Колхозонь эряф/1934/11-12/Советскай литературать колга/Капитализмать шнаф культурац
| Капитализмать шнаф культурац |
Ули сатомшка основания надиямс, што мзярда культурань историясь ули сьормадф марксисттнень мархта, минь убединдафтама, што пяк касфтф буржуазиять ролец культурнай творчествань процессть эса, а особенно литературать эса, и ся сядонга пяк живописть эса, коса буржуазиясь прокс ульсь работань максыкс и самай тя мархта арсесь закононь максыкс (законодателекс). Буржуазиясь ашель эсь эсонза и аш сонь тяготенияц культурань творчествати — кда ваномс тя творчествась сяда келиста, а аф аньцек внешняй материальнай, бытовой развитияснон ширьде и роскошнень развитияснон коряс. Капитализмань культурась — мезевок аф лия, кода физическай и материальнай приемонь система мирть ланкска ломаттнень масторонь сокровищатнень, ланкса природань энергиять ланкса, буржуазиять властенц кемокстаманцты. Культурань развитиянь процессть смысланц мзярдонга буржуазиясь изезе шарьхкодькшне стане кода пяк эрявикс марнек человечествать массать касоманцы Содасаськ, што буржуазнай экономическай политикать виенц коряс эрь соседнай нациясь, кона организованнай государствакс, лисеньди враждебнаекс, а племенатне, конатне слабайста организовандафт и особенно цветнойхне, служасть буржуазияти рабокс сядонга правафтопт, соньцень собственнай кедь рабонзон коряс.
Крестьяттнень и рабочайхнень нелькфоль тонафнемя правасна, эряфть содаманкса разумонь и волянь развитиянкса сонь условиянзон полафтомаснон инкса, трудонь условиянь обстановкатнень тьождялгафтомасна. Школатнень эса тонафневсть и тонафневихть аньцек капиталисттнень покорнай слугасна, конат веровандайхть сонь аф шарфтови шинцты и законностеньцты, „Наротть тонафнеманц“ (воспитандаманц) колга корхнесть, сьормадкшнесть, нлхта васькафнекшнесть грамотность мархта, но тевса срафнесть (дробиндасть) трудовой наротть эса внушиндакнесть теенза расань, нациять, религиять аф фкас ащемань, аф мирендави шинь идеят. Тя проповедьть мархта оправдандакшневи афломанень (бесчеловечнай) колониальнай политикась, кона максси сяда оцю простор смыслафтома наживань страсти, лавочникнень идиотскай жаднай шити. Тя проповедьти служась буржуазнай наукась, кона изезь брезговандакшне нолдамс пря стама утвержденияти, што арийскай расань ломаттнень лиятненьди отрицательнай отношениясна „органическайста кассь целай народонь мифическай деятельность эзда“, хотя пяк пароста няеви, кда „целай народ“ заразиндакшнесь цветной расатненьди и смитненьди визьксфтома, животнай враждаса, — тя заразась прививандакшневсь буржуазиять сатомшка реальнай, физическай и пяк подлай деятельностенц мархта — „толса и мечса“. Кда лятфтамс што крестьянскай церькавсь тя деятельность страдандамань символокс шкайть пяк лама кельгома мархта сьорманцты, — тянь зловещай юмороц штафневи отвратитеьнай наглость мархта. Кстати: Христозсь, „шкайти сьора“, — аньцек ськамонза пяк цебярь тип, кона лифтьф церьковнай литературать мархта, эряфонь сембе противоречиятнень тя аф удалаф тип примирительть мархта пяк пароста няфтьф церьковнай литературать творческай виенц лафча шиц.
Техническай и научнай историять улихть пяк козя фактонза буржуазиять сопротивлениянц колга нлхта техническай культурать касоманцты. Тяфтама сопротивлениянь фактнень сембя содасазь, станя-жа кода и содаф сонь причинац: живой рабочай вийть уцес шиц. Мярьгихть: а все-жа техникась кассь и саць ламода инголи касома ши. Тя спорфтома, но тя азонкшневи ся мархта, што техникась сонць кода-бди инголи ломанти азонцы и внушиндакшнесыне возможносттнень сяда товонга соньцень касоманц эрявикс шинц.
Шархкодеви, мон аф карман отрицандама, што эсь пинкстонза, кеподьксоньди, феодолизмати отношениятнень [ 5 ]пинкста буржуазиясь ульсь революционнай вий, и способствондась материальнай культурать касоманцты, неизбежнайста макссезень тя касомати жертвакс рабочай массать виензон и эряфонь интерезонзон. Но Фультононь случаец няфнесы тейнек, што Франциянь буржуазиясь, нлхта соньцень победадонза мелевок, аф эстокиге шарькодезень паровой суднатнень значенияснон торговлять касфтоманц эса и эсь прянь арелямать эса. А тя — аф фкя случай, кона няфни мещанствать консервативнай шинц. Тейнек пяк эряви содамс, што тя консерватизмась, кона кяшеньди буржуазиянь мирть ланкса эсь властенц кемокстаманц ареляманц колга заботанц, фсякайкс путнесь границат трудовой наротть интеллектуальнай касоманц возможностензонды, но сембе сяка мекпяли мирса лиссь од вий — пролетариат и што пролетариатсь тийсь эстеенза государства, конань эсь массатнень интеллектуальнай касомаснонды аф тиеньдевихть кодамовок границат Ули аньцек фкя васта, коса техникать эса однясь примесеви буржуазиять мархта кодамовок возраженияфтома и апак учентт, тя — ломатнень машфтомс оружиянь тиеньдемя производствась. Моньдеень арам, кивок нинге ашезе буржуазиять эсь техникать общай касоманц молеманц ланкс, кона обрабатывает металхт.
