Колхозонь эряф/1934/11-12/Советскай литературать колга/Панемс мещанствать минь литературанькень и критиканькень эзда

←Советскай литературась — кяльс коря многообразнай, идейностень коряс единай

Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Панемс мещанствать минь литературанькень и критиканькень эзда by авторсь: Максим Горький, мокшекс ётафтозе: Аф содаф (аноним)

Оцю ваяйгяльхть и великай радость мархта эсь достижениянеконь колга→

Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 19—20

 

Панемс мещанствать минь литературанькень и критиканькень эзда

Критикась пяк лама вастта максси пялес грамотнай рецензентненьди, лихнихть конатнень аш способностьсна мезьс-мезьс тонафтомс и конат лихнихть аф шарькодема и обижавома авторхнень ширьде. Критикась аф няи попыткат сргозьфтемс и сувафтомс эряфти народническай литературать эзда кой-кодама идеят и, мекпяли, мезьсь пяк важна, аф интересовандай областной литературать касоманц мархта, аф корхтама союзнайть колга. Эряви тага азомс, што критикась аф лоткси литераторхнень публичнай сообщенияснон ланкс сянь колга, кода синь сьормадыхть, а ся сообщениятне анайхть критикать ширьде пяк оцю внимание.

Самокритикась пяк эряви, ялгат. Минь работатама пролетариатть сельмя инголе, кона арси коль сяда грамотнайста, апак лотксек касфцыне требованиянзон минь искусстванькеньди, тяка мархта ряцок и минь поведениянеконьдиньге

Коммунизмань идеятне аф прашендыхть фкя ки ланкс минь действиянкень характерснон мархта, и минь средасонок фкя-фкянь йоткста отношениять мархта — фкя мархта отношениятьнень, конатнень йоткса пяк серьезнай роль кирьди мещанствась, кона няфтьф завидовандамать, жаднай шить и ковга аф пчкяй фкя-фкянь лангс коламать мархта и взаимно фкя фкяньди-фкя-фкянь сялдомась.

Мещанствать колга минь сьормачнемя и сьормачнетяма лама, тя мещанствась апак няфть фкя шамаса апак макст фкя образса. А сон пяк эряви няфтемс фкя шамаса и стама крупнайста, кода тийфть мировой типне фаустса, Гамлеца и илятнень эса. Лятфтасан, што мещанствась - паразитонь лама лувксонь класс, конат, мезевок аф тиихть (не производят), стреминдайхть употреблять, сявоньдемс-ниле—ньдемс (поглащать) кода можна сяда лама — и ниленьдихть. Крестьянствать и рабочай классть копса паразитокс эрязь, прокс молезь буржуазиять лапанзон алу, а лияста, внешнай вийхнень требованияснон коряс, йотнихть пролетариатть шири и сувафнихть сонь йоткозонза анархизма, эгоцентризма и марнек исторически присущай мещанинти пошлость, мялень пошлость, кона эряй исключительно бытонь факттнень мархта, аф трудонь внушениятнень мархта — мещанствась, мзярс сон мялшась и мяльшяй, сон прокс вяць пропаганда и кемокснесь индивидуальнай касомань философиять, кона мольсь сяда оржа сопротивлениянь китькска, вешсь кафта вийхнень йоткса сяда пяк или аф пяк устойчивай равновесие. Мещанствать пролетариатти отношенияц пяк яркайста характеризовандакшневи стама факца, што нлхта пялес анцинякс ащи крестьянинць, ничтожнай клочек модань собственниксь, пяк афольце кельк (презирал) фабрикань рабочайть, конань эсь рабочай кядьтенза башка аш кодамовок собственностец. Пролетариатть прянц мещанинць няеньдезе аньцек эста, мзярда пролетариатть кяденза фабрикада ушеса действондась революционнайста.

Аф сембе сор тишетне вреднайхть или пользафтопт, сяс мес лама сорнай тишеста тиеньдевихть целебнай ядтне. Мещанствась тиеньди аньцек разрушающай яд. Кда ба мещанинць афольхця маре эсь прянц ничтожнай деталькс капитализмать машинасонза, то афоль уль-ба сонь сяшкава оцю мялец станя кемоста и стама бесплоднайста няфнемс (доказывать) соньцень значительностенц и эсь мыслянь и волянь свободанц эсь праванц бытияндьи, и афоль лифть-ба XIX—XX векнень тяфтама количества „лишнай ломаньда“, „каендай дворянда“, „аф эсь пингонь геройхть“, „аф павань, аф воронань“ ломанень типт,

Советскай Союзса мещанствась вастстонза токаф пантьф эсь пизостонза, сядот уезднай городтнень эзда поньжафтф сембе вастова и кода минь содасаськ, нлхта яцекшнихть Ленинонь партияти, коста сонь айнесазь эрь чисткать пингста. Сякокс-жа сон илядкшни и действондай кода микроб, кона лифни пяк визькс вастокс ащи середемат.

Литератураса партийнай руководствась пяк строгайста должен улемс ароптф мещанствань всякай влияниянц эзда. Партиецне литератураса обязатт улемс аф аньцек идеологиянь учителекс, кона сембе странава организовандай пролетариатть энергиянц эса сонь свободанц инкс иляды бойти партийнай руководствась марнек эсь поведениянц мархта должен няфтемс морально авторитетнай вий. Тя вийсь литераторхнень средазост должен сувафтомс васендакиге сознание, што синь коллективна отвечайхть эсь йотксост сембе явлениятнень инкса. Советскай литературась, сонь талантозон сембе разнообразнай пинкста и од даровитай писательхнень количестваснон апак лотксек касомать пинкста, должен улемс организовандаф кода фкя коллективнай фкя целай кода социалистическай культурань вию орудие.

Писательхнень союзсна тиендеви аф сянь инкса, штоба валонь художникень пуроптомс марс аньцек физическайста, но профессиональнай об‘еденениянкса, штоба шарьхкодфтельце синь эсь коллективнай вийснон сатомшка яснайста няфтельхце-ба творчествать эса направлениянь разнообразиять, сонь целевой установканзон и гармоническайста пуроптомс — поладомс марс сембе целензон стама единстваса, кона вяти руководства странать сембе трудовой энергиянц мархта.

Корхтамас, конечна, моли аф сянь колга, штоба тиемс ограничение индивидуальнай творчествати, но штоба максомс теенза мощнай развитиянь сембе оцю возможносттнень. Эряви шарьхкодемс, што критическай реализмась шачсь „лишнай ломанень“ кода индивидуальнай творчества, конат эряфть ингса тюремати аф способнайкс улемок, эрьфса эстеест васта апак мук и пяк или аф пяк отчетливайста цельфтема эсь бытиянц шарьхкодемок, тя цельфтема бытиять шарьхкодькшнезь аньцек кода смыслафтома или сембе социальнай эряфть и сембе историческай процессть эса.

Йофси аф отрицандаса критическай реализмать пяк оцю и кели работанц, пяк оцюста оцениндакшнесайне валонь живописень искусствать эса сонь формальнай достижениянзон, минь должеттама шарьхкодемс, што тя реализмась пяк эряви тейнек аньцек йотафтф пингонь пережиткатнень няфтемаснон инкса, синь каршезест тюремать инкса, эряфть эзда панемаснон инкса.

Но реализмань тя формась ашезь служак и не может служамска социалистическай индивидуальностть воспитанияцтыньге сяс мес сембе критиковандасть, мезевок ашесть утверждандакшне, или-жа, — сяда кальдяв случайста-кирцсь сянь утверждениянцты, мезе эсь мархтонза-жа отрицандакшневсь.

Социалистическай индивидуальностьсь кода минь няйсаськ, минь трудонь геройньконь примерть эзда, конат ащихть паньчфокс минь рабочай массаньконьди, — социалистическай индивидуальностьсь может касомс аньцек коллективнай трудонь условиятнень эса, кона путсь эсь инголенза пяк оцю и мудрай цель — максомс освобождение марнек миронь трудящайхненьди, капитализмать ломанень кольфти-калафты (искажающай) властенц алда.

Социалистическай реализмась лувондсы бытиять кода деяния, кода творчества, целец конань — касфтомс апак лотксек ломантть пяк питни и эряви индивидуальнай способностензон, сонь мархтонза природать виензон сяськомаснон инкса сонь шумбра шинц лама кизонь эряманц инкса, масторть ланкса пяк павазу эряфть инкса, конань сон, эсь потребностензон апак лотксек касомаснон коряс, йорась сембонь тиемда оду, кода пяк цебярь жилище марнек человечествати, кона пуроптф фкя семьяс.