Парениси́съ/По́вѣсть ѡ҆ прпⷣнѣмъ є҆фре́мѣ

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Сло́во ѡ҆ вели́цѣмъ васі́лїи и҆ ѡ҆ препⷣбнѣмъ є҆фре́мѣ

Кни́га ст҃а́гѡ є҆фре́ма, гл҃емаѧ гре́ческимъ ѧ҆зы́комъ парениси́съ По́вѣсть ѡ҆ прпⷣнѣмъ є҆фре́мѣ

Сло́во а҃→

Кни́ги ст҃а́гѡ є҆фре́ма,

гл҃емыѧ гре́ческимъ ѧ҆зы́комъ парениси́съ. сказа́етжесѧ парениси́съ: при́тча, ᲂу҆тѣше́нїе, моле́нїе, поꙋ́че́нїе, наказа̑нїѧ, разли̑чна, полє́зна, бл҃гословѝ ѻ҆́ч҃е.

Бѣ̀ нѣ́­кїй на во­сто́­цѣ мꙋ́жъ, и҆́ме­немъ є҆фре́мъ, сѵ́­рїнъ ро́­домъ сы́й. се́й чл҃къ бл҃го­чⷭ҇ти́въ бѣ̀, ѡ҆гре­ба́­ѧ­сѧ ѿ всѧ́­кїѧ ѕлы́ѧ ве́­щи. вос­хо­тѣ́ же ви́­дѣ­ти є҆де́­с­скїй гра́дъ, и҆ мо­лѧ́­ше­сѧ бг҃ꙋ гл҃ѧ: гдⷭ҇и і҆и҃се хрⷭ҇тѐ, спо­до́­би мѧ ви́­дѣ­ти гра́дъ то́й. и҆ вхо­дѧ́­щꙋ ми во́нь, спо­до́­би мѧ та­ко­ва̀ чл҃ка срѣ́­сти, и҆́же по­ле́­з­нѡ кни́­га­ми стѧ́­же­т­сѧ со мно́ю. при­ше́­дшꙋ же є҆мꙋ̀ на мѣ́­сто, и҆ вхо­дѧ́­щꙋ є҆мꙋ̀ во вра­та̀ гра̑­д­наѧ, срѣ́­те є҆гѡ̀ же­на̀ блꙋ­д­ни́­ца. и҆ ви́­дѣвъ ю҆̀ ра́бъ бж҃їй, ста̀, пе­ча́­лꙋѧ и҆ гл҃ѧ в се­бѣ̀: гдⷭ҇и, пре­з­рѣ́лъ є҆сѝ мо­ле́­нїе ра­ба̀ тво­е­гѡ̀, ка́­кѡ бо и҆́мать сїѧ̀ кни́­ж­ны­ми сло­ве­сы̀, стѧ­за́­ти­сѧ со мно́ю. сто­ѧ́­ше же блꙋ­д­ни́­ца зрѧ́­щи є҆го̀. гл҃а же къ не́й ст҃ый є҆фре́мъ: рцы́ ми же́­но, что̀ сто­и́­ши, зри́­ши ме­нѐ. ѿвѣ­ща́­в­ши же блꙋ­д­ни́­ца гл҃а къ не­мꙋ̀: зрю̀ те­бѐ, ꙗ҆́кѡ а҆́зъ же­на̀ ѿ мꙋ́­жа взѧ­та̀ бы́хъ, ты же ме­нѐ не зрѝ, но зе́­м­лю зрѝ, ѿ неѧ́ же взѧ́тъ є҆сѝ. сїѧ̀ слы́­шавъ ст҃ы́й є҆фре́мъ, по­чꙋ­ди́­сѧ и҆ про­сла́­ви бг҃а, да́­в­ша­го є҆́й то­ли́­кꙋ пре­мрⷣость, ꙗ҆́кѡ да ѿвѣ­ща̀ є҆мꙋ̀ сїѧ̀. и҆ раз­ꙋ­мѣ̀, ꙗ҆́кѡ не пре­з­рѣ̀ гдⷭ҇ь мо­ле́­нїѧ є҆гѡ̀. и҆ вше́дъ во гра́дъ, и҆ ѡ҆би­та̀ тꙋ̀. По слꙋ́­чаю же, ѻ҆би́­те­ли є҆гѡ̀ жи­вѧ́­ше дрꙋ­га́ѧ блꙋ­д­ни́­ца, и҆ пре­бы́­в­шꙋ є҆мꙋ̀ днѝ мно́­ги во гра́­дѣ то́мъ, по­нꙋ́­же­на бы́сть ѿ не­прї­ѧ́­зни блꙋ­д­ни́­ца, ꙗ҆́же жи­вѧ́­ше въ со­сѣ́­дехъ є҆мꙋ̀, ꙗ҆́кѡ да преⷣ­ва­ри́­в­ши ѡ҆ско­рби́тъ є҆го̀. и҆ ѿве́­рз­ши две́­р­ца, ꙗ҆́же и҆мѣ́­ѧ­ше ме­ждꙋ̀ стѣ­но́ю є҆гѡ̀, при­з­рѣ̀ и҆ ви́­дѣ ст҃а́­го сто­ѧ́­ща, и҆ ва­рѧ́­ща ꙗ҆́д­цꙋ, и҆ гл҃а є҆мꙋ: блгⷭ҇вѝ гдⷭ҇и. воⷥ­з­рѣ́въ же на две́­рца, и҆ ви́­дѣвъ ю҆̀ зрѧ́­щꙋ, и҆ гл҃а є҆́й: гдⷭ҇ь блгⷭ҇ви́тъ тѧ. ѻ҆на́ же ѿвѣ­ща́­в­ши гл҃а къ не­мꙋ̀: что̀ є҆́сть не­до­ста́­токъ ꙗ҆́ди тво­еѧ̀. ѿвѣ­ща́въ же ст҃ы́й ре­чѐ є҆́й: трѝ ка́­ме­ни и҆ ма́­лѡ бре́­нїѧ, да две́­р­ца ты́ѧ за­гра­дѧ́­т­сѧ, ѿню́­дꙋ­же при­зи­ра́­е­ши. ѻ҆на́ же ѿвѣ­ща́­в­ши гл҃а къ не­мꙋ̀: по­не́­же пе́­р­вое воⷥ­гл҃ахъ и҆ вос­пре­ти́ ми, а҆ а҆́зъ ле­щѝ хо­щꙋ̀ съ то­бо́ю, а҆ ты̀ вы­со́­кимъ сло́­вомъ ѿме́­ще­ши­сѧ ме­нѐ. ѿвѣ­ща́въ же ра́бъ бж҃їй гл҃а къ не́й: а҆́ще хо́­ще­ши ле­щѝ со мно́ю, то и҆дѣ­же гл҃ю ти: прї­и́­ди, и҆ лѧ́­же­вѣ въ кꙋ́­пѣ; ѿвѣ­ща́­в­ши же блꙋ­д­ни́­ца гла­го́­ла къ не­мꙋ̀: на­р­цы̀ мѣ́­сто и҆ прї­и­дꙋ̀; ѿвѣ­ща́­въ же ст҃ы́й є҆фре́мъ гл҃а къ не́й: а҆́ще хо́­ще­ши ле­щѝ со мно́ю, на и҆но́мъ мѣ́­стѣ не мо­же́­ши ле­щѝ, но то́­кмѡ по­сре­дѣ̀ гра́­да; ѻ҆на́ же ѿвѣ­ща́­в­ши гла­го́­ла къ не­мꙋ̀: то не сты­ди́­м­ли­сѧ чл҃вѣ̑къ; ѿвѣ­ща́въ же ст҃ы́й є҆фре́мъ ре­чѐ: а҆́ще че­ло­вѣ̑къ сты­ди́­м­сѧ, то ко­ль­мѝ па́­че сты­дѣ́­ти­сѧ по­до­ба́­етъ, кꙋ́­п­но же и҆ бо­ѧ́­ти­сѧ бг҃а, свѣ́­дꙋ­ща­гѡ та́й­ны чл҃чи, ꙗ҆́кѡ то́й є҆́сть хо­тѧ́й сꙋ­ди́­ти все­мꙋ̀ мі́­рꙋ, и҆ ѿвѣ́тъ да́­ти ко­мꙋ́­ждо по дѣ́­лѡмъ є҆гѡ̀. и҆ сїѧ̑ слы́­ша­в­ши блꙋ­д­ни́­ца, ᲂу҆ми­ли́­сѧ ѡ҆ сло­ве­сѣ́хъ є҆гѡ̀, и҆ ше́­д­ши при­па­дѐ къ но­га́­мъ є҆гѡ̀, пла́­чꙋ­щи и҆ гла­го́­лю­щи: ра́­бе бж҃їй, на­ста́­ви мѧ на пꙋ́ть сп҃се́­нїѧ, ꙗ҆́кѡ да и҆з­бꙋ́­дꙋ ѿ мно́­гихъ ѕлы́хъ мо­и́хъ дѣ­ѧ́­нїй. ст҃ы́й же є҆фре́мъ мно́­гѡ на­ка­за́въ ю҆̀ ѿ ст҃ы́хъ пи­са́­нїй, и҆ ᲂу҆тве­рди́въ є҆ѧ̀ въ по­ка­ѧ́­нїе, и҆ вда­дѐ ю҆̀ въ мо­на­сты́рь, и҆ спа­сѐ дш҃ꙋ є҆ѧ̀ ѿ скве́­р­ныхъ беⷥ­за­ко́­нїй є҆ѧ̀. И҆ и҆з­ше́дъ и҆́з̾ гра́­да то­гѡ̀, и҆ прї­и́­де въ ке­са­рі́ю ка­п­па­до­кі́­й­скꙋю, и҆ при­ше́дъ въ цр҃ковь, ѡ҆брѣ́­те ст҃и́­те­ль­на­го ва­сі́­лїа гл҃ю­ща лю́­дємъ, и҆ на­ча́тъ ст҃ы́й є҆фре́мъ ве́­лї­имъ гла́­сомъ сла́­ви­ти є҆го̀. гла­го́­ла­хꙋ же нѣ́­цыи ѿ на­ро́­да: кто̀ се́й стра́­н­ный; ꙗ҆́кѡ съ ве­ли́­кимъ гла́­сомъ по­хва­лѧ́­етъ є҆пкⷭ҇па, на­и­па́­че же ла­ска́­е­т­сѧ є҆мꙋ̀, да да́стъ є҆мꙋ̀ нѣ́­ч­то; и҆ по ско­н­ча́­нїи бе­сѣ́­д­нѣмъ, гл҃а ст҃ы́й ва­сі́­лїй, при­зо­ви́­те ми чл҃ка, и҆́же пре­бы́сть хва­лѧ́ мѧ. при­ше́­д­шꙋ же є҆мꙋ̀, гл҃а є҆мꙋ̀: что̀ та́­кѡ пре­бы­ва́­ше гл҃ѧ и҆ хва­лѧ́ мѧ, и҆ мл҃твꙋ тво­рѧ̀; ѿвѣ­ща́ же ст҃ы́й є҆фре́мъ, и҆ ре­чѐ: се­гѡ̀ ра́­ди пре­бы́хъ во­пїѧ̀ и҆ хва­лѧ́ тѧ, ꙗ҆́кѡ ви́­дѣхъ го́­лꙋбь бѣ́лъ сѣ­дѧ́щь на де­с­нѣ́мъ ти ра́­мѣ, и҆ во ᲂу҆́хо гл҃ющь, и҆ та́­кѡ лю́­дємъ гл҃а­ше. и҆ и҆с­по́­л­ни­сѧ дх҃а ст҃а ст҃ы́й ва­сі́­лїй по­зна̀ є҆го̀, и҆ ре­чѐ є҆мꙋ̀: ты́ ли є҆сѝ є҆фре́мъ сѵ́­рїнъ; по­и́­сти­нѣ ꙗ҆́кѡ слы́­шахъ, та́­кѡ и҆ ви́­дѣхъ ѡ҆ те­бѣ̀, же­лѣ́­тве­ни­че мо­лча́­нїѧ и҆ пꙋ­сты́­н­ный жи́­те­лю. пи́­ше­т­бо­сѧ нѣ́­гдѣ въ прⷪ҇ро́­че­ствѣ дв҃до­вѣ: є҆фре́мъ де­ржа́­ва гла­вы̀ мо­е­ѧ̀. кро́­тость бо твоѧ̀ и҆ про́­стость твоѧ̀ ꙗ҆́вѣ є҆́сть, ꙗ҆́кѡ свѣ́тъ сї­ѧ́ѧ всѣ́мъ. И҆ и҆но­г­да̀ па́­ки ми́­мѡ и҆дꙋ́­щꙋ ст҃о́­мꙋ е҆фре́­мꙋ, и҆ ѿ по­ва­жде́­нїѧ са­та­ни­на̀ прї­и́­де нѣ́­каѧ скве́­р­ни­ца, льстѧ́­щи то­го̀ прї­и­тѝ на смѣ­ше́­нїе блꙋ́­д­ное. а҆́ще ли же нѝ, то по­нѐ раⷥ­гнѣ́­ва­етъ є҆го̀, ꙗ҆́кѡ ни­к­то́­же ни­ко­ли́­же ви́­дѣ є҆го̀ гнѣ­ва́­ю­ща­сѧ. и҆ гла­го́­ла къ то́й: воⷥ­слѣ́дꙋй ми. при­бли́­жи­в­ше­сѧ къ мѣ́­стꙋ нѣ́­ко­е­мꙋ мно­го­на­ро́­д­нꙋ, и҆ ре­чѐ є҆́й: на мѣ́­стѣ се́мъ хо­щꙋ̀, ꙗ҆́ко­же ре­чѐ со­тво­ри́мъ. ѻ҆на́ же ви́­дѣ­в­ши на­ро́дъ, ре­чѐ є҆мꙋ̀: ка́­кѡ мо́­же­ва здѣ̀ со­тво­ри́­ти, а҆ то­ли́­кꙋ на­ро́­дꙋ сꙋ́­щꙋ, сты­ди́­м­сѧ ᲂу҆́бѡ. гл҃а къ не́й: а҆́ще че­ло­вѣ̑къ сра­млѧ́­е­ши­сѧ, ко­ли́­кѡ па́­че до́­л­ж­ни є҆смы̀ бг҃а сра­млѧ́­ти­сѧ, и҆́же се­рдє́­ч­наѧ та̑й­ны свѣ́­дꙋ­ща­гѡ. сїѧ́ же ѡ҆сра­ми́­в­ши­сѧ ѿи́­де без̾ ѻ҆рꙋ́­дїѧ, не воⷥ­мо́­г­ши, ни по­нѐ на гнѣ́въ по­дви́­г­нꙋ­ти є҆го̀. Сїѧ̑ стрⷭ҇ти ве­ли́­ка­гѡ є҆фре́­ма. мꙋ́жъ бо бѧ́­ше без̾ ѕло́­бы, кро́­токъ, беⷥ­ѕло­би́въ, въ ра́з­ꙋ­мѣ бж҃е́­стве­нѣмъ, про́стъ по пи­са́­нїю, по­сꙋ́­пленъ, сми­ре́нъ, по­ко­ри́въ чрез̾ є҆сте­ство̀. ꙗ҆́ко­же и҆ мо­лча́­щꙋ є҆мꙋ̀ на­ка­за́­ти­сѧ ѿ взо́­ра ви́­дѧ­щымъ є҆го̀. Се́й ᲂу҆́бѡ прпⷣб­ный ѻ҆ц҃ъ на́шъ є҆фре́мъ воⷥ­де­ржа́­в­сѧ до́­брѣ, и҆ ѻ҆́б­разъ до­бро́­ты ꙗ҆́же къ бг҃ꙋ прї­и́мъ, и҆ по­ꙋ­ве­рзе́­нїѧ бы́въ при­ча́­ст­никъ, сло­ве­са́ же мно́­жа­й­ша и҆ ᲂу҆чє́­нїѧ ска­за̀ всѣ́мъ. про­ꙋ­вѣ́­девъ же своѐ ско­н­ча́­нїе, со­ста́­ви за­вѣ́тъ ᲂу҆чн҃кѡ́мъ сво­и̑мъ, и҆ ко всѣ̑мъ мни́­хѡмъ, и҆ ѡ҆ бꙋ́­дꙋ­щихъ и҆с­по­вѣ́­да­въ тѣ̑мъ. и҆ та́­кѡ ма́­лѡ по­бо­лѣ́въ, съ ми́­ромъ ᲂу҆́спе, сно́мъ вѣ́­ч­нымъ. и҆ по­гре­бе́­сѧ ѿ воⷥ­де­ржа́­щи­х­сѧ въ то́й же го­рѣ̀. млт҃ва­ми ᲂу҆́бѡ и҆ мо­ле́­нї­емъ є҆гѡ̀, хрⷭ҇то́съ бг҃ъ на́шъ да спо­до́­битъ на́съ, по­дра­жа́­те­лємъ бы́­ти то­гѡ̀ бжⷭ҇тве­на­гѡ жи­тїѧ̀. и҆ про­сты́­ню прї­ѧ́­ти со­грѣ­ше́­ныхъ на́­ми грѣ­хѡ́въ. ꙗ҆́кѡ то­мꙋ̀ хрⷭ҇тꙋ̀ бг҃ꙋ на́­ше­мꙋ, по­до­ба́­етъ сла́­ва, и҆ нн҃ѣ и҆ при́­с­нѡ и҆ во вѣ́­ки вѣ­кѡ́въ, а҆ми́нь.

This is a translation and has a separate copyright status from the original text. The license for the translation applies to this edition only.
Original:
Translation: