо аздасынекъ косо: калмстонзо таковъ саизь. Ліятъ оень кандыця аватне калмонть лангсъ зорясъ чопудава пачкодсть. Сынь кіява молемстэстъ эсь ютковастъ истя кортасть: ки, мерить, тенекъ калмонь кенкшенть лангсто кевенть ве ёновъ кшумадьсазо? Кевесь покшъ улнесь. Сынь, калмо чиресъ сазь, ваныть кевесь ве ёновъ кшумадезь ащи. Лангсонзо ангелъ озадо ащи. Ангелонть чамазо ёндолонь кондямо, одюжанзо ловонь кондятъ ашотъ [ 32 ]улнесть. Сынь сондензэ тандадсть. Сонъ мерсь тенстъ: илядо пель! Монъ содаса — тынь крёстъ лангсо чавозь Іисусонь вешнетядо. Сонъ ней арась тесэ: икелень ёвтамонзо кувалтъ велмесь. Варштадо вана Сонзо тѣланзо ащезь тарканть лангсъ. Азеде, седе курокъ ёвтадо Сонзо танавницянзо туртовъ. Сонъ, мереде, велмесь; икеле тынстенкъ ёвтамонзо кувалтъ Галилеясо каршонкъ понги. Сынь пещёрантень совасть: ваныть ве Ангелъ вить ёно ащи, да ве ёно кавто Ангелтъ ащить. Сынстъ одюжастъ ашолдозь ашолдыть, цитердезь цитердить. Аватне тандадозь прястъ повудизь. Месть, ангелтнэ мерить тенстъ, тынь живоенть кулозтне ютксто вешнетядо? Сонъ тесэ арась: Сонъ велмесь. Мелезэнкъ ледстинккая, месть кортнесь Сонъ тенкъ Галилеясо. Сонъ кортнесь: ломанень Цёразо пежетевъ ломатнень кедсъ максови. Сынь Сонзо крёстъ лангсъ эсксэ чавозь маштсызь. Сонъ куломадонзо мейле колмоце чистэ вельми. Аватнень Іисусонь икеле ёвтазь валонзо мелезэстъ ледсть. Сынь мекевъ городсъ чіезь тусть. Кіява Апостолтнэнень ёвтамо молемстэстъ киненьгакъ мезіякъ эсть ёвтлекъ: сынстъ седеестъ тандадомадо да радостьте пешксе улнесь. Сынь, Апостолтнэнень сазь, мезе нейсть, мезе марясть, весе ёвтнизь. Апостолтнэ сынстъ эзизь кемть.
Петръ марто Іоаннъ кодакъ Магдаласто Маріянь кедстэ Іисусонь тѣланзо ёмамодо марясть, сеске Іисусонь калмонзо лангсъ чіезь тусть. Іоаннъ пещёранть чиресъ Петрадо икеле пачкодсь. Сонъ комазь пещёрантень варштась. Сонъ ансякъ конатъ котстнэ эйсэ Христозонь тѣлазо тапардазь [ 33 ]улнесь неинзе, а сонсь товъ эзь сова. Сонзо мельга куроксто Петръ гакъ сась. Петръ Іисусонь калмонть потсъ совась. Ваны сонъ — Христозонь тѣлазо тапардазь котстнэ ве таркасо ащить, а прязонзо сюлмазь пацясь омбоце таркасо парынестэ тапардазь ащи. Іоаннъ гакъ совась калмонть потсъ. Сонъ Христозонь велмезь стямонтень кемсь.
Магдаласто Марія, Петръ марто Іоаннонь туемадостъ мейле, куроксто Іисусонь калмонть лангсъ одовъ сась. Сонъ тесэ пекъ авардсь. Авардемстэнзэ калмонтень комась. Ваны — кавто Ангелтъ озадо ащить: вейкесь кандоластнэнь пильге песэстъ, омбоцесь пря песэстъ ащи; лангсостъ ловонь кондятъ ашотъ одюжатъ. Мейсь тонъ, сынь мерить тензэ, ава, авардятъ? Саизь, мери, монь Тонавтыцямъ тестэ; козонь путызь — аздаса! Не валтнэде мейле Марія удало ёновъ велявсь. Сонъ ваны, удалонзо ломань ащи. Те ломаннесь Іисусъ Христосъ Сонсь улнесь. Марія Сонзо авардеманзо, сельведензэ пачкъ эсе содакъ. Ава, мери тензэ Іисусъ, мейсь авардятъ, кинь вешнятъ? Марія Іисусонь садъ мельга якицяксъ путызе. Паро ломань! коли тонъ Сонзо саикъ, ёвтакъ темъ, ковъ путыкъ Сонзо; монъ сойса Сонзо. — Марія! мерсь тензэ Іисусъ. Тонавтыцямъ! сергедсь Тензэ Марія. Иля токавтъ эзэзэмъ, мерсь тензэ Іисусъ Христозонь пильгензэ кутмурдазь паламостъ пурнакшнось несакъ. Монъ эзинь кузне Тятямъ туртовъ. Азе да ёвтакъ Монь братнэнень: Монъ ней кузянъ Эсемъ Тятямъ, тынкъ какъ Тятянкъ туртовъ, Эсемъ Пазомъ, тынкъ какъ Пазонкъ туртовъ. Теде мейле Магдаласто Марія мезе нейсь, мезе [ 34 ]Іисусонь кургсто марясь, Сонзо тонавницятненень весе ёвтамонь кисъ Іерусалимсъ мурдась.
Магдаласто Марія мекевъ Іерусалимсъ молемстэнзэ лія Марія марто васодсь. Сынстъ вейсэ молемстэстъ другъ икелестъ Іисусъ появась да, радувакшнодо! мерсь тенстъ Аватне сюкунястъ Тензэ да пильгензэ кутмордызь. Сонъ тенстъ, илядо пельть, мери. Азеде, Монь братнэнень ёвтадо: сынь Галилеясъ молестъ; Монъ тосо сынстъ каршостъ понганъ. Аватне Апостолтнэнень сазь весе ёвтлизь. Апостолтнэ сынстъ эзизь кемть.
Магдаласто Маріянень неявозь чистэнть чоподь пелевъ Іисусонь кавто тонавницянзо Іерусалимстэ Еммаусъ лемсэ велесъ молилть. Вейкесь Клеопа лемсэ, а омбоцесь Лука лемсэ улнесь. Еммаусъ лемсэ велесъ Іерусалимстэ кемешка вальгей песэ улнесь. Сынь кіява молемстэстъ Іисусъ Христозонь калмонзо лангсъ яказь аватнень кандозь кулятнеде кортнесть. Истя кортнезь молемстэстъ ваксозостъ такодамо ломань сась. Те ломанесь Іисусъ Христосъ Сонсь улнесь, а сынь Сонзо эзизь содакъ. Сонъ гакъ сынстъ марто вейсэ молеме кармась. Мездѣ, мери Сонъ, тынь истя кортатадо? Мейсь истя нуваргадозь мольдядо? — Эле Тонъ Іерусалимсъ ве ёндо сазь ломатне эйстэ улятъ? Эле Тонъ аздатъ не читне эйстэ мезе улнесь тесэ? — Мезе улнесь? мерсь тенстъ Іисусъ. Улнесь, мерить, Назаретъ городсто Іисусъ. Сонъ Пазонь икеле и ломатнень икелестъ прорококсъ улнесь: Сонъ кода тевсэнзэ, истя валсонзо якъ віевъ пророкъ улнесь. Сонзо чумовтомо прявтъ священниктнэ, народонь прявтнэ саизь да, крёстъ лангсо эсксэ [ 35 ]чавовтозь, маштызь. А минь арсинекъ Сондензэ: Сонъ, мердянокъ, Израилень Идицясь. Вана колмоце чи ней, кода Сонзо маштозь калмизь. Минсенекъ ютксто конатъ конатъ аватне кортыть: Сонъ, мерить, велмесь. Сынь Сонзо калмонзо лангсъ якасть. Тосо тенстъ Ангелтъ ёвнесть, мерить. Минекъ ютксто якъ конатъ конатъ товъ якасть. Калмось, мерить, чаво, а Сонсензэ (Іисусонь) эзинекъ некъ. Кода Лука марто Клеопа кортамодо лоткасть, сестэ мартостъ молицясь мерсь тенстъ: эле тынь аздатадо Христознэнь истя муцявозь славасъ совамодонзо? Іисусъ Христосъ Эстедензэ, Эсензэ майсема куломасо куломадонзо, кода Мойсей пророкъ, ліятъ пророкнтэ якъ ёвтлесть, тенстъ ёвтнеме кармась. Сынь Сонзо эснэ кулсонозь, дивасть Тензэ. Сынь истя кортнезь Еммаусъ лемсэ веле ваксъ пачкодсть. Клеопа маро Лука Еммауйсъ састь, а мартостъ молицясь прянзо седе васовъ молицяксъ теизе. Клеопа марто Лука Сонзо эсь мартостъ вейсэ удомо тердемензэ кармасть. Сонъ сынстъ валостъ кулсонынзе: мартостъ вейсэ удомо совась. Сынь совасть да ярсамо якъ вейсэ озасть. Мартостъ совазь Ломанесь кедезэнзэ кше сайсь, баславизе, синтризе да сынянетъ максызе. Мелезэстъ ледсь сынетъ — Тонавтыцястъ ярсамо озамсто истя тейнемазо. Сынь варштасть Сонзо лангсъ. Ваныть, мартостъ Сонсь Іисусъ Христосъ озадо ащи. Сынь мезіякъ мереме эсть кенерть, а Іисусъ Христосъ икельдестъ ёмась (анеявиксъ теевсь). Сынь кавнескъ столь экштэ стясть да мекевъ Іерусалимсъ мурдасть. Сынь вень перть молсть.
[ 36 ]Клеопа марто Лука Іерусалимсъ чокшне позда (пеле ве малавъ састь). Іисусъ Христозонь тонавницятне кеменнескъ вейсэ улнесть, ансякъ кемвейкееце Ѳома мартостъ арасель. Не кемень тонавницятне ютксо ліятъ тонавницятне якъ улнесть. Тесэнь тонавницятне Клеопа марто Луканень мерсть: Тонавтыцямокъ вельмесь. Сонъ Симонъ Петрнэнь неявкшнось. Клеопа маро Лука ёвтнеме кармасть, кода тенстъ Іисусъ появась, кода сынь Сонзо содызь.
Клеопа марто Лукань ёвтнемастъ Апостолтнэ весе чатменезь кулсонылть. Ютксостъ вдругъ Іисусъ Христосъ Сонсь появась да миръ тенкъ мерсь. Апостолтнэнь кудо кенкшестъ парсте пекстазь улнесть. Сынь Сонзо неезь соракадсть да Те ансякъ ломанень сулей думить. А сынсь весеместъ кельтемень кондятъ теевсть. Мейсь истя тандадыде? мерсь тенстъ Іисусъ Христосъ. Мезень кисъ истя мельсэнкъ мезе а эряви кирдтядо? Садо, ванодо вана кедемь пильгемь. Те Монъ Монсь. Сулеень а тѣлазо, а ловажанзо арасть. Монь, и тѣламъ, и ловажамъ улить. Садо кедсэнкъ щупимизь. Сынь эстестъ эзть кемть: пекъ ужъ радувастъ Тензэ. Сонъ сынстъ седе пекъ кемевтемастъ кисэ ярсась икелестъ. Сулей, мери, а сими, а ярсы, а Монъ и симанъ и ярсанъ. Тукадо темъ ярсамо. Сынь максть тензэ панезь калъ сускома да медь сота. Сынь Сонзо ярсамонзо неизь да акемемастъ ютась. Сынь ней Сонзо содызь да икеленьде якъ седе пекъ кемеме кармасть Тензэ. Монъ, мери Іисусъ, тынкъ марто вейсэ улемстэмъ кортнинь Эстедемь. Монъ масторъ лангсо кода [ 37 ]эрязь, кодамо куломсо кулозь, кода вельмемадомъ Моисей пророкъ и ліятъ пророктнэ кортамодостъ ёвтнекшнинь тенкъ. Пророктнэнь Мондемь ёвтазь валостъ весе топудсть ней. Не валнэде мейле Іисусъ Христосъ одовъ мерсь тенстъ: миръ тенкъ! Кода Монь эйсэмъ Тятямъ кучимемъ, истя Монъ гакъ тынкъ эйсэнкъ кучанъ. Сонъ лангозостъ пувазь мерсь: Святой Духъ саеде. Кинень масторъ лангсо пежетнень простятадо, сенень простявить (менельсэякъ), кинень а простятадо, сенень а простявить. Не валтнэде мейле Сонъ сельмстэстъ ёмась.
Теде мейле Апостолтнэ весе пекъ радувазь якасть, ансякъ ве Ѳома лемсэ Апостолъ потморгадозь якась: Іисусъ Христозонь кемень Апостолтнэнень неявомстонзо сонъ арасель мартостъ. Апостолтнэ весеместъ ёвтнинь тензэ: минь, мерить, Іисусонь неинекъ. Монъ, мери Ѳома, монсемъ неемазомъ Сонзо вельмемазонзо кемеме а карманъ. Кода кедсэнзэ, пильгсэнзэ эскень таркатнень нейсынь да эсь сурсомъ щупасынь, сестэ ансякъ кеманъ вельмемазонзо. Ве недлянь ютамодо мейле тонавницятне весеместъ вэйсэ ве кудосъ промсть; мартостъ ней Ѳома якъ улнесь. Сынстъ кудо кенкшестъ икелень ладсо пекстазь улнесть. Вдругъ Іисусъ, Сонсь ютксостъ появазь, миръ тенкъ! мерсь. Сакъ тей, Ѳома, Ваныть Монь кедень, пильгень. Кедеть вентикъ да сурсотъ вачи эсктэнь таркастъ. Акемицяксъ иля кадовтъ, кемть ней. Ѳома, сурсонзо вачазь, мерсь: Идицямъ монь, Пазомъ монь! Тонъ, мерсь тензэ Іисусъ, Монь эйсэмъ неимекъ [ 38 ]да кемить, конатъ апакъ некъ Темъ кемить, сеть седе талановтъ.
Пасхадо (Инечиде) мейле таго зняро шка ютазь Апостолтнэ весеместъ мекевъ Галилеясъ эсь масторозостъ мурдасть. Сынь тесэ икелень ладсо калонь кунсеме кундасть. Ве чистэ истя чопонь пелевъ Апостолъ Петръ монъ, мери, чече веть калонь кунсеме молянь; ліятне якъ мерить: мине какъ эсеть маро саимись. Адядо ино, мерсь тенстъ. Петръ марто вейсэ калонь кунсеме тусть Ѳома, Наѳанаилъ, Зеведеень кавто цёранзо Іаковъ маро Іоаннъ да ліятъ кавто Апостолтъ улнесть. Сынь венчесъ озасть да калонь кунсеме кармасть. Кунсесть—кунсесть вень перть, ве калъ гакъ эзь понгтъ тенстъ. Валске Іисусъ Христосъ эркенть чиресъ сась. Сынь Сонзо эзизь сода. Цёратъ, мезенгъ какъ ярсамсъ ули? кевстинзе Сонъ. Мезенекакъ арась, сынь, мерсть Тензэ. Сѣтенкъ венченть вить ёнанзо аравтынкъ, кундатадо, Іисусъ Христосъ мерсь тенстъ. Сынь амбоце валъ эсть учокъ: сѣтестъ венченть вить ёнанзо аравтызь да берегъ ёновъ ускоманзо кармасть. Сѣтестъ калдо пешксе пешкедсь, венчэсъ эзь кепедевть тенстъ; сынь тень кувалтъ эрке чиресъ коске таркасъ ускомонзо кармасть, Іисусонь вечкема тонавтницязо эрке чиресэ ломаненть лангсъ парынестэ варштась да содызе. Петръ, варштакая, Те эркенть чиресэ ащиця Ломанесь, — Тонавтыцямокъ. Пётръ омбоце валъ эзь учокъ, одюжасонзо копачась да эркентень кирнавсь. Сонъ весемеде икеле уезь лись. Ліятъ тонавницятне якъ берегонть лангсъ куроксто сѣтестъ ускозь листь. Кода сынь эрке [ 39 ]чиресъ листь, ваныть толъ палы; толонть лангсо калъ піи, а ваксонзо кше ащи. Кандодо, мери тенстъ Іисусъ, чече кундазь калтнэде. Пётръ ліятне маро сѣтенть берегъ лангсъ таргизе. Сѣтенть эйсэ улнесть сядо ветькемень колмо покшъ калтъ. Пазъ соды, кода сѣтесь не калтнэнь кирдинзе, кода эзь сезневть. Іисусъ мерсь тенстъ: садо да ярсадо ней (пекенкъ пештинкъ). Тонавницятнэ ютксто вейкестъ какъ Тонъ кодамо ломанятъ? мерезь эсе кевстнекъ: сынь весеместъ Сонъ Тонавтыцястъ улемадонзо содасть. Іисусъ кше марто калъ максь тенстъ; сынь ярсасть. Сонъ ярсамстостъ Симонъ-Пётрнэнь мерсь: Іонань цёразо Симонъ! Монь эйсэмъ весемедестъ седе пекъ вечксамакъ? — Тонавтыця паро чимъ! Тонъ Тонсь монъ Тонь вечкемадомъ содасамакъ, мерсь Тензэ Симонъ. Ванокъ, мери Іисусъ, Монь ревень. Одовъ мерсь тензэ Іисусъ: Іонань цёразо Симонъ! вечксамакъ Монь эйсэмъ? Сонъ мери: Тонавтыцямъ! Тонъ содасамакъ монъ Тонь эйсэть вечкемадомъ. — Ванокъ, мери тензэ Іисусъ, монь ревень. Колмаце разтъ кевстизе Іисусъ: Іонань цёразо Симонъ! вечксамакъ ли Монь эйсэмъ? — Колмацеде, вечксамакъ ли мерезь, кевстне эйсэмъ арси Пётръ. Сонъ потморгадозь мерсь: вай, Тонавтыця паро чи! Тонъ весе содатъ: Тонъ содатъ — монъ Тонь эйсэть вечкемадомъ. — Ванокъ, мери Іисусъ, Монь ревень. Іисусъ не валтнэде мейле Пётрнэнь истя ёвтась: Пётръ; тонъ одъ пингстэть перкатъ карксотъ тонсь карксакшнылить; эстеть ковъ эряволь, товъ и молилить, а сыредень пелеть а истя ули: тонъ кедеть кепедсыть, [ 40 ]карксатанзатъ ліята; ковъ а молевлить — ветятадысь. Не валтнэ эйсэ Іисусъ Христосъ ёвтась, кодамо куломасо кулозь Пётръ Пазонь славасъ сови. Іисусъ Христосъ молть мельгамъ! мерсь Пётрнэнь. Петръ, удалонзо варштазь, Іисусонь вечкема Тонавтницянзо Іоаннонь неизе. Сонзо неезь Пётръ Іисуснэнь мерсь: Тонавтыцямъ! сонъ мейсь а сы ино? — Коли Монъ хочу, сонзо омбоцеде самозомъ эрямо кадомонзо олясомъ. Тонь теветь арась сесэ. Тонъ Монь мельгамъ молть, мерсь тензэ Іисусъ. Народъ юткова кулятъ тусть: Іоаннъ, мерить, знярдоякъ а кулы. Іисусъ Христосъ Іоандо эзь-мерть знярдоякъ а кулы, а мерсь Сонъ: коли Монъ хочу, сонъ эрямо карми Монь одовъ самозомъ.
Іисусъ Христосъ Галилеясо ве пандо прясо кемвійкее тонавтницянстэнь появась. Сынь авуль кемьвейкеенестъ ансякъ улнесть: сынстъ мартостъ вейсэ ліятъ какъ вете сядошка кемиця ломать улнесть. Іисусъ Христосъ, малазостъ сазь, истя кортамо кармась тенстъ: максовсь, мери, Темъ власть и менель лангсо и масторъ лангсо. Моледе масторъ ланга да тонавтодо ломатнень, мезнень тынсь Моньдень тонадыде. Эйсэстъ лемдеде Тятянь, Цёрань Святой Духонь лемсъ. Тонавтодо эйсэстъ весе заповѣдьтнень кирдеместъ, конатненень Монъ тынсенкъ тонавтыдизь. Ки кемдядызь да прянзо лемди — идезь ули, а ки а кемдядызь — чумондозь ули. Монень кемицятне истятъ тевть тейнеме кундыть: Монь лемсэ нечистой вій панеме кармить, одъ кельсэ кортамо кармить, кедезэстъ гуйть сайнеме кармить, ломань маштыця мезде симить, — а кулыть, сэредиця ломатне лангсъ [ 41 ]кедестъ ладясызь — пичкить (віемить). Вана ней Монъ тынкъ мартонкъ пингень-пингсъ а яванъ. Аминь.
- ↑ Тень кувалтъ сындестъ мироносицатъ мерить.