Колхозонь эряф/1940/01-2/Полю/15

From Wikisource
Jump to navigation Jump to search
Колхозонь эряф (1940), № 1—2 Январь—Февраль edited by Чумаков И. Ф.
Полю, XV-це главась by Ельмеев, Григорий Ильич
Колхозонь эряф. Эрь ковонь литературно-художественнай и общественно-политическяй журнал. Мордовскяй писателень союзть органоц. — № 1—2 Январь—Февраль 1940. — с. 85

[85]

XV

Мокша велеса
Стирьхне морсесазь
Захар атяснон —
Перень ваныснон:
— Вирь кучканяса
Ащи эшиня,
Касы велькссонза
Лапас пяшеня.
Види ширеса
Йомла од кудня,
Эряй эсонза
Шаржу атяня.
Кержи ширети
Стяфнефт нешконза,
Панчфнень эзда медь
Кандыхть мешенза.
Нешкнень ёткова
Кинят—такорнят,
Китнень ваксканя
Касыхть марлюнят.
Кели эрьхконясь
Переть песонза,
Налхкихть—уендихть
Калхт сонь эсонза.
Кафта сядошка
Атять нешконза,
Лама сятт пуд медь
Кандсть сонь мешенза.
Сёксень праздникста
Захар атязе
Лац работанкса
Казнеть фатязе.
Тя колхозонне
Пересь—парашись.
Оцю радостти
Нльне атясь кштись.