Кельме сёксесь сась
Шарозь алу прась,
Тюжя лопанясь.
Праздникс аноклай
Мокша веленясь.
Марстон тевснон тисть,
Фкя-фкянь ётазне,
Исть юмафне синь
Фкявок зёрнаня.
Тяни Полюнять
Седиц радовай,
Казнет уски сон,
Ошста вирьге сай.
Сёронь шачом шить
Велец праздновай.
Перень ванысна
Захар атясна,
Корхтась Агунясь —
Полять ялганяц,
Корхтась меколи
Кельгом Полюсна.
Тяниень эряфсь
Кодавсь панчфкаса,
Ару кожфкаса,
Медень таньфкаса.
Велень площадьса
Симихть, морайхть, кштихть,
Нят колхозникне
Няфнихть козя шить.
Захар атязе
Агуть мархта кштись
Вай, пяк весялгодсь
Сёксень праздниксна,
Кядьсост мазелгодсть
Якстерь знамясна.
Празникта меле
Полюсь ошу тусь
Пара мяльняса,
Сон машинаса.
Уски тоста сон
Лама паршида:
Колхозти строямс
Эськта, глянцекта.
