Колхозонь эряф/1934/11-12/Советскай литературать колга/Художественнай литературать основанза и источниконза
| ←Доклатть оглавленияц | Колхозонь эряф (1934), 11-12 (30-31) № сентябрь edited by Бебан М. А., Белов А. А. Советскай литературать колга. Художественнай литературать основанза и источниконза by авторсь: Максим Горький, мокшекс ётафтозе: Аф содаф (аноним) |
Капитализмать шнаф культурац→ |
| Колхозонь эряф. Мокшень литературно-художественнай и общественно-политическай журнал. Нолдаец советскай союзонь писателень Мокшэрзянь областень правлениясь. Лиси 7-це кизось, ковти кафксть. — 11-12 (30-31) № сентябрь 1934 к. — с. 1—4 |
[ 1 ]
| Советскай литературать колга |
| А. М. ГОРЬКАЕНЬ ДОКЛАДОЦ |
| Художественнай литературать основанза и источниконза |
Трудовой процесснень рольсна, конат стяда якай (вертикальнай) животнайть тиезь ломанекс и тийсть культурати основной ушедкст, изярдонга апак обследовак тольхть сембе ширде и стама цебярьста, кода сон тянь веши. Тя ульсь стяня естественно, сяс мес тя обследованиясь ащесь трудонь эксплоататорхнень интерезснон каршес, конатне массатнень энергиясон шарфнезь кой-кодама сырьякс ярмаконди, тяфтама случайста, конешна ашель ков, и изезь касфне сырьять питненц. Ушедсаськ пяк кунардонь сире пинкнень эзда, ся пинкнень эзда, мзярда ломатне кармасть явондовма рабовладелецненьди и рабоньди, трудовой массатнень живой вийснон мархта. Васеньце пингонь ломаттнень культурань историкне няфнезь кода философствующай идеалистонь и мистиконь, шкаень тиикс, „эряфонь смыслань вешикс“. Васеньце пингонь ломаньтти макссесть стама настроение, кодамоль Бем Якувонь, сапожникть, кона эрясь XVI-це векть аделама пинкста, XVII-це векть ушедома пинкстонза и тевфтемя ши йоткова занимандась философияса, кона пяк кельгови буржуазнай мистикненьди; Бемсь тонафць, што „ломаньць должень мяльшямс (размышлять) аньцек менельть колга, тяшьттьнень, стихиятнень и тварьхнень колга, конат шачсть синь эздост, станя-жа святой ангелхнень колга, дьяволть колга, менельть и атть колга“.
Тинь содасасть, што васеньцепингонь культурань историяти материалоньди ульсть сявфть археологиянь даннайхне и инь сире пингонь (древняй) религиознай культонь отражениятне, а ня эряфонь илядыксне (пережиткане) азонкшневсть и ванондовсть христианско—философскай догматикать влияниянц вельде, кона аф чуждаель и атеисттненьди-историкненьди. Тя теориясь пяк яснайста азф Спенсеронь надорганическай развитиянь теориянц эса и аф аньцек сонь теориясонза, сон аф чуждай и Фрезероньдинге и сембеньди лиятненьдинге. Но кивок васеньце пингонь и инь сире пингонь культурань историкнень эзда изесть пользованда фольклоронь даннайхнень мархта, народть устнай творчестванц мархта, мифологиять показаниянзон мархта, кона в общем лисеньди природать явлениянзон няфтикс (отражением), природать мархта тюремань няфтиекс и социальнай эряфть пяк кели художестваннай обобщениянь няфтикс.
Пяк трудна путомс мяльс кафта пилькса животнайсь, кона марнек эсь виензон йотафнезень эряфть инкса тюремати, кона мяльшась отвлеченна трудть процессонзон эзда, родонь и плямань кизефкснень эзда. Трудна путомс мяльс Иманцил каятонь зверень кедьса (шкураса) и кеж, „эсь эсост вещьнень“ (вещи в сембе) колга мяльшяекс. Отвлеченна мяльшесь сяда поздняй пингонь ломанць Ся одинокай ломанць, конань колга Арестотель „политикаса“ мярьгсь: „Обществада башка ащи ломанць, или шкай, или зверь“ Мзярда ульсь зверексь, сон кой-коста кошерезень признандамс эсь прянц шкаекс, но кода зверь лиссь зверень кодяма ломаттнень колга пяк лата мифонь тиемя материалоньди, станя-жа, [ 2 ]кода васень ломаттне, конат арафтозь (освоили) алашать ласте якама жуватакс, макссть, основания кентаврать колга мифть тиеманцты.
Первобытнай культурань историкне йофси ашесть корхне сатомашка шарьхкодеви материалистическай мышлениянь признакнень колга, кона вакска аф йотависта лифневсь трудонь процесснень мархта и древняй ломаттнень эряфонь марнек социальнай явленияснон мархта. Ня признакне тейнек пачкодьсть сказкань и мифонь формаса, конаттнень эса минь кульхтяма жуватань тонафтома работань отзвукт, целебнай тишень мума, орудиянь изобретениянь отзвукт. Ниньгя пяк древняй пинкнень ломаттне мяльшекшнесть воздухса лиеньдемя возможностень колга, — тянь колга тейнек корхтай Фаэтонтть, Дедалть и сонь цьоранц Икарть колга легендатне, а станя-жа „ковер самолетть“ колга сказкась. Мяльшекшнесть сянь колганга, кода курокстоптомс мсторть ланга якамась (движениясь) „Скороход-кемотнень“ колга сказкас, уеньдемя мяльхне вятезень веслань и парусонь изобретенияти, ширеста врагонь и зверень шавма мяльхне ащихть мотивоньди пращень, луконь и стрелань изображенияти. Фкя веня лама материянь кшьтирьдемать и кодамать колга мяльхне, фкя веста цебярь эряма вастонь (жилищань) строямать колга возможносттне, и нлхта „дворецонь“, лиякс азомс жилища, кона укрепленнай врагть эзда, тийсть прялка, фкя инь сире пингонь трудонь орудия, кядса кодама примитивнай станок и нолдасть сказка Василиса Премудраень колга. Можна азомс ниньге кемотть доказательстват, инь сире пингень (древнейшай) скаскатнень и мифнень целесообразностьсон колга, кемотть доказательстват образнай, гипотическай дальнозоркосьтьснон колга, но первобытнай ломаттнень технологическай мяльс сявмаснон (мышленияснон) колга, кона ломаттне кассть-ни тяниень пингонь тейнек гипотезатненьди, кода, например, масторть эсь осенц перьф шарома вийть утилизацияц или полярнай эень машфтомась. Сембе сире пингонь (древностень) мифне и сказкатне кода бта аделакшневихть (завершандавихть) Танталть колга мифть мархта: Танталсь крга видес ащи веца, сонь эсонза муцяй симмась, но коданга сон не может топодемс симомс, — тя сире пингонь ломань внешняй миронь явлениятнень йоткса, конатьнень сонь мархтонза апак шарьхкодьть (не познаны).
Аф сомневандан сянь колга, што сире пингонь сказкатнень, мифнень, легендатнень тинь содасаенть, но пяк йоралень-ба, штоба синь основной смысласна улель-ба шарьхкодьфть сяда цебярьста. Тя-смыслась вяти сире пингонь рабочай ломаттнень эсь трудснон тьождялгафтомань стремлениятненьди касфомс сонь продуктивностенц, вооружиндамс эсь пряснон ниле пильгса и кафта пильгса вракнень каршес а станя-жа валонь вийть мархта, „заговоронь“, „заклинаниятнень“ вельде тиемс влияние стихиять ланкс, ломаттненьди природать враждебнай влияниянзон ланкс. Мекпяльцесь сембода важнай сяс мес няфти сянь конашкава крхкаста верендайхть ломаттне эсь валснон виенцты, а тя верась азондови речть няеви и сатомшка реальнай пользанц мархта, кона организовандай ломаттнень социальнай взаимоотношенияснон и трудовой процесснон эса. „Заклинаниятнень“ вельде йорасть действондамс налхта шкайхнень ланкска. Тя вполне естественна, сяс мес сембе древнай пингонь шкайхне эрясть масторть ланкса, ульсть ломанень кодяпт (человекообразнайхть) и эсь пряснон вятезь станя жа, кода и ломаттне: покорнайхненьди ащесть паронь арсезь, враждебнайхненьди, афкульхцондыйхненьди, кода ломаттне, ульсть завистливайхть, кяжень пандыхть (мстительнайхть), честалюбивайхть.
Шкайхнень ломанень кодямокс улемаснон колга фактсь — ся мненияти ащи фкя доказательствакс, што религиознай мялень касомась шачсь аф природать явлениянзон созерцаниянц эзда, а социалнай борьбать молеманц вельде. Пяк аш кода думандамс сянь колга, што шкаень фабрикацияти сырьякс ульсть древнай пингонь „знатнай“ ломаттне — Геркулес, „герой труда“, „Мастер на все руки“, мекпяли йотафтф Олимпокс, шовордаф шкайхнень йоткс. Шкайсь васень ломаттнень мяльса ашезь уль — отвлеченнай шарьхкодемакс (понятиякс) фантастическай существакс, но сатомшка реальнай фигураль, вооружиндаф тя или тона трудонь орудиять мархта, шкайсь ульсь тя или тона ремеслати мастер, ломаттненьди и учитель и [ 3 ]сотрудник Шкайсь ульсь трудонь успехнень художественнай обобщениякс и трудовой массатнень „рилигиознай“ мяльшямаснон (мышленияснон) эряви сявомс кавычкас, сяс мес тя улась аньцек художественнай творчества. Ломаттнень способностьснон идеализировандазь и синь вию развитияснон, кода бда инголи содазь мифотворчествась эсь основанзон эса ульсь реалистичнай. Древняй фантазиять эрь взлетонц эса тьождяста можна мумс сонь возбудителенц, а тя возбудительсь прокс ломаттнень мяльсна (стремлениясна) тьождялгафтомс эсь трудснон. Тя йофсикс шарьхкодеви, што тя стремлениясь ульсь максф эряфти физичекай трудонь ломаттнень мархта. И пяк лац шарьхкодеви, што шкайсь афоль явонда-ба и афоль уль-ба зря-ба тяшкава ламос трудонь ломаттнень эряма ащема тевсост, кода афоль уль-ба сонь оцю пользац масторонь владыкатненьди, трудонь эксплуататорхненьди. Минь странасонок шкайсь сяшкава курок и тьожденяста лисеньди употребленияста именна сяс, мес юмась сонь улема причинац — ся необходимостьсь, конань пингста оправдандакшневсь ломанть ломань лангса властец ломанць, омбоце ломанти должен улемс аньцек сотртудникокс, другокс, соратникокс, учителькс, а аф владыкакс сонь йоненц и волянц ланкса.
Но коль сяда виюста и властнайста арсесь рабовлоделецсь, то шкайхне сяда вяри кепсесть небав, а массать йоткса шачсь шкаень кочксема (богоборчество,) кона няфтьф Прометеень, экстонскай Калевийть и лия геройхнень образса, конат шкайть эса няйсть эсьтеест враждебнай владыкатненьди владыка.
Христианскай пинкта ингольдень языческай фольклорсь изезь ванфта кодамовок няевиста азф признакт сущностть колга и сембе явлениятьнень васенце причинать колга мышлениять улеманц инкса „эсь эсост вещьнень“ колга (о вещи в себе) и вообще мышлениянь признакнень колга, кона ульсь организованнай кода система минь эрадонок инголе IV-це векста „Аттикоть пророкть“ Платонть мархта, кона пуць основа трудонь процесснень эзда и бытонь условиятнень явлениятнень эзда аярфтф миронь шарьхкодемати. Содаф, што церькавсь Платонть признандазе христиантсвати предвестникокс. Содаф, што церькавсь эсь ушедомстонза кеместа тюрьсь „язычествать илядыксонзон“ каршес, а ня илядыксне — трудовой материалистическай миронь шарьхкодемать няфтиенза. Содаф, што кодак аньцек кармасть феодалхне маряма буржуаизять виенц, то лиссь епископ Берклеень идеалистическай философияц, конань реакционнай значенияц азф В. И. Ленинонь мархта идеализмать каршес сонь боевай книганц эса. Содаф, што французскай революциянь карша XVIIIце векть песта буржуазиясь воспользовандась материалистическай мяльть мархта феодализмать и сонь вдохновителензон — религиять каршес тюремать инкса, но мзярда сяськозе соньцень классовай врагонц и од врагть эзда пролетариять пелемок, мезеньге апак учентт мрдась меки идеалистическай мировозренияти и церькавть защитанц алу. Ламода или афламода тревожнайста марезе законфтома шить и трудяй народонь массатнень ланкса эсь властенц шаткай шинц буржуазиясь марнек XIX-це векть йотамс йорась оправдандамс эсь улеманц критицизма мархта, позитивизма, рационализма, прагматизма, философиять мархта и иля чистай материалистическай мяльть искаженияса попыткатнень мархта, ся материалистическай мяльхнень коламаса, конат ле сенцть трудонь процесснень эзда. Ня попыткатне, фкя-фкянь мельге няфнезь синьцень вийфтемя шиснон „азомс“ (об“яснить) мирть и XX це векста ульсь меки признандаф, што философствующай мяльти вождекс ащи идеалист Бергсон, кинь ученияц кстати, „благоприятнай католическай религияти“. Кда тя меки фталу молемань определеннай признанияти прибавамс буржуазиять тяниень прингонь урьфонц техникать аф кирдвикста касоманц гибельнай значениянц колга, кона макссь капиталисттненьди фантастическай козя ши, то минь получатама сатомшкаста шарьхкодеви представления буржуазиять интеллектуальнай обнищаниянц колга и сонь кода историческай илядыксонь машфтоманц эрявикс шинц колга, кона наксады и наксадом йоткованза наксадомань эсь ядонц мархта тиеньди отрава мирти. Интеллектуальнай обнищанияти причинакс прокс ульсь действительностень основной мяльхнань познанияснон эзда [ 4 ]отклонениясь — эряфть эзда воргодмась сяс мес пели, сонь эздонза, и сяс мес сон эгоистическайста стреминдай покойс, сяс мес сонь эсонза социальнай равнодушия, кона лифтьф капиталистическай государствать пяк-ни пошлай и отвратительнай анархизманц мархта.
