Колхозонь эряф/1934/11-12/Советскай литературать колга/Минь книганеконь основной геройсна трудонь ломань
| ←Революцияда ингельдень буржуазнай интеллегенциять моральнай разложенияц | Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Минь книганеконь основной геройсна трудонь ломань by авторсь: Максим Горький, мокшекс ётафтозе: Аф содаф (аноним) |
Од ломаньць шаченды советтнень странасост→ |
| Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 14—15 |
| Минь книганеконь основной геройсна трудонь ломань |
Мзярда бди вельф кунара трудяйхнень устнай художественнай творчествасна служась ськамонза организаторкс синь опытсост, образса идеятненьди воплощениякс и коллективть эса трудовой энергиянь срхкафтыкс. Тейнек тя эряви шарьхкодемс. Минь странасонок путф целькс, ровнайста культурна воспитандамс сембе единицатнень, максомс сонь членонзонды равномернай ознакомление трудонь цебярьхнень и сатфкснень мархта, стреминдамс шарфтомс ломаттнень трудснон управлениянь искуствакс трудонь вийхнень мархта Тейнек пяк, или аф пяк содави экономическай и тяконь мархта политическай ломаттнень расслоениясост процессь, узурпациянь процессь, трудонь ломаттнень правасна синь разумснонды касома свободанкса. Мзярда миронь шарьхкодемась арась жрецень тевкс, синь могли сонь кемокстаманза эсь мельгаст аньцек явлениятнень метофизическай азондомаснон вельде и природать стихийнай виензон сопротивленияснон вельде трудонь ломатнень цельснонды энергияснонды. Тя преступнай процессь — аярфтома, панема миллиотт ломатнень миронь шарьхкодема работать эзда, конац ушодф вельф кунара и моли тя пингс, пачфтсь сяньди, што сядот миллиотт ломатть, конат аярдфт фкя-фкянь эзда расань, нациять, религиянь идеятнень мархта лядсть вельф грубай невежестваса, вельф пяк умственнай сокор шиса, кодама повсь суевериянь предрасудкань, предубеждениянь шовда шиса Коммунистонь — ленинецень партиясь, Союзонь Соцалистческай Советонь рабоче-крестьянскай властьсь, марнек оцязоронь Россияса машфтозь капитализмать, рабочайхненьди и крестьятненьди максозь политическай властть, организовандакшнихть свободнай бесклассовай общества путозь эсь аф изьси (неутомимай) смелай, мудрай работаснонды целекс нолдамс трудяй массать сире, изжитай историять, капиталистичекай развитиянь культурать мала веконь люпштамаснон алда, конат тяни валдста штафтозень сембе эсь аф цебярь шинц (пороки) и творчествань эсь вийфтема шинц. Тя виликай цельть вярьгак вастстонза минь, Советонь союзть честнай литераторонза, и должеттама ваномс, максомс питне (оценить), организовандамс эсь деятельностнеськонь.
Минь должеттама сембеда пяк шарьхкодемс, што именно массань трудсь ащи культурань основной организаторкс и сембе идеянь максыкс кода сятнень, конат лама веконь йотамс йомлалгафнезь трудть решающай значениянц минь знанияньконь источникснон, стане и сят идеятнень Марксть Ленинть Сталинть, конат минь пингстонок воспитандакшихть революционнай правосознание сембе масторонь пролетариятненьди, и минь масторсонок трудть кепсесазь стама виень серес, конац служай основакс наукань, искусствань творчествати. Минь работасонок успехонкса тейнек эряви шарьхкодемс, марямс ся фактсь, што минь родинасонок пялес грамотнай рабочайхнень и примитивнай крестьянствать социалистическайста организуемай трудсна тийсь нюрьхкяне пингста кемень киза кувалмоста вельф оцю ценность и пяк парста вооружиндась, штоба аралямс пряц врагть эцеманц эзда. Тя фактти правильнай оценкань максомась няфтсы тейнек тонафнемать культурно-революционнай виенц, конац пуропнесы марс миронь сембе пролетариатть.
Минь сембе литераторхне, фабрикастонь рабочайхтяма, колхозниктяма — сембе ниньге кальдявста работатама и нлхтай сатомшкаста аф шарьхкодьсаськ сембень сянь, мезе тийф минь мархтонок и тейнек. Минь трудовой массанеське ниньге кальдявста шарьхкодьсы, што сон трудяй аньцек эсь лангозонза эстиенза. Тя сознаниесь сембе вастова цифторды но ниньге ашезь крьвясть вии и радостнай толса. Но мезевок не может крьвяземс сяда ингели определеннай температурань сатомда инголе, и кивок мзярдонга ашезь машта тяфтама цебярьста касфнемонза трудовой энергиянь температурать, кода тянь машты тиемонза партиясь, конац организовандаф Владимир Ленинть гениальнай шинц мархта, и тейнек тяниень пингонь партиять тя вожденц мархта.
Минь книганеконь эса минь должеттама основной героекс кочкамс трудть, лиякс азомс ломань, кона [ 15 ]организовандави трудонь процесснень мархта, кона вооружиндаф миньценок тяниень пингонь техникать сембе вии шинц мархта, ломань, конац эсь очередьса организовандасы трудть сяда тьожденяста, продуктивнайста, кона трудть пачфтсы искусствань степеньц. Минь должеттама тонадомс трудть шарьхкодемс кода творчества. Творчествась-шарьхкодема (понятие), конань мархта минь, литераторхне, пользовандатама пяк сидеста, едва ли улихть тяньди праваньке. Творчествась тя мяляпнень работамаснон стама напряжениянь степеньцна, мзярда синь работань вии шисна лихни содама шинь запаст, впечатлениятнень эзда сяда няеви и характернай фактт, картинат, детальхть и включандай синь эсост сяда точнай, сембеньди шарьхкодеви валхт. Минь од литературанеське не может шнамс прянц тяфтама качестваса. Впечатлениясна запазсна, содама шисна минь литераторнеконь аф оцю и башка забота тя запазть касфтоманц инкса аф маряви.
XIX столетиянь европейскай и русскай литературать основной темац - личность сон обществати, государствати, природати каршек арафтоманц эса. Главнай причинакс, конанц срхкафнезе личностть арафтомс эсь прянц буржуазнай обществать каршес тя — своеобразнай, конац противоречивай бытонь классовай идеятненьди и традициятненьди вельф лама отрицательнай впечатлениянь организация Личностьсь лац марязе, што нят впечатлениятне люпштайхть сонь эсонза, кирьнесазь сонь касомань процессонц, но лафчста шарьхкодезе эсь ответсвенностенц пошлай подлайшить буржуазнай обществать основанзон преступнай шиснон инкса. Джонатан Свифт — ськамонза сембе Европати, но Европань буржуазиясь лувондозе, што сонь сатирац шави аньцек Англиять эса. А вообще бунтовандай личностьсь эсь обществанц критиковандазь, шуроста пяк плохста шарьхкодькшнезе эсь ответственностенц общесствать постыднай практиканц инкса. И ниньге сяда шуроста эряй порядкать лангс сонь критиканцты основной мотивокс действондась крхка и правильнай шарьхкодема социально-экономическай причинатнень шарьхкодемаснонды сембода сидеста критикас срхкафневсь или капитализмань кшинь теснай клеткаса, эсь эряфсонза надежафтома шить маряманц мархта или-жа эсь эряфсонза неудачатнень инкса кяжень пандома стреминдамать мархта сонь унизительностенц инкса. И можна мярьгомс, што мзярда личностьсь шарфнесь мяль рабочай массати, сон тянь тиеньдезе аф массать интересонзон инкса, а надиясь, што рабочай классь, буржуазнай обществать срафтомок, максы теенза мыслянь свобода, действиятненьди эсь воля. Ниньге весть азса, революцияда ингельдень литературати основной и главнай темакс служай ломантть драмац, конаньди эряфсь няеви теснаста кона эсь прянц обществаса марясы лишнайкс, вешеньди эсонза эстиенза удобнай васта, аф мушендсы сонь и страдандай, юмай-арай или мирендай теенза враждебнай обществать мархта, или-же прянц нолясы симомати и мянь эсь прянь шавомати молемс.
Миньцонок, социалистическай советтнень Союзса, не доложен, не может улемс лишнай ломатть. Эрь гражданинти максф кели свобода сонь способностензон, дарованиянзон талантонзон развивандамаснонды. Личностть эзда вешеньдеви аньцек фкя: ульхть честнай эсь отношениясот классфтома обществань тиема героическай работаса.