Колхозонь эряф/1933/09/Печатень шись

From Wikisource
Jump to navigation Jump to search
Колхозонь эряф (1933), 9 № Май ков edited by Шестов Н. С., Порватов Т. М.
Печатень шись
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 9 № Май ков 1933 киза. — с. 5
 
[5]
Печатень  шись
 

1912 кизоня маень 5 це шине лиссь „Правда“ газетать 1 це номероц и ся пинкть эзда, эрь кизоня минь праздновандаськ тя шить, кода большевиконь печатень шинь.

Большевицкай печаць эряй трудяень эряфса и тиендеви синь кяцост. „Печаць единственнай орудия, конань вельде партиясь, эрь шиня, эрь частоне корхтай рабочай класть мархта эстеенза кодама эряви кядьса. Лия тяфтама сретства, штоба таргамс духовнай китькснень партиять и рабочай классть йоткса, лия тяфтама гибкай аппарат природать эса аш“. (Сталин)

Минь партиянеське, корхтай рабочайхнень, колхозникнень и трудяй башка эряйхнень мархта центральнай областной районай печатть МТС-нь совхозонь, колхозонь и бригадань стенань газетатнень вельде.

Кодама лия партия, и лия власть машць велети тяфтама печатень пуроптома, кодама ули минь районса, велеса и мянь бригадать эса? Кодама лия партия и лия власть маштць пуроптома и касфтома кемонь и сяда тьожатть рабвелькор? Кодамова аш лие большевиконь партияда и советскай власстьта башка!

Печатть вельде минь пуропцайнек трудяень крдатнень тюрема, партиять генеральнай китьксонц йотафтманц инкса, лифнесайнек классовай вракть тевонзон, шавсаськ и тарксесаськ, юрнек сембе аф кондястить, конац шорьси сяськомань канды социализмань тиемати.

Вов мес болыневиконь печатть празникоц, сембе рабочайхнень, колхозникнень и трудяй башка эряйхнень оцю празниксна

Большевицкай печатть шинц минь праздновандасаськ аф сатфксоньконь кельгомаснон инкса. Печатть шиц, тя вийнеськонь эрек варчсема шиц, печатень шиня минь варчсесаськ, конашкава аноклафт виеньке сяда ингольдень сяськоматненди.

Большевицкай печаць лезды колхозникненди сяда цебярьста и пяшкотьста йотафтомс паксянь видемать, сьоронь шачемать касфтоманцты, апак юмафт-арафт сьоронь урядамати, пролетарскай государствать сьора мархта тиеманцты, кулаконь и колаень колхозста панемати, нолатнень прогульщикнень и колхозонь паршинь салайхнень каршес тюремати. Сон лезды колхозникненди Сталин ялгать лозунгонзон колхозникнень эрявикс тиемаснон колга, эряфс йотафтоманцты.

Печатень шись, кемокстама и ванондома ши кода печаць сатф васстнень мархта. Районнай газетада башка, аф кржа минь улихть газетаднок вельсоветова, колхозга и бригадава. Синь эрявихть кемоксстамс, синь работазост эрявихть кемокстамс синь работазост эрявихть путомс ударник—колхозникт, тиемс синь политическай оржанди, штоба пуроптолезь массатнень ударнай видемать шумордаманц инкса, трудовой дисциплинать кемокстаманц инкса, тюремати кулакти лездыхнень нолатнень, рвачнень, салайхнень и тунеядецнень каршес.

Эряви кемоста кирдемс кяцонок тя орудиять, лиякс сон пови кулакнень, колайхнень кяц!

Инь цебярь паксянь ударникнень, велькоронь ряц тердемаса, пуропцайнек трудяень крдатнень большевицкай печатть перьф.

Эрек варьчсемать вельде минь сотксонеконь газетань мархта, тийсайнек синь ниньге сяда пяк массовайкс и эрявиксонди колхозниконь и башка эряй трудяень крдатненди!

Кемоньксть виень касфтозь большевиконь видемать инкса тюрема цебярста сойнь шумордаманц инкса, сьороть апак юмафт арафт урядаманцты аноклазь государствать инголи обязательстванеконь пяшкочнезь макстама отвед печатень шить большевиконь лозунгонзонды!

 

Социализмань тиема фронтонь ударникненди — раб- велькорхненди большевиконь паравал.