Парениси́съ/Сло́во д҃

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Сло́во г҃

Кни́га ст҃а́гѡ є҆фре́ма, гл҃емаѧ гре́ческимъ ѧ҆зы́комъ парениси́съ Сло́во д҃, наказа́нїе къ новонача̑льнымъ мни́хѡмъ

Сло́во є҃→

Того́же прпⷣбнагѡ ѻ҆ц҃а̀ на́шегѡ є҆фре́ма,
наказа́нїе къ новонача̑льнымъ мни́хѡмъ.

Воз­лю́­бле­н­не, а҆́ще ѿ­ве́­ргл­сѧ є҆сѝ жи­тїѧ̀ се­гѡ̀, и҆ вни́­де­ши во ѻ҆́б­щее жи­тїѐ мно́­жа­й­шїѧ бра́­тїи, и҆ хо́­ще­ши съ ни́­ми жи́­ти, и҆ бг҃ꙋ на́­ше­мꙋ і҆и҃сꙋ хрⷭ҇тꙋ̀ ра­бо́­та­ти, и҆ ви́­ди­ши нѣ̑­кїѧ бе­сѣ́­дꙋ­ю­щѧ, є҆́же не­ꙋ­го́­д­нѡ є҆́сть хрⷭ҇тꙋ̀, и҆ ты̀ не вни­ма́й сло­вє́съ и҆́хъ, но ѡ҆ста́­ви и҆̀хъ гл҃а­ти къ се­бѣ̀. гл҃ю­щїи бо не­ꙋ­гѡ́­д­наѧ бг҃ꙋ, ті́и въ лѣ́­но­сти жи­вꙋ́тъ, и҆ ᲂу҆ста̀ и҆́хъ гл҃ютъ вы́­ше вре́­ме­не. срⷣце бо раⷥ­вра­ще́­но, ро­ди́тъ ѕла̑ѧ во всѧ́­ко вре́­мѧ. ты́ же бг҃а и҆мѣ́й пред̾ ꙭ҆чи́ма. пи́шетъ бо: преⷣ­з­рѣ́хъ гдⷭ҇а пре­до мно́ю вы́­нꙋ, ꙗ҆́кѡ ѡ҆де­с­нꙋ́ю ме­нѐ є҆́сть, да­сѧ̀ не по­дви́­жꙋ. и҆ да не на­ꙋ­чи́тъ те­бѐ лю́­тый ѕмі́й гл҃а­ти, ста́­р­цы бо сїѝ ѕлѣ̀ жи­вꙋ́тъ, и҆ что̀ со­тво­рю̀ ю҆́нъ сы́й. но по­слꙋ́­шай гдⷭ҇а гл҃ю­ща: мно́­зи зва́­ни, ма́­ло­же и҆з­б­ра́­н­ныхъ. лю­бѝ ᲂу҆́бѡ спа­се́нъ бы́­ти, да бꙋ́­де­ши во и҆з­бра́­н­ныхъ. тво­рѧ́­щїи бо лꙋ­ка̑­ваѧ, лю­бо во ѻ҆́б­ще́мъ мо­на­сты­рѝ, лю­бо ꙗ҆́кѡ въ ко́­е­м­ждо то́­кмѡ мѣ́­стѣ, ті́и сꙋ́ть сы́­но­ве лꙋ­ка́­ва­гѡ, и҆ ᲂу҆по­до́­би­ша­сѧ пле­вє́­лѡмъ по­сре­дѝ пше­ни́­цы. бꙋ́­ди ᲂу҆́бѡ ты̀ пше­ни́­ца. да со­бра­на̀ бꙋ́­де­ши въ жи́­т­ни­цы гдⷭ҇ни. да не ꙗ҆́кѡ пле́­велъ сго­ри́­ши ѻ҆гне́мъ не­ꙋ­га­са́­е­мымъ. и҆ ни­жѐ сꙋ́­димъ ни­ко­мꙋ́­же, не­бо̀ вѣ́­мы, ка́­кѡ пре­бы­ва́­етъ кто̀ въ ке́­лїи сво­е́й; и҆лѝ ко­то́­рꙋю бо­лѣ́знь и҆́мать къ бг҃ꙋ; и҆ ни­жѐ а҆́ще ви́­димъ смѣ­ю́­щы­ѧ­сѧ, и҆лѝ гл҃ю­щыѧ что̀; тѣ́­м­же по­до­ба́­етъ ко­мꙋ́­ждо ва́съ се­бѣ̀ вни­ма́­ти, кі́й­ждо бо ва́съ за сѧ̀ сло́­во воⷥ­да́стъ бг҃о­ви. во­н­мѝ ᲂу҆́бѡ всѣ́мъ срⷣцемъ тво­и́мъ, пѣ́­нї­емъ, и҆ чте́­нї­емъ, бжⷭ҇тве­н­ныхъ пи­са́­нїй, и҆ и҆с­пе́й ѿ неѧ̀ ма́сть дꙋ­ше́ю сво­е́ю, ꙗ҆́кѡ млⷣнцъ ссы́й со­с­ца̀. ѿ то­гѡ́ бо на­вы́­кне­ши стрⷭ҇ти дѣ́­те­л­ныѧ, и҆ бꙋ́­детъ ра́­дость и҆ ве­се́­лїе срⷣцꙋ тво­е­мꙋ̀. кро́токъ бꙋ́ди и҆ смы́сленъ, и҆ послꙋшли́въ. кро́­токъ ᲂу҆́бѡ, є҆г­да̀ по́­й­метъ тѧ ѻ҆т­ро­ча̀, по­слѣ́­д­ствꙋ­е­ши є҆мꙋ̀, и҆ со­ве­рши́въ дѣ́­ло мо­лча̀, воⷥ­вра­ти́­сѧ въ кѣ́­лїю свою̀, мо­лча́ же ᲂу҆ст­на́­ма, срⷣцемъ же мо­лѧ́­сѧ. по­слꙋ­шли́въ же, да чи­сто­тꙋ̀ со­хра­ни́­ши тѣ­ле­сѐ сво­е­гѡ̀ ѡ҆ гдⷭ҇ѣ, ꙗ҆́кѡ чи́­стый би́­серъ. ри́­за­ми же не ᲂу҆кра­ша́­й­сѧ, и҆ ро­ди́­те­ль­ми бо­га́­ты­ми не воⷥ­но­сѝ се­бѐ. хва­лѧ́­й­бо­сѧ ѡ҆ гдⷭ҇ѣ, да по­хва́­ли­т­сѧ. всѧ́­ка сла́­ва чл҃ча, ꙗ҆́кѡ цвѣ́тъ тра­в­ны́й. и҆́з­с­ше тра­ва̀, и҆ цвѣ́тъ є҆ѧ̀ ѿпа­дѐ, гл҃ъ же гдⷭ҇ень пре­бы­ва́­етъ въ вѣ́­ки. до́­лꙋ ꙭ҆́чи и҆мѣ́­ти, а҆ дш҃ꙋ го­рѣ̀. со блꙋ­д­ни́­цею не со­тво­ри́­ши бе­сѣ́­ды. съ же­но́ю не пре­и́з­ли­ха что̀ гла­го́­ла­ти; съ дѣ́­ти­щемъ не ᲂу҆м­но́­жи­ти сло­вє́съ. съ пїѧ́­ни­цею не и҆мѣ́й лю­б­вѝ, и҆ съ ко­то́­р­ни­комъ, и҆ съ беⷥ­чи́­н­ни­комъ, и҆ съ смѣ­ш­ни­ко́мъ не смѣ­ша́­ти­сѧ, но во стра́­сѣ бж҃їи сто­ѧ́­ти ве́сь де́нь. гл҃етъ бо а҆пⷭ҇лъ: въ пре­мⷣро­сти хо­ди́­те и҆с­кꙋ­пꙋ́­ю­ще вре́­мѧ, ꙗ҆́кѡ дні́е лꙋ­ка́­ви сꙋ́ть. се­гѡ̀ ра́­ди не бы­ва́­й­те не­смы́­сле­ни, но раз­ꙋ­мѣ­ва́­ю­ще что̀ є҆́сть во́­лѧ бж҃їѧ, бл҃га́ѧ и҆ ᲂу҆го́­д­наѧ и҆ све­рше́­наѧ. и҆ не ᲂу҆пи­ва́­й­те­сѧ ви­но́мъ, въ не́­м­же є҆́сть блꙋ́дъ, да по­сты­ди́­т­сѧ со­про­ти́­в­ный, ни­ка­кі́­ѧ­же ѕлы́ѧ ве́­щи и҆мы́й гла­го́­ла­ти ѡ҆ на́съ.

This is a translation and has a separate copyright status from the original text. The license for the translation applies to this edition only.
Original:
Translation: