Лукать Святой Евангелияц/ВО/11

←Глава 10-я.

Лукать Святой Евангеліяцъ  (1891) , translated by Афъ содафъ (анонимъ) Глава 11-я.

Глава 12-я.→

Васенце орфографіясь (ru: Исходная орфографія; en: Original orthography)

[ 63 ]

Глава 11-я.

Ведьгемень ветіеце пакшъ. ¹ Савсь Теенза фкя вастца озэндэмсъ. Сонь озэндэмадэнза меля фкя тонафнефэцъ мярьгсь Теенза: Шкабавасъ, тонафтэмасьть минь озэндэма, кода Іоаннъ тонафтэзень эсь тонафнефэнзэнъ. ² Сонъ мярьгсь теестъ: озэндэмста тинь мярьгэда: Менельть ланкса Алянекя! Тонь лемця валдэмза. Тонть царстваця саза. Тонь воляця мастэрть лангсэнъ-га, менельть лаца улеза. ³ Ярь шиньди эрявиксъ кши макстъ меньдеенекъ. ⁴ Простиндайть минь крефенекень, кода миньць простиндакшнесайнекъ миньдеенекъ кальдявэнь тіихнень. Тямасьть максъ минь пытандамсъ. Ванэмасьть минь тушманнекень эздэнъ-га. ⁵ Сальдя мярьгсь теестъ: уленьдеряй кинь-гя тинь ёткстэнэнтъ цебярь ялгацъ, да саль-бэ теенза пяле веть да мярьгель: ялгай! макстъ моньдине пандэмда колма кшитъ. ⁶ Монь ялгазя ётамъ-пачкъ сувась пялэнъ, да ашъ мезе путэмсъ теенза. ⁷ Тона потмэста мярьги каршэзэнза: тямакъ трявожа, — кенкшеня пякстафтъ-ни, да идьня-вэкъ монь удэмъ васцэть монь мартэнъ: афъ стяванъ да афъ максуванъ теть. [ 64 ] ⁸ Мярьганъ тееньть: стяфтеряй сонъ ялганцъ инкса — сямельде стяй сонъ пякъ анаманцъ инкса, да максы теенза, мзяра анай.

Ведьгемень котувэце пакшъ. ⁹ Монъ-га мярьганъ тееньть: анада — максфъ ули тееньть; вешеда — мутада; чакада — панжихть тееньть. ¹⁰ Веть ярь анайти — максэфъ уленьди; вешеньдись муй; чакати — панженцазь. ¹¹ Кіе тинь эздэнэнтъ стама аля, конань кяцта цёрацъ ананьдеряй кши, сонъ максы теенза кевъ. Али мзярда анай калъ — сонъ максы теенза калть васцъ куй. ¹² Али ананьдеряй алъ — максы теенза скорпіонъ^[1]. ¹³ Станя тинь кальдявксъ улезьгя машттада эсь иденьтеньди цебярь максэма. Сядынга пякъ тинь менелень Аляньтя максы кяцтэнза анайхненьди Святой Духъ.

Ведьгемень сисемгэце пакшъ. ¹⁴ Весьть Сонъ паньць шайтанъ нѣмой ломаньста, кодакъ шайтаньсь лись, нѣмойсь кармась кортама, сембя ломатьня дивандасьть. ¹⁵ Конатъ-конатъ синь ёткстэстъ кортасьть: Сонъ паньци [ 65 ]шайтатнэнь эса шайтатнэнь оцьазэрснэнъ, вельзевулэнь війса. ¹⁶ Илятьня Сонь пытандаманцъ инкса анасьть Сонь эздэнза менельста чуда. ¹⁷ Сонъ содазень синь арсимаснэнъ, да мярьгсь теестъ: севакай царьствась, кона яви эсь ёткэванза — ся имай-арай, кудсь-кя, явэньдеряй — машты. ¹⁸ Шайтанць-кя явэньдеряй эсь ёткэванза, кода кармай ащема сонь царствацъ? А тинь мярьгтяда Монъ вельзевулэнь війса панцянъ шайтатъ. ¹⁹ Монъ паньценьдерянъ шайтатъ вельзевулэнь війса, мэля тинцень цёрантя кинь війса панцесазь синь? Сясъ синь улихть тееньть судіяксъ. ²⁰ Паньценьдерянъ Монъ шайтатъ Шкайть війса, эста афъ ёру пачкэць тееньть Шкайть царствацъ. ²¹ Мзярда віи ломань ружія марта ванцы эсь кудэнцъ, эста сонь паршіецъ анакъ пельть ащи. ²² Саньдеряй лангэзэнза соньдедэнза віи, да сяськсы сонь, эста сявсы сембя сонь орудіянцъ, конань ланксъ сонъ надейкшнесь да срафнесыня сембень сонь кяцтэнза нелькфнень.

Ведьгемень кафксувэце пакшъ. ²³ Кіе афъ Монь мартэнъ, ся Монь каршэзэнъ. Кіе Монь мартэнъ афъ кочкай, ся имафты-арафты. ²⁴ [ 66 ]Мзярда шайтанць лиси ломаньть потмэста, сонъ якай ведьфтемя вастэва эстіенза ваймама вастэнь вешендезь, муфтеряй, сонъ мярьги: мрданъ меки эсь кудэзэнъ, конаста лисень. ²⁵ Коста сай, мусы сонь урядавста да тяйвста. ²⁶ Эста моли сонъ да сяви мартэнза сисемъ иля шайтатъ эстедэнза кяжійхть, сувайхть эзэнза, да эряйхть тоса. Ся ломаньти тя мекпяльцесь уленьди ингэльденъ-га афъ цебярь. ²⁷ Сонь тянь кортамста, фкя ава народть ётктса оцьу вайгельса серьгець: Павазувъ ся потмэсь, кона тонь канненьзя да ся потятьня, конатъ тонь потяфнедезь. ²⁸ Іисусъ мярьгсь: Павазуфтъ, конатъ марясазь Шкайть валэнцъ, да сонь пяшкецазь.

Ведьгемень вейхксыеце пакшъ. ²⁹ Коста ломатьня кармасьть ламэнь-ламэнь пурэмма, Сонъ кармась кортама: тя родсь ёжу^[2], сонъ чуда вешеньди, аньцакъ чуда афъ ули теенза Пророкъ Іонань чудада пашка. ³⁰ Кода Іона Неневіянь эряйхненьди ульсь чудаксъ, станя Ломанень Цёрась-кя ули тя родти. ³¹ Обедъ пялень оцьазэръ авась стяй судсъ тя родэнь [ 67 ]ломатьня марта, да мувэргэфцыня синь: веть сонъ мастэрть песта сашенць Соломонэнь ёненцъ кулцэндэма; а тяса вага Соломонда оцьу. ³² Неневіянь эряйхня стяйхть судсъ тя родэнь ломатьня марта, да мувэргэвцазь синь, — веть синь каиндасьть Іонань тонафтэманцъ эзда, а вага тяса Іонада оцьу. ³³ Ки-вэкъ кэрьвястезь шта-толъ, афъ путы кяшфъ вастцъ, али кядьгеня алу, а (пуцы) шанталсъ, штобэ сембя сувайхня няельть валда.

Кодгеменьце пакшъ. ³⁴ Ронгэнь^[3] валдэптысь — сельме, — уленьдеряй тонь сельмеця таза, эста сембя тонь ронгця ули валда; уленьдеряй сонъ кальдявъ, эста ронгце-вэкъ ули шобда. ³⁵ Ина вантъ, тонь эсэть валтсь афэли шобда. ³⁶ Уленьдеряй сембя тонь ронгця валда, афъ уленьдеряй фкя-вэкъ шобда вастэцъ, эста сембя улятъ станя валда, кода тонь валдэпттанза кэрьвясьтьфь толэнь валць. ³⁷ Сянь кортамста фкя фарисей терьдезя Сонь эсь пялэнза ярцама. Сонъ мольсь теенза да озась шэранцъ ваксъ. ³⁸ Фарисейсь дивандась, кода няезя Сонь кядень апакъ штакъ ярцама озама. ³⁹ Іисусъ [ 68 ]мярьгсь теенза: тяни тинь, фарисейхть, урядасаеньть шаванятьнень ланга ширеснэнъ, — а тиньцень потмэньтя пяшкетьфть саламада да кальдявда. ⁴⁰ Ёньфтептъ! афъ Ся-ка-ли тіезя потмэтькя, Кона тіезя лангть? ⁴¹ Максседа лучи милостинятъ снятнень эзда, мезеньтя тинь ули, эста сембя тинь ули таза.

Кодгемень фкіеце пакшъ. ⁴² Афъ пара тееньть, фарисейхть, месъ тинь макссетяда кеменьце пакшъ мятаста да рутаста^[4] да севакай перень сёрэста, а вакска мяннесасьть Шкайень кельгемать да судендамать: сятьне-вэкъ эрявихть тіемсъ да нятъ-ка афъ эрявихть кадэндэмсъ. ⁴³ Афъ пара тееньть, фарисейхть, месъ тинь кельгтяда тонафтэма куца ингэля озада ащемать; да ломанень пурэмэма вастца тееньть сюкэнякшнемать. ⁴⁴ Афъ пара тееньть, книжникьть да фарисейхть, эсь пряньтень цебярьксъ няфтихть. Тинь вельтяфъ калмэнь кодяптада, конатьнень ланга ломатьня якайхть апакъ содакъ. ⁴⁵ Тянь каршэсъ фкя законникнень эзда мярьгсь Теенза: Тонафты, сянь кортазь Тонъ [ 69 ]минь-гя обжасамасьть. ⁴⁶ А Сонъ мярьгсь: тееньть-кя, законниктъ, афъ пара: месъ тинь ломатнень ланксъ путнетяда афъ кандэмшка канфтъ, а тиньць фкя сурсэнъ-га афъ токсетяда эсэстъ.

Кодгемень кафтувэце пакшъ. ⁴⁷ Афъ пара тееньть, месъ тинь тіеньттяда лазкстъ ся пророкнэньди, конатьнень шавэндэзь тинь аляньтя. ⁴⁸ Станя тинь няфнитяда аляньтень тевснэнъ ланга да тиньць-кя мартэстъ фкаксъ аратада: синь шавэндэзь пророкнэнь, а тинь тіеньттяда теестъ лазкстъ. ⁴⁹ Сясъ Шкайень ёньць-кя мярьгсь: кучанъ теестъ пророктъ, да апостэлтъ, синь финцнэнь эздэстъ шавсазь, а омбэнцнэнь паньцазь. ⁵⁰ Вешфъ ули тя родть кяцта сембя пророкнэнь вярсна, кона пяярьтьфь мастэрть шачемстэ-кигя, ⁵¹ видеста мярьганъ тееньть: вешфъ ули тя родть кяцта, Авелень вярста Захаріянь вярти пачкедэмсъ, конань шавэзь жертвенникть марта церькавть ётксъ. ⁵² Афъ пара тееньть, законникть, месъ тинь сявэсьть содамань панжуматьнень, тиньцкя ашэдя сува, да сувайхнень-гя кирьдіеньть. ⁵³ Сонь нянь кортамста книжникня да [ 70 ]фарисейхня пякь кяжиста мольсьть каршэзэнза да вешсьть эздэнза ламэнь ланга азэматъ^[5]. ⁵⁴ Синь вешенцьть, кода-бэ Сонь кундамсъ валэнзэнъ ланкса да мувэргэфтэмсъ.

---

1. Скорпіонъ лемса ули куй, конацъ ашкэдэндеряви арай алксъ.
2. шарчавъ.
3. телань.
4. Рута лемса ули перень сёра, конань эзда путнихть афъ ламнянь лямсъ.
5. отвѣтъ.