Лукать Святой Евангелияц/ВО/16

[ 89 ]

Глава 16-я.

Кафксэгеменьце пакшъ. ¹ Іисусъ мярьгсь эсь тонафнефэнзэнды: ульсь фкя козя ломань да ульсь сонь юртэнь кирьди ломанецъ, конань [ 90 ]лангсъ азфэль теенза, штэ сонъ имафты-арафты сонь паршіенцъ. ² Сонъ терьдезя сонь, да мярьгсь теенза: мезе монъ кулянъ тонь лангатъ? Макстъ моньдеень лувэма^[1] кудэнь кирьдимацень инкса, тонъ афъ пчкатъ сяда ламэсъ монь кудэзень кирьдемя. ³ Эста кудэнь кирьдись арьсесь эсь пачканза: мезь моньдеень тіема? Азэрезя сявсы монь кяцтэнъ кудэнь кирьдеманцъ, модань шувэма афъ пчканъ, анцемя визьдянъ. ⁴ Шарькедень мезе тіема, што-бэ панемьдэнъ меля прьняндалемазь монь эсь кудэзэстъ. ⁵ Терьдезень тифтень тифтень азэрэнцъ сембя шумувэнзэнъ, да мярьгсь фкяти: мзяра тонъ шумуватъ монь азэрезьти? ⁶ Ся мярьгсь: сяда малянка вай. Сонъ мярьгсь теенза: сявэкъ сяда курэкъ эсь сёрмацень, озакъ да сёрматъ — ведьгемень. ⁷ Сальдя омбэцети мярьгсь: тонь мзяра шумэця? ся мярьгсь: сяда малянка тозёръ. Сонъ мярьгсь сяньди: сявэкъ тоньцень сёрмацень да сёрматъ кафксагемень. ⁸ Азэрсь шназя ся афъ виде кудэнь кирьдить ёньуста тіеманцъ инкса: веть тя пиньгень ломатьня эсь эрямасэстъ тона валда пиньгень ломаньда ёжуфтъ. ⁹ Монъ-га мярьганъ тееньть: [ 91 ]тобэвада эстееньть ялгатъ афъ виде козя шиса, штобэ синь, мзярда тинь бѣднайгаттада, прьняндаледезь синьцень пефтемя эряма вастэзэстъ.

Кафксагемень фкіеце пакшъ. ¹⁰ Афъ ламэса видесь, ламэсэнъ-га ули виде. Кыржаса афъ видесь — ламэсэнга виде афъ ули. ¹¹ Кода тинь афъ виде козя шиса уледя афъ видетъ, кіе мэле тинь вѣрэндатедезь виде козя шиса? ¹² Кода ломанень паршиса уледя афъ видетъ, кіе мэле макссы тееньть тиньценнеть? ¹³ Кодама-вэкъ уре афъ служиндави кафта азэрэньди: сонъ али фкять кармай кельгемэнза, а омбэцеть афъ кельгемэнза, али фкять мельгя кармай пякь якама, омбэцеть мельгя кальдяфста. Тинь-гя станя афъ служиндафтада фкя пиньгста Шкайти да козя шити-гя. ¹⁴ Кулезь сембень тянь ярмакэнь кельги фарисейхня-вэкъ да пеецьть Сонь лангэзэнза.

Кафксагемень кафтувэце пакшъ. ¹⁵ Сонъ мярьгсь (фарисейхненьди): тинь ломань ингэля праведникэксъ няфнетяда пря, а Шкайсь содасыня тинь седіеньтень: веть мезе цебярь ломань ингэля, ся кальдявъ Шкайть ингэля. ¹⁶ Законъ да пророктъ ульсть Іоаннэнь самсъ; [ 92 ]а тя пинкста Шкайень царствась азэнкшневи да ярь ломаньсь війхса сувай эзэнза. ¹⁷ Менельть марта мастэрсь сяда курэкъ сэркайхть васцтэстъ, а законста фкя китькске-вэкъ афъ имай. ¹⁸ Ярь ломаньсь, кіе яви аванцъ марта, да иля сяви, ся усксеви; станякъ усксеви ся ломаньць-кя, кона эрьвяяй мирьденцъ марта явэфъ ава ланксъ.

Кафксагемень колмувэце пакшъ. ¹⁹ Ульсь фкя козя ломань; сонъ якась порфираса, да виссонса^[2], ярь шиня цебярьста симсь, ярцась. ²⁰ Ульсь станякъ фкя нищяй, лемэцъ сонь Лазэрь; сонъ козять орта лангса сый потмэса мадэзь эрясь. ²¹ Сонъ ёрась пекэнцъ топафтэмсъ козять шэра ланкста пяерьфь кши памэрькста; пинетьня сашэнцьть да сыензень нолсекшнезь. ²² Кулэсь нищяйсь, ангэлхня сонь кандэзь Авраамэнь кядь лангэзэнза. Кулэсь козясь-кя, сонь калмазь. ²³ Сонъ адса муцямстэнза кепедезень сельмензэнъ да ичкезьдя няезя Авраамэнь, да Лазэрень-гя сонь кядь лангстэнза. ²⁴ Сонъ пякь серьгедезь мярьгсь: Авраамъ аляй! ужяльдемакъ монь, кучкъ теень Лазэрень, сонъ [ 93 ]начфтэльця-бэ веца суръ прянцъ, да кельмефтельця монь кялезень; веть монъ пичедянъ тя толть эса. ²⁵ Авраамъ мярьгсь: идяй, мяляфтка, веть тонъ эряма пиньгстэтъ сявить эсь цебярьцень, а Лазэрь кальдявэнцъ; тяни сонъ тяса кенярькшни, а тонъ пичедятъ. ²⁶ Да тяда пашка неньгя, тинь мартэнэнтъ минь ётксэнэкъ ащи потмаксфтэма лотка, сясъ, ёрайхня молемсъ тяста тинь ваксэзэнэнтъ афъ молевихть; станякъ тинь вакстэнэнтъ-ка миньдеенекъ аф ётнихть. ²⁷ Эста сонъ мярьгсь: ина эняльдянъ теть, аляй, — кучкъ сонь монь алязень кудэзэнза. ²⁸ Монь вете брадня, кадкъ сонъ азсы теестъ, кода синь-гя афэльть са тя пичедемя вастти. ²⁹ Авраамъ мярьгсь теенза: синь ули Моисейсна да пророксна, кадкъ синь кулцэнцазь^[3]. ³⁰ А сонъ мярьгсь: афъ, Авраамъ, аляй, а кулэфнень ёткста ки-вэкъ эриклазь саньдеряй теестъ, эста синь каендайхть. ³¹ Эста Авраамъ мярьгсь теенза: Моисей марта пророкнэнь кулцэндэфтерясазь, эста кулэфъ-ка эрикланьдеряй — сянь-гя афъ кулцэнцазь.

---

1. очотъ.
2. пекъ питни адёжаса.
3. Синь улихть Моисеень сёрматфъ книгасна да пророкнэнь сёрматфъ книгасна, кадкъ ся книгатьнень кулцэндэзь эряйхть.