Колхозонь эряф/1934/11-12/Советскай литературать колга/Буржуазнай личностьсь, кона ащи обществать каршес

←XIX веконь русскай литературась

Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Буржуазнай личностьсь, кона ащи обществать каршес by авторсь: Максим Горький, мокшекс ётафтозе: Аф содаф (аноним)

Революцияда ингельдень буржуазнай интеллегенциять моральнай разложенияц→

Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 10—11

 

Буржуазнай личностьсь, кона ащи обществать каршес

Минь лац содасаськ, кодама наксадфксса мараф буржуазнай личностть ваймоц!

Государстваса, конац основаннай ломаттнень сембеда ламоснон бессмысленнай страданияснон лангс должен ули кирьдемс и действительна кирьдьсь руководящай и оправдывающай значение проповедьсь личностть безответственнай эсь волянь валсь и тевсь. Тяфтама идеятне, кода идеясь, што „ломаньць эсь природанц коряс“, деспот, што сон „кельксы улемс мучителекс“, „пяк кельксыне страданданиятнень“ и што эряфонь смысланц, эсь павазонц сон няйсы именна эсь волякс шисонза, действиятнень неограниченнайста свободасост, што аньцек тя эсь волякс шиса „сембедонь выгоднай выгодась“, соньдиенза и што „катк сембе мирсь юмай арай, а моньдине штоба симомс чайда“, — тяфтама идеятнень капитализмась и внушандкашнезень и пяшьксеста оправдывандакшнезень.

Достоевскаеньди макссеви истинань вешеньдиень роль. Кда сон вешеньдьсь, сон музе сонь ломанть зверень, животнаень ушедксстонза и музе, аф сянь инкса, штоба йордамс, аф примамс, а штоба оправдандамс. Да, ломанень животнай ушедксть эса аф матови ся пингс, мзярс буржуазнай обществаса улихть пяк лама влияният, конат ломанть эса крьвяснихть зверь. Кудонь катонясь налхкси кундаф шеерть мархта сяс, мес тянь анайхть зверьть, охотникть мускаласна йомла, эрек зверьхтнень мельге, тя налксема — телань тренировандама. Фашистсь, конац рабочайть улоти пильгонц мархта эрхтемаса сязеньцы лавтувонзон лангста сонь прянц, — тя уж аф зверь, а мезе бди ламода сяда хужи зверьть коряс, тя безумнай жувата, конац эряви машфтомс стама-же гнуснай животнай, кода белай офицерсь, конац кярси каркст и звездат красноармеецть кедьста.

Трудна шарьхкодемс, мезе именна вешеньдьсь Достоевскай, но эряфонц песа сон мусь, што пяк талантливай и пяк честнай русскай ломаньць Виссарион Белинскайсь „сембеда смраднай, тупой и позорнай явление русскай эряфса“, што пяк эряви сявомс туркатнень кяцта Стамбулсь, што крепостной правась лезды помещикнень и крестьятнень „идеально-нравственнай отношенияснонды“, и, мекпяли, признандазе эстиенза „вероучителекс“ Константин Победоносцевть, фкя инь сембеда мрачнай фигурать русскай эряфса XIX векть ушедксстонза. Достоевскайть гениальностец аф споряви изобразительнай шинц коряс, сонь талантоц ровнай может улемс аньцек Шекспирти. Но кода личность, кода „миронь и ломанень судья“ сонь пяк тьождяста можна арафтомс средневековай инквизиторонь рольс.

Мон сяс тяшкова лама максонь вастта эсь корхтамасон Достоевскаеньди, што сонь идеянзон влиянияфтома цптай аш кода шарьхкодемс крутаста шароманц русскай литературать и интеллегенциять сембеда оцю пяльксонц 1905-1906 кизода меле радикализмать и демократизмать эзда буржуазнай „порядкать“ ванаманц и ареляманц шири.

Достоевскайть идеянзон мархта увлечениясь ушедсь эстокиге Пушкинть колга корхтамдонза меле, народоволецнень партияснон разгромда меле, конат йорасть шарафтомс прянц лангс самодержавиять. Ниньге сянь самс, кода 1905 кизоня пролетариатть Ленинонь простой и великай правданц шарьхкодемок няфтезе мирти эсь кяжи шаманц, - ингели няи Петр-Струве кармась убеждандакшьнемонза интеллегенциять, кода стирень, конац случайна юмафтозе эсь аф виннай шинц, законна урьвакстомс сире капиталистть мархта. Сват профессеияс коря, книгань сукс, йофсикс лишеннай смыслань своеобразияда, сон 1901 к. терьнесь „фталу, фихтеньди“ - нациянь воляти подчиняндама идеяти, конац олицетворяется лавочникнень и помещикнень мархта а 1907 кизоня синь редакциянц вельде и сонь участниянц мархта лиссь сборник „Вехи“, конань эса ульсь азф фкя букваса вов мезе:

„Минь должеттама азомс пасибо властти сянкса, што сон штыкса ваны минь эсонок народнай яростть эзда“.

Нят подлай валхне ульсть азфт демократическай интеллегенциять мархта ся шитнень, мзярда помещиконь приказчикс министр Столыпинць эрь шине понцесь кеметть рабочайхть и крестьятт. А основной смыслац „Вехи“ сборникть оду азонкшнезе, мезе азфоль 70-це кизотнень изуверскай смысланц матерай консерваторть Констан. Леонтьевть: „Росиясь эряви эйндафтомс“, лиякс азомс тапамс сонь эсонза социальнай революциянь сембе искранятнень. „Вехи“ — тя „конституционалисттнень-демократнень“ ренегатствань актсна — сире ренегатсь Лев Тихомировсь пяк шназе, и путсь лем „русскай ваймень янгафтома совестень живолгофтома“.