Колхозонь эряф/1940/06/Сталин ялгати
[ 3 ]Моску, Кремль
| Сталин ялгати |
Тейть, минь великай вожденьке и учителеньке, Тейть, минь кельгома аляньке и другоньке, кучсаськ минь, Мордовиянь писательхне, эсь задушевнай валонь приветоньконь.
Тя Тон, Сталин ялгась, кода шинясь, валдоптыть эсь валда ёнцень мархта кить Советонь странать народонзонды и вятить синь социализмать великай и славнай победанзонды. Тя Тон сембе ширде няфтить тейнек Марксонь—Энгельсонь—Ленинонь великай и яснай, шивалдокс ащи идеяснон и вятьсак народоньконь коммунизмать лучезарнай вершинанзонды.
Мезьге мархта аф сравниндави Тонь мудростце, народоньконди неисчерпаемай кельгомаце и родинати цёрань чувстватне — служайхть тейнек примеркс эряфса и трудса. Тонь обоятельнай образце — Социалистическяй трудонь Геройть образоц — служай советскяй писательхненди творческяй вдохновениянь валда родникокс.
Марса великай Ленинть мархта Тинь, Сталин ялгась, кеподесть оцязоронь Россиянь рабочай классть вековечнай поработительхнень — помещикнень и капиталисттнень каршес.
Октябрьскяй социалистическяй революциясь — тя инь яркай, инь замечательнай страница минь родинаньконь сембе народонзон историяснон эса.
Вов ни комсь кафтува киза эряй мордовскяй народсь счастливай советскяй тяштть ала. Сура и Мокша ляйхнень трвава ащи вирьхне, конат сядынголе аньцек ськамост пшкятькшнесть мокшеть и эрзять пяк оцю горянц колга моротненди, кулихть тяни веселай, радостнай морот.
Небывалай, счастливай эряфса эряйхть мордовскяй велетне и ошне. Кассть од фабрикат и завотт, кемокстасть колхосне, тифт школат и театрат. А мзяра замечательнай ломань воспитал большевиконь партиясь Тонь мудрай руководствацень ала, Сталин ялгась.
Мордовскяй народсь гордится эсь интеллигенциянц — учителензон, инженеронзон, агрономонзон, писателензон и артистонзон мархта, конат кассть народть эзда советскяй властть пингста.
Тейть, минь родной аляньке, шарфнесаськ эсь сельмованфоньконь, Тонь колгат — минь мороньке и стихоньке! Тя Тон лездоть мордовскяй народти тиемс эсь литературанц национальнай формас, социалистическяй содержанияс коре.
[ 4 ]Заверяем Тонь, Иосиф Виссарионович, што эсь пераньконь мархта минь карматама служама эсь народоньконди, сонь великай целеустремлениянзонды, художественнай валса карматама кандомост массатненди марксизмать-ленинизмать идеянзон и пощадафтома сялгондомс народнай счастьянь вракнень, кода тиендсь великай пролетарскяй писательсь Максим Горькай, кода тиендсь минь советскяй эпоханьконь талантливейшай поэтоц Владимир Маяковскяй.
Чофкста кайгиста |
Тяфта азозень минь общай мяленьконь сказительницась-орденоносецсь Фекла Игнатьевна Беззубовась.
Макстама обещания Тейть, Сталин ялгась, сембе эсь вийньконь путомс сянди, штоба тиемс высокохудожественнай, высокоидейнай произведеният, конат достойнайхть великай сталинскяй эпохати.
Мордовскяй АССР-нь писателень омбоце конференциясь.