Колхозонь эряф/1934/11-12/Советскай литературать колга/Советскай литературась - кяльс коря многообразнай, идейностень коряс единай

From Wikisource
Jump to navigation Jump to search
Колхозонь эряф (1934), 11-12 (30-31) № сентябрь edited by Бебан М. А., Белов А. А.
Советскай литературать колга. Советскай литературась — кяльс коря многообразнай, идейностень коряс единай by
авторсь: Максим Горький, мокшекс ётафтозе: Аф содаф (аноним)
Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 17—19
 
[17]
Советскай литературась — кяльс коря многообразнай, идейностень коряс единай

Тяда меле, мон лувонца эрявиксоньди азомс, што советскай литературась аф ащи аньцек русскай кялень литературакс тя — сембе союзонь литература. Сяс мес тейнек братскай республикань литературатне ащихть минь лацонок аф фкакс аньцек кялень коря, эряйхть и работайхть сяка-жа идеять валда шинц и благоприятнай влияниянц ала, ся идеять, кона пуропнесы капитализмать мархта срафтф трудяень сембе мирть, шарьхкодеви, што минь аш праваньке игнорировандамс нацменьшинствань литературнай творчествать аньцек сяс, што минь эздонок сяда лама. Искусствать ценностец унксневи аф количествать мархта, а качествать. Кда миньцонок йотай пингть — гигант Пушкин, тяста ниньге аф лисеньди ся, што армяттне, грузиттне, татархне, украинецне и иляды племенатне аф способнайхть максомс пяк оцю мастерхт литератураса, музыкаса, живописьса зодчестваса. Аф эряви юкснемс, што социалистическай республикань Союзть сембе пространствасонза вишкста касы трудовой народонь сембе массать возрождениянь процессь „честнай — ломанень эряфти“, од историянь свободнай творчествати, социалистическай культурань творчествати. Минь няйсаськ ни, што ков сяда инголи, тов сяда вишкста тя процессь лихни пангти кяшф способностть и талантт 170 миллионнай эряйхнень йоткста.

Мон мушенца эравиксоньди азомс тееньтть, ялгат, сьорма, конань получандайне фкя татарскай литераторонь эзда.

„Великай Октябрьскай революциясь макссь тейнек, угнетеннай и фталу лядф народтнень эзда лисьф писательхненьди, апак ограничендак возможность, тяконь мархта и возможность лисемс русскай литератураса эсь, виде, ниньге ламода аф совершеннай, произведениянеконь мархта. Минь эздонок — писательда националда, конат пячатлакшневихть рузонь кяльса, кода тон содасак, кемотть и нлхтай сядот-ни. Тя — фкя ширьде. Омбоце — советскай литературать рузонь кяльса тяни лувихть эсонза аф аньцек русскай массатне, но и Советскай Союзсонок сембе трудяйхне; сонь лангсонза востандакшневи миллиотт касыкс сембе национальностень од поколениянь эзда. Тяста няеви, советско—пролетарскай литературась рузонь кяльса лоткси-ни улемда литературакс аньцек сят ломаттненьди, конат корхтайхть рузонь кялса и конатнень рузонь происхождениясна, а постепенна сявоньди Интернациональнай характер и эсь форманц коряска. Тя важнай историческай процессь, лихни васеньце планти совершенно од задачат и од требованият.

Пяк ужяль аньцек ся, што тянь шарьхкоцазь аф сембе писательхне, критикне и редакторхне. Сяс станя лемневи апробированнай литератураса общественостсь, центраса ваныхть тяниге минь лангознок кода „этнографическай экспонат“ лангс. Аф сембе издательстватне примсесамазь пячатламс охотнайста. Кой [18]конат сидеста макссихть шарьхкодемс сьормадфцень примамста, што минь теест ащетяма „накладной расходокс“ или „принудительнай ассортиментокс“, што синь „сознательна тиеньдихть скидка партиять национальнай политиканцты“. Нят „благородствань минатне“ пяк справедливайста оскорбиндайхть минь эсонок Интернациональнай и полноценнай ломанень сознаниянь чувстватнень. Критикась же произведениять печацьта лисемдонза меле азы авторть и книгать колга аньцек кафа „лямбе валнят“ тявок аф сяшкава заслуганкса, а „уважениянкса“ ленинско сталинскай национальнай политикати. Тя стане-жа минь эсонок аф воспитандай, а меке лангт, кой-кона аф пяк искушеннай ялгатнень лангс действондай демобилизовандазь и разлогандазь. Тяда меле, весть и обычнай вете тьожань тиражса нолдамда меле, конац целайста рамсеви экзотикань и редкостень кельгихнень мархта оцю ошева, минь макссемазь архиву. Тяфтама практикась, сяда башка, што тиеньди лангознок кода моральнай, стане и материальнай кальдяв действие, перьсесы минь кинеськень массовай лувити и вяти эсонк неминуемай национальнай ограниченностти. Минь-же естественна йоралемя-ба кулемс эсь сатфксонеконь колга, кда стапт улихть, афсатыксонеконь и эльбядьксонеконь колга (конада миньценок сяда лама лиятнень коряс), штоба синь машфтомс иногльпяли хотелось-ба улемс доступнайкс массовай читательти“

Улема, тя сьормать алу анокт сьормадомс эсь кядьснон сембе союзнай республикань и автономнай областень литературнай представительхне. Минь литературань историконеке и критиконеке должетт шарфтомс мяль тя сьормать лангс и ушедомс работа, конац внушиндальхце—ба минь масторонь ломаннеконьди, што синь хоть и аф фкя племянь, аф фкя кялень, но сембе и эрь ломаньць синь эздодост — мирса васеньце социалистческай отечествань гражданитт. Кона упрексь тийф минь критиканеськонь адрезонц коряс, эряви признандамс справедливай упрекокс. Критикась, особенна газетнайсь, конань сяда пяк лувонцазь писательхне, критикась афталантливай, схолостичнай и малограмотнай текущай действительностть коряс Книжно—газетнай содама шинь ничтожествась сембеда пяк лангти лисеньди минь тяниень шинькень действительностть вишкста полафтоманц пингста, вельф лама разнообразнай тевфнень (деяниятнень) пингста. Единай руководящай критико—философскай идеянь ащец и тя идеять апак тийхть, Марксонь, Энгельсонь, Ленинонь эзда сяка-же цытататнень марха пользовандазь, критикась сидеста максси оценка тематненьди, ломатнень характерснонды и взаимоотношенияснонды аф фактнень эзда, конат макссихть непосредственнай наблюдение эряфть бурнайста молеманц мельге. Минь эряфсонок и работасонок лама стамда мезе конешно, не могли ингели няемс Маркс—Энгельс Критикась корхтай авторти: „Тя тийф аф вернайста, сяс мес минь учительнеке тянь колга корхтайхть илякс“. Но критикась не может мярьгомс: „Тя неверна и сяс мес действительностень факттне противоречивайхть авторть няфтьксонзонды“. Сембе чужой мыслятнень эзда, конатнень мархта пользовандайхть критикне синь, няймок йофсикс юкстазь Энгельсонь вельф ценнай мыслянц: „Минь учениянеське — аф догма, а действитяти руководства“. Критикась аф сатомшка действеннай гибкай, живой и, мекпяли критиксь, не может тонафтомс афторть сьормадома простойста, яркайста, экономнайста, сяс, мес соньць сьормады лама валса, тусклайста и — мезе ниньге сяда кальдяв — или равнодушнай, или-же вельф псиста, — мекпяльцесь эряй эста, кда сонь авторть мархта сотф личнай симпатияста, а стане-жа группане ломанень интересса, конат сярядьксцть „вождизмаса“, мещанствань педи урмаса.

„Вождизмась“ — тя эпохань урма, сон терьдьф мещанствать йомла жизнеспособностенц мархта, сянь маряманц мархта, што сон неизбежнай кулы капиталистть пролетариать мархта тюрмастонза и куломадонза ингеле пелемать мархта, ся пелемать мархта, конац айдяй мещянинть эса ся шири, конань сон давно привык лувомс физическай вийкс, — работань максы — чужой трудонь эксплуататорти миронь грабительти. Внутренне [19]„вождизьмась“ — индивидуализмань эряфть (изжиткстть) вийфтема и анцинякс шить результатоц внешняйста сон няфневи стама гнойнай нарывонь формаса, кодапт, кепотьксоньди, Эберт, Носке, Гитлер и капиталистическай действительностень тяфтама геройхть. Минценок, коса тиеньдеви социалистическай действительность тяфтама нарыфненьди, конечно, васта не может улемс. Но миньценок мещанствань наследиять ниньге лядсть кой-кодама покольнят, конат аф способнайхть шарькодемс существеннай различиять „вождизмать“ и руководствать йоткса хотя и аф фкакс ащемась пяк парс а няеви: руководствась, ломаттнень энергияснонды оцю оценкань макссезь, няфни ки сембеда цебярь практическай результатонь сатомати сембеда кржа виень путозь и „вождизьмась“ — мещанинть индивидуалистическай стремленияц арамс прянь сереть сяда оцюста ялганц коряс, мезе и сатневи пак тьождяста кда ули механическай легкай шиц, шава пряц и шава седиец.