Колхозонь эряф/1935/04/Матовсь кяжец/Веть

←IV. Трактористти

Колхозонь эряф (1935), № 4 (22) Апрель ков edited by Илькинов И. Д., Бебан М. А. Матовсь кяжец. Веть by Безбородов, Михаил Ильич

VI. У—ух, эх→

Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди кавксоце кизось, эрь ковти весть. — № 4 (22) Апрель ков, 1935 к. — с. 17—18

ВЕТЬ

Ванясь нинге
Ашезь уда,
Мзярда боконц
Настась токазя.
— Ваня! Ваня!!.
Адя куду.
Тяса кельмя,
Ливсю копозя...
Кода эскса
Ванять сялгозь,
Станя Настань

Самац эвфтезя
Мзярда марса
Вастонц кадозь,
Кулять содамс
Курок вешезя.
— Азк, мезенкса
Ласькоть тяза?
Мезень колга
Куду вятемайть?
— Кулхцонтт, Ваня,
Лама азан
Тон илять вдь
Тячи няемайть?
Мзярда куду
Тунь ульцяста,
Ванан Лаврать
Паннефт Вальманза...
„Тевть тисак —
Улят уцяскав“...
Кулевсть куцта
Пинеть валонза.
Эста сяда
Малав шаштонь,
Вальманцты
Путыя пилезень.
... Аш месть корхтамс,
Федот машты...„
„Няйсы колхозсь
Тячи виезень...„
„Федот, няить
Тракторсь коса?..„
„Сарайть ала,
Омба пересост...„
Тяфта корхтасть
Попськя тоса,
Пиня лаца
Сембе ирецтот.
Аделазя
Настась валонц,
Стакаста сон
Ваймонц таргазя,
Бта Ванять
Мархта сялонць,
Станя кяжсь
Санонзон калганьзя.
Кундась Ванясь
Настань кятти,
Кемоста
Люпштазень
Суронзон.
— Учемат!
Сайхть
Пяле вети.
Керсаськ,
Керсаськ
Лаврать унксонзон.