Колхозонь эряф/1936/01/Ашесть сяськя/5

←IV-це главась

Колхозонь эряф (1936), № 1 (31) Январь-Февраль ков edited by Купряшкин Т., Бебан М. А. Ашесть сяськя. V-це главась by Чекашкин, Андрей Яковлевич

VI-це главась→

Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди вейхксоце кизось, кафта ковти весть. — № 1 (31) Январь-Февраль ков, 1936 киза. — с. 90—91

 

V

— Нака! Тязк пилененьге идьце пандозень. Кати месендят тоса снярс?! — цяткафнесь кяжиста Фокась ирьванц ланкс, конац тольки сась эшиланкста и нинге ашезь кенерь ведь ведарканц путомска.

— Эрь сяшкава тят цяткофне лангозон, тяни пачк штоли тейне сязевома? Шичас сявса, аньцек лямозень пяшкодян — корхтась Фокарясь, цюгунста капстатнень и модамарьхнень ланкс ведень каямста. — Эх, осподикай, мзярда шта ломаттнень лаца вай лямдя ярхцтама. Лофцоня, вднать, сельмесотка аф няят. Мярьгень колхозу суватама, тостонга кати мес ушедсть лисема. Тон кулеть мезевок? — кизефтезе мирьденц кядьстонза шабать сявома йоткова. Шабать кядьсоль исяконь пидеф модамарь, конань шуроста аварьдема йоткова тонгондозе елма кургонязонза.

— Мезевок ашень куль. А мезе? Азонтка! — Фокась ванць кургонь келептезь урьванц ланкс. Сон стясь галанкать ваксстонь эземста, озась лазонтф ташта шрать ваксс и учсь апак каштордт, мезе кармай азондома урьвац.

— Микитарясь азондозе эши ланкса, — корхтась Фокарясь. — Юргинц, няйсак, йотай илять марстонь пуромксса ворхнень-ломаньшавихнень азсь кит. Ветькиге сянь кувалма тердсть милиционер и тисть обыск...

— А кинь, кинь азсь?!

— Вай д штоли сяньге ашить сода? Иван атянь и Петя-атянь цьораснон. Обыскта меле ветькигя милиционерхне нилицькень алят-церат сявозь пякстамс.

— А мес?.. Мес ломатнень, ай? — кизефтезе эводезь Фокась урьванц. Сонь акша шамац ниньге сяда пяк акшелгодсь арась акша котфонь тюсьса. Серай сельмензон станяк апак чипоряк видеста вантфтозень урьванц ланкс.

— Али йоньста лисеть. Кульхть азонца. Иван атянь кудыньгельде Юргайсь милицонерхнень мархта мусь наган, сисем пуляса, кафттне эздост ляцьфт. И Митянь ланкска, няйсак, ляцьф кафта пулят. Наган барабанцта мусть сьорманя, коса сьорматф бта: „Василь Иваныч! Сай недялять танга вятеда кафта алашат и мезе аф няйхтяда матода соньцень Зойняйть“. А Петя атянь пирьфстонза кришкаста мусть, кафта колхознай ноктат, конат, вднать аноклафтольхть танга алашань саламс. Кафцке атятне и церасна милиционерти атказасть, што синь мезевок аф содайхть и ня муф вещатнень кие-кие путозень. А Юргайсь, ноктатнень мархта яфиезь, корхтай: „Кие мля эсьфтемонтт пуцыне, мон штоли сашендонь путомост?“. Каялексоль ломаттненди, милиционерсь ашезь мярьгя. Обыскта меле кильдсть кафта алашат и ветькиге сявозь пякстамс. А Иван атя сявомстонза корхтай: „Вага ату стак ащемда аф имат кля“. Семейкасна аварьдихть уркодома вайгяльса. арт вешк коза кулеви вайгяльсна“ — Фокарясь лоткась корхтамда и варжакстсь. кода ащи пянакудоц. Фокась яфодезень види шири акшаза шяярензон, путозе картузонц и лиссь кудста.

Сон валксь падельхнень кувалма и паксянь-паксянь туркс пялес ласькозь тусь машина кинь станциять шири. „Молян шичас азса сембень, — корхтась эстиенза Фокась, — катк месть тиеньдема кармай хть мархтон“.

Пезонцть Фокать пильгенза сокаф модати, сон пчкясь лиезь-лиель районнай милицияв. Лиссь оцю кити и ниньге сяда эрязсга ушедсь молема. Алняняста лийсть Фокать вельксканза сьоксень серай дуцятне, яфиесь кельме кожфкя, конац кельмофнезе сонь ливозю акша шаманц.