Колхозонь эряф/1934/11-12/Советскай литературать колга/Оцю ваяйгяльхть и великай радость мархта эсь достижениянеконь колга
| ←Панемс мещанствать минь литературанькень и критиканькень эзда | Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Оцю ваяйгяльхть и великай радость мархта эсь достижениянеконь колга by авторсь: Максим Горький, мокшекс ётафтозе: Аф содаф (аноним) |
Доклатть оглавленияц→ |
| Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 21—23 |
| Оцю ваяйгяльхть и великай радость мархта эсь достижениянеконь колга |
Сяшква пяк лама азонь эсь литературанькень афсатыксензон колга, мон обязанан азомс сонь сатфксонзон и завоеванинязон колганга. Монь аш тяса стама времазе, штоба азомс минь литератураньконь Западнай литературать пяк оцюста аф фкякс ащемаснон, - тя пяк кропотливай и кувака пингонь работа, нюрьхкеняста, эсь оржа докладсонза, азсы Радек ялгась. Азсан аньцек, што кодама повсь беспристрастнай ценителеньди йофсикс шту шарьхкодеви, минь литератораньке йотазе Западнайть од темас коря, и лятфнесан, што минь литературнекень ламосна Западса оцененнайхть сядонга оцюста эсь родинаньконь коряска. Минь литератураньконь завоеваниянзон колга мон-ни корхтань оцю вайгельхть и великай радость мархта 1930-це кизоня статьясон, кона печатлаф „О литературе“ 52-54-це лопаширьхнень эса, и тя книгать лама лия статьянзон эса. Ся пингста сявомок, йотась напряжоннай работань ниле кизот. Максы-ли тя работась прават касфтомс минь литературанькень сатфксонзон оценкаснон? Тя правать тейнек макссесы минь основной читательнекень мархта лама книганьди максф пяк пара и пяк оцю оценкась, — рабочайть и колхозникть мархта. Тинь содасасьть ня книгатнень, а сяс мон аф лятфтасайне синь, азан аньцек сянь, што минь ули-ни оцю группа валонь живописецтонок, - группа, конань минь должетама признандамс „ведущаекс“ художественнай литературать развитиянь процессонц эса.
Тя группась об“едининдакшни инь талантливай литератор — партиецнень аф — партийнайхнень мархта, и мекпяльцетня арсихть „советскаекс“ аф валса, а тевса, коль сяда лац тонадкшнесазь смыслать партиять и рабоче-крестьянскай, советскай властть работаснон общай и общечеловеческай смысланц. Аф эряви юкснемс, што русскай буржуазнай литературати эрявсь, лувомс XVIII-це векть песта, - пцтай сяда киза сянкса, штоба властнайста сувамс эряфти и тиемс сонь лангозонза известнай влияния. Советскай революционнай литературась тя влияниять сатозе кеветиекизоста.
Требованиятнень сересна, конатне путневихть художественнай литературать инголи курокста полафневи (обновляемай) действительностть ширьде и Ленинонь партиять культурно-революционнай работанц мархта, ня требованиятнень сересна азонкшневи оценкать значениянц сереть мархта, конань партиясь макссеси валонь живописень искусствати ашель и аш мирть эса государства, конань эса наукась и литературась пользовандальхть-ба тяфта ялгань лезксса, тяфтама заботаса искусствань и наукань работникнень профессиональнай квалификацияснон касфтомать инкса, тя работать колга тейнек корхтай аф аньцек КИЭМ-нь и Литвузонь организовандамась-
Пролетариень государствась должен тонафтомс тьожятть „культурань“ отличнай „мастерхт“ седи ваймень инженерхт“. Тя пяк эряви сянь инкса, штоба марнек рабочай народонь массати мрдафтомс марнек мирть сонь кядьстонза нельгф эсь разумонь талантонь, способностень развитиянь праванзон. Тя намерениясь, кона практически ули кода йотафтомс эряфс, сон минь, литераторхнень, лангозонок путы пяк эрявикс строгай ответственность минь работаньконь инкса и минь социальнай поведениянеконь инкса. Тя минь путнесамазь аф аньцек реалистическай литературать эса „миронь и ломанень судиянь“, „эряфонь критиконь“ традиционнай позицияти, но максси тейнек прават непосредственно участвндамс од эряфонь строительствать эса, „миронь полафтома“ процессть эса. Права мархта улемась и должен внушиндамс эрь литературань сембе литературать ингса, сембе ся явлениятнень инкса, конат сонь эсонза не должно улемс, ответственностень и обязанностень сознание. Советскай литературань союзс об‘едининдакшни эсь перьфканза 1.500 единицат, массать коряс лувозь минь получакшнетам: фке литератор 100 тьожятть лувити. Тя — аф лама, сяс мес Скандинавскай полуостровонь эряйхне тя сяда кизоть ушедксста эрь 230 лувити ульсь фкя литераторсна. Социалистическай республикань населениясь апак лотксек и пцтай эрь шиня демонстрировандай соньцень талантливай шинц эса, однако, аф эряви думандамс, што минь курокста кармай улеме 1.500 талантливай [ 22 ]писателеньке. Карматама мяльшяма 50 колга, а штоба аф васькафнемс эсь пряньке, эряви ингели путомс — 5 гениальнайхть и 45 пяк талантливайхть. Мон думандан, ушедоманкса саты и тя количестваськя. Илятксса минь получатама ломатть, конат ниньге аф сатомшка внимательнайста ваныхть действительностти, кальдявста организовандайхть эсь материалснон эса и небрежнайста рабатчайхть сонь лангсонза. Тя илятксти эрявихть шовордамс лама сядот союзонь кандидаттнень, и сяда меле — сембя республикатнень и областтнень эзга „ушеды“ писательхнень сядотне синь эздост сьормадыхть, кематть-ни печатлакшневихть. 1933-1934 кизотнень Хабаровскайста и комсомольскайста сявомок Ростову, Сталинграду, Ташкенту, Воронежу, Кабардино-Балкария, Тифлису молемс и ст тов лиссь колмогемоньчька сборник и альманах, конат пяшькодьфть вастонь ушедкшни литераторонь произведенияса.
Оценивать тя работать — тевсь критикнень, конат ниньге аф няйсазь сонь, хотя пинге-ни няемс. Тя работась, кодама сон афоль уль, сембе сякокс корхтай народнай массать эса культурнай процессть крхка шинц колга. Мзярда луват ня книжкатнень эса, марясак, што стихонь, рассказонь, пьесань авторхне — рабкорхт, селькорхт. Мон думандан, што минь ули пара кемонь тьожятть од ломаньнеке, конань ули стремленияц работамс литератураса. Шарьхкодеви, што будущай Литвузть аф ули состоянияц примамс тя армиять кемоньце талеканцка.
Тяни мон кизефтян:
Мезенкса пуроптф литераторонь с‘ездсь и кодама цельхть путни эсь инголенза будущай союзсь. Кда аньцек литературань работникнень профессиональнай благоустройствань цельхтьнень инкса, то йофсикс эряволь-ли перьсемс тяшкава грандиознай пере. Моньдинь арам, што союзсь эстиенза целеньди должен путомс аф аньцек литераторхнень профессиональнай интересснон, но и литературать интерезонзон целайста. Союзсь конашкава бди должен сявомс эсь лангозонза руководствать оцущечни писателень армиять мархта, должен организовандамс сонь, ладямс сонь виензон различнай работава и тонафтомс сонь работама кода сире пингень материалхнень мархта, ста и тяниеньтке.
Минь странасонок моли работа „фабрикатнень и заводтнень историяснон тиемать колга“. Лиссь, што пяк квалифицированнай литераторхнень тя работати таргамс пяк трудна. Тя пингс синь эздост пяк парста работайхть поэтессась Шкапская И. Левборг Мариясь, илятне-же аф аньцек сырой материалть малас аф нежедькшнихть, но аф и мушендыхть пинге тиемс редакцие анок тиф (отработаннай) материалти.
Минь аф содасаськ миньцень йотай пингонь историянеконь. Арьсекшневи и ушедф-ни работа удельно—княжескай и порубежнай ошнень историяснон колга синь основандамань пингстост сявомок минь шиньконьди самс. Тя работась должен тейнек азондомс очеркса и рассказса феодальнай Россиять эряфонц, Московскай княснень и оцязорхнень колониальнай политикаснон, торговлять и промышленностть развитияснон, князть воеводать купецть, мелкай помещикть, церькавть мархта крестьянствать эсплуатировандама картинать и аделамс тянь сембонь колхоснень организовандамаснон мархта, - крестьятнень „землянь властть эзда“ и собственностень гнетть алда подлиннай актть коряс и полнайста освобождениянц мархта.
Тейнек эряви содамс союзнай республикатнень йотай пингонь историяснон. Ня и лама лия коллективнай работатненьди ули кода таргамс сядот оц ушеды писательхнень, и тя работась максы теест самообразованиянь пяк оцу возможностть, сырой материалть ланкса коллективнай работать вельде касфцы квалификацияснон. Тейнек пяк эряви содамс сембе, мезе ульсь йотай пингнень, но аф стане, кода тянь колга-ни азонтф, а стане, кода тянь эса азондыхть Маркс, Л-нин Сталин и кода тя йотафневи эряфс фабрикава и паксяса, трудть мархта, конань эса организовандай, конань мархта вяти руководства историянь од вийсь — социалистическай Союзонь республикань пролетариатть воляц и йонец (разумоц), Вага кодама, мондинь арам, литераторонь союзть задачац. Минь с“ездоньке должен улемс аф аньцек лувийхнень инголе отчетокс, аф аньцек парадкс [ 23 ]минь дарованиянеконьди, но сон должен сявомс эсь лангозонза литературань организовандама тевть од писательхнень работаса воспитандамань тевть, конань значенияц, минь родинаньконь йотай и тяниень пингонц — себе ширьдень содамаса (познаниянц эса) всесоюзнай.
(Ламос молихть пяк виюста кадень цяпамат. Залсь, стяда, приветствондай великай пролетарскай писательть).