Колхозонь эряф/1935/04/Матовсь кяжец/Трактористти

←Зорят и морат

Колхозонь эряф (1935), № 4 (22) Апрель ков edited by Илькинов И. Д., Бебан М. А. Матовсь кяжец. Трактористти by Безбородов, Михаил Ильич

Веть→

Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди кавксоце кизось, эрь ковти весть. — № 4 (22) Апрель ков, 1935 к. — с. 17

IV
ТРАКТОРИСТТИ

Чьопафць ляйти
Сенем менельсь,
Сетьмя ветти
Копонц начфтозя.
Велеть ланга
Шовдась келемсь,
Ваймамс пинкть
Трудяйти шачфтозя.
Уды велесь
Аньцек оттне
Гармонькаса
Ульцять сязенцазь.
Верьгя вайгяльхть
Мокшень кяльса,
Марстонь эряфть
Морайхть, азонцазь.
Касы седись
Мораснонды,
Налхкозевихть
Одонь думнятня.
Танга, танга,
Рана, ванды
Молихть пери
Мокшень стирьнятне.
Шобдась нингя
Сяда вишкомсь,
Тулуп потмос
Велеть кяшезя.
Лаймоть лангста
Тишесь летькомсь,
Кода ливсьти
Шить монь копозя
Тифтень-кафтонь
Сраткшнесть оттне,
Пандовсь мороц
Кайги гармонькать.
Удыхть вирьхне,
Ляйхня, лоткня,
Уды пинец
Ашу Ягоркать
Уды велесь.
Аньцек Настась,
Сединь кундазь
Кудга ласьконьди,
Мезя кульсь
Пилензон мархта —
Шава куца
Азомс аш киньди.
„Трактористти
Молян азсан...
Азсан сембонь
Мезя тиеньдихть.
Колхозть инкса
Прязень лазфцан,
Аньцек таргамс
Вярда симоньдить“ —
Тяфта арьсезь,
Вишкя вармакс,
Комоць Настась...
Шобда, шобда весь...
Шавома сонь
Седиц кармась
мзярда пачкоць...
Кинцты токась пе