Колхозонь эряф/1935/04/Матовсь кяжец/У-ух, эх

From Wikisource
Jump to navigation Jump to search
Колхозонь эряф (1935), № 4 (22) Апрель ков edited by Илькинов И. Д., Бебан М. А.
Матовсь кяжец. У—ух, эх by Безбородов, Михаил Ильич
Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди кавксоце кизось, эрь ковти весть. — № 4 (22) Апрель ков, 1935 к. — с. 18—19

[18]

VI
У—УХ, ЭХ.

Равжа цильфокс,
Молихть мельцек,
Кафта ломатть
Переть ширенцты.
Мзярда пачкоцть,
Арасть зерьцек,
Фкясь корхтазевсь
Ялганц пиленцты:
„Молят тоза,
Коса капась...
Капать ваксса
Оцю сарайти.
Валсак газса
Коськя лапазть,
Тоса спичка
Тонгат капати...
Равжа пулфокс,
Перяфть ланга,
Йордазь пряснон
Тингя пирети.
„Трактор, ванды,
Тон аф рангат“ —
Кулевсь ванфты
Настать пиленцты.
Кода катось.
Ванфты шеерть,
Станя Настась
Ваны шобдати.
„Кали пажарсь
Архцы переть„
Корхтась седиц
Кельмя модати.
Ваны цяткокс,
Сенем толнясь,
Сарайть ваксста
Шобдать лазозя.
— Кия тяса?! —
Юваць Колясь, —
Кия газса
Лапазть валозя?
— Сьома, Ваня,
Петя, Наста!
Сембе тяза...
Тяза эрязда!
— Йордак пеельть!
Сьома, кафта...
Ваня кафта
Тяса пялязда.

[19]

— У-ух, эх!
А-а-а, инякуй!
Фталу кяттнень!
Дайте вожият...
— Оцю гривась?!
Аф туй, аф туй!
Повоть „сетьмя“
Мокшонь божиня.
— Панжосьть уромть.
— Мезь учтада?
— Арш, утому,
Верда копоряйхть!..
  .    .    .    .    .    .    .    .    .    .    .    .
Виреть фталда.
Якстерь панаркс,
Штафнезь штафнесь
Зорясь копоренц.