Колхозонь эряф/1934/11-12/Советскай литературать колга/Революцияда ингельдень буржуазнай интеллегенциять моральнай разложенияц
| ←Буржуазнай личностьсь, кона ащи обществать каршес | Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Революцияда ингельдень буржуазнай интеллегенциять моральнай разложенияц by авторсь: Максим Горький, мокшекс ётафтозе: Аф содаф (аноним) |
Минь книганеконь основной геройсна трудонь ломань→ |
| Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 11—13 |
| Революцияда ингельдень буржуазнай интеллегенциять моральнай разложенияц |
1907 кизоста сявомок 1917 кизоти молемс пингсь ульсь пингокс безответственай мыслянь пяшксестонь эсь волякс ши, русскай литераторхнень пяшксеста „творчествань свободосна“. Тя свободась азовсь западнай буржуазиять сембе консервативнай идеянзон пропагандаса, ся идеятнень, конат ульсьть нолдафт обращенияс Французскай революцияда меле XVIII в. пестонза и регулярнайста, крьвязькшнесть 48-це и 71 кизода меле. Ульсь азф, што „Бергсононь философияц няфни вельф оцю инголи молема (прогресс) человеческай мыслять историять эса“, што Бергсон „пяшкодезе и крхкалгафтозе Берхлеень теориянц“, „Кантонь Лейбницень Декартонь, Гегелень системамать, и синь велькссост кода шись валдомкши вечнай красотакс Платононь [ 12 ]произведениянза“ - мыслянь сембе эрьгодкшнематнень (заблуждениятнень) эзда сембеда пагубнай эрьгодемань основоположникть, конань мысляц сязьф реальнай действительностть эзда ся мыслясь кона апак лотксек касы-келеми творчествань трудонь процесснень эса.
Дм. Мережковский, влиятельнай писатель, ся пингть ювадькшнесь:
Будь, что, — будит все равно! |
Соллогуб Шопенгауэронь мельге молезь, Бодлеронь и „проклятайхнень“ эзда няйф зависимайста ащезь, пяк цебярьста няфтезя „личностть бытиянь космитическай смыслафтома шинц“ и хоть и жалобнайста сувсь тянь колга стихса, но эрясь цебярь мещанинокс и 14 кизоня гразясь немецненьди срафтомс Берлинть, аньцек „ловсь аярды лугатнень лангста“. „Проповедовандасть политикать эса эрос“, „мистическай анархизм“, пяк хитрай Розанов Василийсь проповедовандась эротикать, Андреев Леонидсь сьормадкшнесь кошмарнай азкст и пьесат, Арцыбашев кочкась геройкс романонцты ламбамонь кальги и стяда ащи (вертикальнай) каза брюкаса, и тянь сембень марс сявозь вполне можно азомс, што кемонь кизось 1907—1917 к. к. русскай интеллегенциять кемонь кизонь историясонза сембеда позорнай и совестень аф содай кизот.
Сяс мес минь демократическай интеллигенциянеське историяса ульсь тренировандай сядя аф пяк, заподнайть коряс, — сон „моральнай“ разложениянь процессоц, интеллектуальнай нищайгадомац мольсь миньценок сяда вишкста. Но тя стама процессь, кона общай сембе странатненьди и вакска аф йотавикс (неизбежнай) фсякай интеллегентти, конац аф муй эсь эсонза вийхть решительнайста сувамс пролетариатонь массатнень эс, конат историять мархта тярьдьфт честнай трудонь сембе ломатнень марстонь пароста эрямаснонды.
Эряви прибавамс, што русскай литературась, стане-жа, кода и западнайсь, йотась помещикнень вакска, революцияда ингельдень эпохань промышленностень организаторхнень и финансисттнень, а миньценок нят ломаттне ульсть ламода своеобразнайхть и колоритнайхть западнайхнень коряс. Русскай литературать вниманиядонза башка лядсть земледелецнень стама кошмарнай типт, кодапт, кепотьксоньди, знаменитай Салтычихась, генерал Измайловсь и кемотть, сядот стапт. Гогольть карикатуранза и шарженза „Мертвые души“ книгасонза — тя уш аф стама характернай поместнай, фиодальнай Россияти, — Коробочкатне, Манилофне, Петухне и Сабакевичне, Ноздрефнень мархта самодержавиять политиканц лангс макссесть влияние аньцек пассивнай фактса синь улемасна и крестьянствань кода вяронь симихть аф пяк характернайхть Ульсть и лия мастерхт и художникть вяронь потяйхть, ломатть страшнай моральнай шама мархта мучительствань эса ламбамонь кельгихь и эстетт. Синь злодеянияснон ашезь няфте валонь художникне нлхтай стапне, кода синь эздодост сембеда великайхне и мужиконь кельгихне. Аф фкакс ащемасна минь крупнай буржуазиянеськонь западнайть эзда пяк резкайхть и азондовихть мянь мархта, што минь исторически од буржуанькень, ламосна лиссть крестьянствать эзда, козякадкшнесь сяда курокста и сяда тьождяста западонь исторически сяда сире буржуать коряс. Минь промышленнеконеське, аф тренировандаф западть кяжи конкуренциянц мархта, ванфнезе эсь эсонза пцтай XX в. самс чудачествань, озорствань чертать должно улемс терьдезе сонь изумленияц цурацкай легкай шить инголе, конань мархта сон наживандакшнесь миллиотт. Фкять колга синь эздост, Петр Губонинть колга, азонкшни содаф Тибетскай врачсь П. А. Бадмаевсь эсь брошюрасонза „Мудрость в русском народе“, нолдаф 1917 к. Тя забавнай брошюркась, кона од ломаттнень корхнезень „атказамс бесовскай грамотатнень эзда“, конат соблазниндайхть „синь эсост“ пустой валса: „свобода, равенства, братства“ азонды каменьщикть сьоранц и каменьщикть колга, конац стройси кшнинь кит:
| „Пяк почтеннай Россиянь освобождениять пингонь сире чиновникне, тя пингс конат ашезь юкста Губонинонь пингонзон азондыхть ва мезе: Губонин министерствав явондакшнесь вадьф оцю кямеса, кафтанса, кядьсонза сия мархта кяскав, шумбракстсь швейцарскайса швейцархнень и курьерхнень мархта, лихнесь кяскавстонза сият и [ 13 ]пароста макссесь сембеньди, алгуне сюкнесесь, штоба афолезь юкста эсь Петр Ивановичснон. Сяда меле сувсесь фсякай Депортаменттнень и Отделенияс, коза кадонць эрь чиновникти печатлаф конверт — эрь чиновникти достоинсванц коряс — сембень мархта корхтась лемсост и стане-жа сюкнесесь. Цебярь особатнень мархта шумбракснесь и палсесь, мярьгоньдьсь теест русскай народонь благодетельхть, и ульсь курокста нолявикс сембеда оцю превосходительствати. Петр Ивановичть Министерстваста тумдонза-меле сембе пяк пара мяльсольхть. Тя ульсь настоящай праздник, кона может улемс ровнай аньцек роштовань или очижинь ши мархта. Эрь чиновниксь лувондозень получандафонзон, низелдсь, ульсь бодрай и думась, кода йотафтомс шить илядыксоц и весь омбоце шовдавать самс. Швейцарскайса шнакшнезь Петр Ивановичть, кона лиссь синь йотксост, теенза мярьгоньдьсьть добрай и йоню, кизефнесть фкя-фкянь, мзяра кие получандась, но фкя-фкянь эзда кяшоньдезь, штоба аф компрометировандамс эсь благодетельснон. Мелкай чиновникне саворне тошксесть, эсь йотковаст дивандазь, што и синьге ашезень юкста добрай Петр Ивановичсь, кодама сон йоню, милай и честнай. Сембеда оцю шитне превосходительствати молемс кайгиста корхтасть, кодама сонь яснай государственнай йонец, и сон великай польза канни и народти и государствати, эряви сон отличиндамс. Эряви сон терьдемс совещанияс кшнинь ки лангонь кизефкснень ванондомаснон — кочксемаснон пингста, сяс мес сон — ськамонза йоню ломань ня тефнень эса, и, действительна, сонь терьнезь сембеда важнай совещанияс, коса уленьцть аньцек превосходительнай особат и инжинерхт, и ня совещаниятнень эса решающай вайгяль мархта ульсь вайгялец Губонинть“. |
Азкссь похожай пеедеманьди (иронияньди), но — тя седиваксстонь шнама порядка, конань пингста буржуазиять кайги лозунгоц „свобода, равенство и братство“ илядсь пустой валкс.
Сембе азфсь буржуазиять творческай вийфтема шинц колга, кона няфтьф сонь литературасонза, может няевомс вельф мрачнайкс и терьдемс монь адреззень колга упрек, кода-бди тенденциознай вельф касфтоманкса. Но факттне ащихть фактокс, и мон няйсайне синь стамокс, кодамокс синь ащихть.
Глупа и нлхта преступна аф макссемс эрявикс оценка врагть виензонды. Минь сембя цебярьста содасаськ, кодама вии сонь промышленнай техникац, и сембеда пяк военнайсь, кона рана или поздна ули арафтф минь каршезнок, но кона вакска аф йотависта сркафни сембе миронь социальнай революция и машфтсы капитализмать. Западть военнай авторитетонза аноконьди корхтайхть (предупреждают), што войнась эсь эсонза таргасы сембе тылть, сембе тюри масторхнень эряензон. Ули кода думамс, што Европань пяк лама мелкай мещанствась, кона ниньге аф совсем юкстазень 1914-1918 к.к. войнать ужасонзон и яйфтьф пяк кяжи неизбежнай од войнаса, шарьхкоди, мякпяли, сянь киньди именна выгоднай сай социальнай катастрофась, кие преступниксь, кона апак лотксек и эсь гнуснай выгоданзон инкса машфни миллиотт народ, шарьхкоди и лезды пролетариятненьди, штоба синьдемс капитализмать прянц. Думамс тянь колга можна, но надьямс, што тя ули, аш ков, сяс мес живой ниньге иезуитсь и труссь, мещанствань вождьсь, социал демократсь. Кеместа эряви надьямс пролетариатть эсь правань шарькодема (правосознаниянц) касоманть лангс, но ниньге сяда пара тейнек улемс надьяйкс эсь вийнеськоньди и апак лотксек развивандамс сонь. Пролетариатть революционнай самосознанияц, развитияц, эсь родинанц кельгомац, конань сон тиенцы, и родинань аралямась - литературать фкя инь существеннай обязанностец.