Колхозонь эряф/1934/11-12/Советскай литературать колга/Од ломаньць шаченды советтнень странасост
| Од ломаньць шаченды советтнень странасост |
Социалистическай Советонь Союзса рабоче - крестьянскай властьсь тердезе сембе эряень массать од культурань строяма работати, тяста лисеньди, што эльбядькснень, аф сатыкснень инкса мещанскай сембе пошлостень, подлостень, кафта ваймоса эрямань принципфтома шинь лисеньдематнень инкса ответственостьсь путневи сембонь минь лангознок и эрь писательть лангс. И лисеньди, минь критиканеське должен улемс действительна самокритикакс, и лисеньди, што минь должеттама тиемс социалистическай моралень система, работаньконьди минь фкя фкянь йоткса отношенияньконьди регулятор.
Факттнень колга азондомок, конат няфнесазь фабрикань рабочайть интеллектуальнай касоманц и вековой собственикть коллективистокс колхозникокс шарфтоманц, минь, литераторхне, именна аньцек азонкшнесаськ, но пяк кальдявста няфнесаськ ня шарфтоматнень эмоциональнай процесснон.
[ 16 ]Минь ниньге кальдявста няйсаськ действительностть Резкайста полафтовсь нлхтай масторть пейзажецка, полафтсь, юмась сонь нищенскай сьормав шиц: пинемонь голубой полосканясь ряц мархтонза равжа клочек сокаф моданясь золотистай лента розсь, пиже — тозеронь, модань полосатне, конат касфтольхть сору тишеса, а марса сявозь фсяйкай цветонь печаль марстонь срадомаса - каладомаса, фкя - фкянь эзда сязеньдемаса. Минь пингстонок модань вельф оцю пространстват арафтфт могучайста фкя цветца, велеть и уезднай ошть велькса кепси аф церькав, а общественнай значениянь вельф оцю зданият, лама кляньцекснон мархта пиндолдыхть гигантскай фабрикат, пефтома и йомлане языческай кодама повсь, бта игрушечнай, древняй церькафня убедительнайста тейнек корхтайхть минь народоньконь талантливай шиснон колга, конац азф церковнай зодчествать эса. Литератураса аш од пейзаж, кона-ба няевиста и оржаста няфнельхця минь масторнеськень полафтф шаманц.
Минь эрятама сире эряфть юрнек синнеманц пингста, ся пингть, мзярда ломаньть эса живолгофневихть сонь эсь достоинствань чувстванза, ся пингть, мзярда сон кармась содамонза эсь прянц, кода виень кона, действительна, полафнесы мирть. Ламоснон пеедемасна сайхть лувомста, што ломаттне полафнесазь фамилияснон Свинухин, Собакин Кутейников, Попов, Свишов и стак тов, тяфтама фамилия лангс — Ленский, Новый, Партизанов, Дедов, Столяров и ст. тов Тя — аф педема тев сяс мес, тя именна, корхтай ломантть достоинстванзон касомаснон колга, ломантть атказаманц каннемс фамилие или прозвища, кона сонь унижает, лятфни атяснон и аляснон, синь стака рабскай йотай сире пингснон колга.
Ломатнень няемшкаста самооценкаснон уша ширьде мелкай, но крхкаста ваномок, пяк питни полафтоманц лангс, сят процесснень лангс, конатнень мархта тиеньдеви од Советскай гражданин, минь литературанеське ваны аф пяк внимательнайста. Возможно, што Сивухинць сявозе Ленскай фамилиять аф Пушкинть эзда, а 1912 кизонь Ленскай приискнень лангса массовай шавмать эзда, Кутейниковсь действительно, ульсь партизан, а Собакин, конань атяц ульсь крепостной раб, пади ульсь полафтф пине лангс, действительна эсь прянц марясы „новайкс“. Революцияда инголе, штоба полафтомс фамильяце, эрявсь тянь колга максомс заявление „высочайшай лемти“ — оцязорти и мзярда кодама-бди Певцев эняльгадсь полафтомс фамилиянц тярянц и бабанц лемса — Авдотьинкс, прошениянц лангс ульсь сьормадф резолюция: „Душевно-больной“.
А афкунара тейне азсть тяфтама факт: германскай флотонь матрос, конань фамилияц историческай, декабристонь потомок Волконскай, арась фашистокс.
— Мес? — кизефтезь сонь.
— Сяс, што офицерхнень лоткафтозь минь пиксемденок — отвечась сон.
Вов яркай пример сянь колга, кода наследственнай аристократсь, „голубой вяронь“ ломаньць юмафтозень эсь достоинствань чувстванзон.
Од ломанень касомась особенна няеви иттнень лангса, а синь минь литературнай кругонь вниманиясонок совершенна аф ащихть, минь сочинительнеке кода-бди лувонцась эсь достоинствадост йомлакс сьормадомс иттнень колга и иттненьди.
Моньдине бта маряви, што мон аф эльбядькшнян, ванозь сянь лангс, што алятне кармосихть сяда ужяльдезь и заботендазь ванома идьснон мельге и, монь няемасон, тя вполне естественна сяс, мес васенцеда человечествать эряфсонза иттне ащихть алянь—тярянь наследникокс, а аф ярмакненьди, куттненьди и мебельхненьди а наследникокс действительнай могущественнай ценностти - социалистическай государствати, кона тийф алянь и тярянь трудть мархта. Мзярдонга иттне ниньге ашесть сувсе эряфти тяфтама сознательнай и строгай судьякс ингельдень эряфти, и мон пяк верондан ся фактти, конань тейне азондозь: кевфкие кизостонь туберкулезса сяряди стирьнясь мярьгсь докторти эсь алянц пингста и няфтсь сурса лангозонза: „Тя вов сон виноват, што мон сярядян, нилегемонь кизонзон самс виенц путозе кодама повсь дрянь лангс, а сяда меле урьвяясь тярязень лангс, тярязти аньцек комсь сисемге киза сон шумбра, а тянь лангс ванода, сон кодама несчастнай, вов и мон тунь сонь лацонза“,
Улихть сембе причинатне учемс, што идень тяфтама суждениятне кармайхть улемя аф шуроста.
Действительность тейнек максси сяда лама „сырой“ материалда художественнай обобщенияньди. Но аф драмась аф романць нинге ашесть макса советскай [ 17 ]авань сатомшка яркай образ, кона свободнайста и отличнайста действондай социалистическай эряфонь строительствать сембе областензон эса. Няеви нлхатай, што драматуркне старандайхть сьормдомс сяда кржа авань рольда. Стака и азомска — мес тя тяфта? А тяка пингть, хоть и авась социальна равноправнай алять мархта и хоть сон и няфнесыне успешнайста эсь кодама повсь дарованиянзон и трудоспособностень лама шинц, — равноправиясь тя пяк сидеста и лама вастова эряй внешняйста, формальнайста. Алясь ниньге ашезень юкста, или пингта ингеле юкстазе ни, што кемотть веконь йотамс авась воспитандакшневсь чувствань забаваньди и кода кудонь жувата, конац машты тиемонза „хозяйкань“ рольть. Историянь тя сире и гнуснай шумонясь (должок) масторлангонь эряйхнень пялеснонди эряволь ба падномс васендакиге минь масторонь алятненьди и миронь сембе иляды алятненьдиге. И тясонга литературати эряви варжамс няфтемс работанц и психиканц авать стане, штоба теенза отношениясь кеподель общепринятай, мещанскай, конац сявф атекшнень эзда, отношениять вельксс!
