Колхозонь эряф/1933/09/Большевицкай печатень ши
| ←Ленин советскай печатть колга | Колхозонь эряф (1933), 9 № Май ков edited by Шестов Н. С., Порватов Т. М. Большевицкай печатень ши |
Печатень шись→ |
| Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 9 № Май ков 1933 киза. — с. 2—3 |
| Большевицкай печатень ши |
Печатень шись — тя оцю ши совецкай союзса, сонь праздновасазь кели трудяй массатне. Аш тяни фкавок стама вастоня, минь келидонга—кели совецкай союзнеськонь эса, коза тяльхть пачкочне—бе книгатне, журналхне и газетатне, конат нолявихть лама нароттнень аф фкя кяльса, конат эряйхть советонь оцю странать эса.
Кизоста—кизос касыхть изданиятнень тиражсна. И тяни СССР-сь ноляви книгатнень, журналхнень количестваснон коряс ащи васенце васца сембе масторть ланкса.
Большевиконь печатть инголи фкакс путневсь задачакс — миллиононь массатнень тюрема пуроптомасна партиять ширьдя максф платтнень пящкодемаснон инкса и лисьф стака шитяень сясь комаснон инкса.
„Газетась аф аньцек коллективнай пропагандист и коллективнай агитатор, сьормаць Ленинць, — но станя жа и коллективнай организатор“. И Ленинскай тя положениять коряс Сталин ялгась азондозя, што „печатть сембе агитационнай роленц пинкста, тяниень пинкть эзда сонь организационнай ролец ащи инь живой вастокс минь строительнай работанеськонь эса“.
Нят валхне, конат сьорматфт вехса кизода инголи май ковть эзда 1923 це кизоня, марнек ашезь юмафта эсь значенияснон и 1933 це кизотькя эзда омбоце вете кизонь плантть васенце кизонц эзда. Тяни мзярда цебярьста аделаф васенце вете кизонь планць, мзярда омбоце вете кизонь плантть инголи кода политическай задачакс путф „капиталистическай элементтнень и сембе [ 3 ]класснень машфтомасна“, — печатть организующай ролец касонды сяда пяк.
Классфтома социалистическай обществати кись моли вишкя классовай тюремать пачк, пролетариатонь диктатурать пяк кемоста кемокстаманц пачк, экономияса и ломатнень сознанияса капитализмать лядыкс пяльксонзон каршес тюремать пачк.
Печатть ролец омбоце вете кизонь плантть инголя ащи историческай задачатнень пяшкодемаснон инкса пяк оцю. Классовай вракть ланкс лифнеманц вельде, сон од тактиканц ланкс лифнеманц вельде, соньдеенза эрявихть пуроптомс массатнень вракть каршес апак лотксек и кемоста тюрема. Классовай враксь путнесыень сембе виензон, штоба сяземс минь строительстванеськонь. Сон пуропцыень сембе виензон. Сон тяряфни эсь рядонзонды пуроптомс техническай интеллигенциянь кой-кона башка представительхнень, рабочайхнень, колхозникнень и сьоравиди—башка эряйхнень эзда башка колеблющай и аф кемя элементтнень. Классовай вракть тя работанц каршес минь кемекснесаськ эсь ряднеконь, кемекснесаськ пролетарскай госудрствать виенц массовайста касфнесаськ и социалистическай соревнованиять и лама миллиононь массатнень творческай энтузиазмаснон и минь большевиконь партиянеконь пропагандистонь, агитаторонь и организаторонь васенце васца ащити, конац вийхнень путнесыень оцю работань платтнень пяшкодемаснон инкса, вракть каршес тюремать и минь инголенок ащи стака шитнень сяськомаснон и машфтомаснон инкса, ащи большевиконь печаць.
Теенза эрь шинь оперативнай, практическай работань кизефкснень ланкса рабочайхнень и колхозникнень.
Тяниень пинкста большевиконь печатть сембе работац эряви ладямс партиять инголи путф сят задачатнень пяшкодемаснон инкса, конатнень путозь ЦК ать январьскай пленумоц и Сталин ялгась велеса роботать колга эсь валонц эса. Сондеенза сембе виензон эрявихть путомс пропагандисцкай, агитационнай и организационнай работанц вишкоптеманц инкса колхозникнень и трудяй сьора види башка эряйхнень йоткса партиять ширьдя арьсеф программать пяшкодеманкса синь пуроптомаснон инкса, шоряй кулакнень каршес тюремать инкса.
Маень 5 це шить эзда сембе печатти эряви ваномс кода сон пяшкочнесыень эсь задачанзон, кода сон содонтф рабочай и колхознай кели массатнень мархта.
Тя ванондомась, конац йотафневи аф салава, а массатнень мархта марса, печатть кемоняста содонцы сянь мархта, конац ащи цебярь лездыкс печатть работанцты — рабкорхнень и велеста газетав кулянь пачфнихнень мархта, кемокстазь рабвелькоронь армиять печатть тийсазь нинге сяда оржа оружиякс партияти.
Сон вишкопцы большевиконь печатть влияниянц рабочайхнень колхозникнень и башка эряй сьора вицийхнень йоткса и кемокстасыень цебярь большевиконь печатть традициянзон, конань пуроптозя Ленинць и ланксонза кирьди руководства большевиконь партиясь и сонь кельгома вождец Сталин ялгась.
Омбоце вете кизонь плантть васенце кизоц йотафневи станя, мзярда инь оцю мяль шарфневи велень хозяйствать шири, велеса партийно-массовай и политическай работать вишкоптеманц шири, колхоснень прокс большевиконь колхозкс шарфтомаснон инкса.