Колхозонь эряф/1933/08/"Сембе масторонь пролетариятне, пуромода марс!"
| ←Сьорматфтоть али аш тон журнал „Колхозонь Эряф“? | Колхозонь эряф (1933), 8 № апрель ков edited by Шестов Н. С., Порватов Т. М. „Сембе масторонь пролетариятне, пуромода марс!“ by авторсь: Крупская, Надежда Константиновна, мокшекс ётафтозе: Аф содаф (аноним) |
Минь большевиконь маевканекя.→ |
| Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 8 № апрель ков 1933 киза. — с. 2—5 |
| Н. Крупская.
|
| „Сембе масторонь пролетариятне, пуромода марс!“ |
| (Ленин маевкатнень колга) |
Международнай конгресса 1889 кизоня ульсь путф йотафтомс 1 це маень шить сембе масторлангонь Работниконь и работницань солидарностень международнай праздникокс
Минь масторлангсонк васенце маень шись ульсь праздноваф васенда 1891 кизоня Питерьса. Сонь эсонза ульсь 300 рабочайда кржа. Ашель эста русскай рабочайхнень синцень организациясна, синцень партиясна Россияса рабочаень движениясь нинге аньцек уставакшнесь.
Питераскай рабочайхнень и лия ошонь рабочайхнень тюремаснон колга азондомста Ильичсь тяшць: „Пинге-ни миндеенеконьге, русскай рабочайхненди, сяземс синзерхнень, конатнень мархта сотомазь минь капиталисттне и правительствась, штоба кирьдемс минь люпштафста, пинге шоворемс минь тюри брадоньконь — лия государствань рабочайхнень мархта, арамс синь мархтост фкя знямя алу, конань эса тяштьф: „сембе масторлангонь рабочайхне, пуромода марс“. Англиянь, Франциянь, Германиянь и лия масторлангонь рабочайхнень тюремаснон колга корхтамста Ленин тяшць, што синь кемоста тюрезь и стака жертваса сацть эстиест прават марса ванондомс синцень рабочаень тевснон. Арьсетяма жа пара миньцень омба масторонь брадоньконди, штоба тюремась сяда курок синь пачфтелезень тоза, коза синь йорайхть, ся пинкти, мзярда аф улихть аф баярхт аф рабт, аф рабочайхть, аф капиталистт, а сембе кармайхть фкакс работама и фкакс разумнайста эряма. Ялгат, кда минь карматама дружнайста и фкя мяльса, пуромома то аф ичкозе ся пинксь, мзярда и минге, арафцаськ строяФ ряц эсь виеньконь, суватама тя марстонь тюремати сембе масторлангонь рабочайхнень мархта, аф ваномок сянь ланкс, кодама синь плямасна и верасна, сембе масторлангонь капиталасттнень каршес“ (Том 1. стр. 498) Тя ульсь сьорматф 1896 кизоня.
1904 кизоня Ленин тяшти „Васенце май“ листовка. Сон пяк ни лац сьорматф. „Машфтомс самодержавиять!“ серьгятькссь йотась сембе Рассиява. Сидеста и сидеста йотни тя серьгятькссь ульцятнень эзга, лама тьожянь рабочаень пуромска“ — тяшць тоса Ленин „Кизонда йотай кизоть кепоцть кемонь тьожятть Россиять сембе абед (юг) ширесонза, кепоцть тюрема цебярь эряфть инкса, полицейскаень люпштамать алда. Буржуазиясь и правительствась эвоцть грознай робочай армиять няемок, кона фкя кеподемаста лоткафтозе оцю ошнень эса сембе промышленностть; лама кемонь борец рабочай тевть инкса юмасть оцязоронь войскатнень пуляснон эзда, конат нолдафтольхть внутреннай вракть каршес... Аш стама вий модать ланкса, конаба срафтолезень лама миллион рабочайхнень, конат арсихть сяда пяк сознательнайкс, сяда марса и кемоста. Эрь тюремасна рабочайхнень пуропты од борецень рятт, кошарцыне массатнень молемс од эряфти анокламс од тюремати“.
Тя пинкть оцязоронь правительствась срхкафць война Япониять мархта. В. И. Ленин 1904 кизоня майскай листовкасонза тяшць „Самодержавиять мархта уставаф Японскай войнась аньцек маласкофцы сонь юмама частонц. Сон панчсыне сельмоснон инь аф сознательнай рабочайхнень тяниень государственнай стройть работанц... эряви молемс тя преступнай и розаряй войнать каршес Россиянь сембе инголи моли пролетариятненди. Синдеест эряви 1 це маень шиня — рабочай классонь международнай праздниконь шиня — няфтемс, што пролетариаць аф лувонцы эрявиксонди национальнай враждать, што русскай и японскай рабочайхне, конатне вихца эсь правительстваснон люпштамаснон мархта тюрихть фкя фкянь каршес, шарьхкоцазь эсь пряснон фкя классокс, брадонь солидарносьца содондозь“. (XV томста 535 лопа ширеста).
1905 кизонь революциясь ашезе с’рафта самодержавиять, но рабочайхненди макссь оцю организационный опыт, нят реакционнай кизотнень пролетариаць кемоста арьсезе эряфонь йотай пинкть. Ленскай событиятне апрель ковть 4-це шиня (од стильса апрель ковть 17-це шиня) 1912 кизоня няфтезь, што рабочайхнень йоткса массовай революционнай стачкань традициясь жив, забастовкатне, конат тийфт нят [ 4 ]событиятнень мархта, фатясть 300 тьожань рабочай, майскайхне — 400 тьожянь рабочай, а тяконь шовор кепоць и экономическай стачкань волнаське. 1912 кизоня майскай забастовкатнень ванондомста „Революционнай под”ем“ статьяса Ленин тяшць: „Русскай революциясь васенда ниньге тяфта вишкоптезе тя пролетарскай агитациянь методть, таргазень тюрема марс сембе массатнень“. (XV томста, 535 лопа ширеста).
1912 кизоня майда инголе ульсь арестовандаф ЦК-сь, но рабочайхне пуромсть, нолдасть листовкат тяфтама лозункса. „Демократическай республика, 8 частонь работама пинге, сявомс сембе помещиконь модатнень“, серьгятькс мархта; „Машфтомс оцязоронь прзвительствать! Шумбра улеза демократическай республикась! Шумбра улеза социализмась!“ Сембе рабочайхне лисенцть дружнайста, единай фронца тяфтама лозунк мархта жа, анокласть оцю мяльса марса самодержавиять ланкс люпштама.
1913 кизоня маевкась йотась стама жа подьемса.
Империалистическай войнась, кона срхкафтфоль 1914 кизоня, кирьдезе кепотьф пролетарскай революциянь волнать. Войнась лихтезе омбоце интернационалонь оппортунизмать, кона вятезень сембе масторлангонь пролетьриятнень фкя — фкянь аф кельгомати. Рабочай массатне максозь эсь пряснон буржуазияти воявама, кона сембе сталмонц путнезе народнай массатнень ланкс.
Ся мезеень колга, тяшнесь Ленин нинге 1904 кизоня, што „буржуазиять мархта визксфтома уставаф войнась маласькофцы сонь юмама частонц“ йотафтовсь эряфс 1917 кизоня. Васенце майста 1917 кизоня йордазь самодержавиять нароць праздновазе эсь победанц. Ленин оцю мяльса тя маевкаста Петрограца корхтась ЦК—нь трибунаста.
1917 кизоня октябрьста российскай пролетариаць, шарфць сембе масторлангонь пролетариатти шумордамс войнать, вяри кеподезе брацкай солидарностень знамять и кирьцы кепотьфста эрь пингоня.
1919 кизоня 1-це майста Ленин корхтась Москуса Краснай площаца. Сон корхнесь: „йотай кизоть 1-це майста минь улеме Германскай империализмать угрозаса. Тяни сон срафтф и калмаф. Пролетарскай шить праздновамац лиякс арась аф аньцек минь масторланксонокс. Сембе масторланкнень эса рабочайхне арасть империализмать мархта тюрема кить ланкс. Люпштамать алда лисьф рабочай классь оцю сатфкс мархта празновакшнесы эсь шинц, свободнайста и няемга аф аньцек Советскай Россияса, но и советскай Венгрияса и советскай Бавариясовок. Тячи тяконь шовор можна тангоцта азомс, што аф аньцек Краснай Москуса, Краснай Петроградса и Будапештса, но сембе пролетарскай центратнень эса рабочайхне, лиссть, аф прогулкас, а демонстрацияс, корхтайхть советскай властть значениянц и пролетариатть маластонь победанц колга“ (XXIV томста 268 лопа ширеста.)
Сембе мсторлангонь пролетариатть пбедац нинге ашезь са, Германияса дураскоткшни фашизмась, розаряйхть еврейхнень, черносотенецне, конатнень кяца власьць, аф лотксихть мезеньге инголи и эрь эсь аськолкссост няфнесазь эсь пряснон, няфнесазь, кода шава—васц кяльготнемат ульсть сембе азонфсна Европась кяжиякшни, кепсесы ялан прянц кенордайхть афи няемска Германиять, уставакшни крьвязема шовинистическай качамс. Шинь стяма ширеса (Востокса) Япониясь нинге сяда малазонза Китайть нажетькшни, кенордай сязендемс сонь пакшкянь—пакшке, розарямс.
Минь тяфта жа мзярда бди йотафтоме реакциянь кизот, но фкавок минута ашезь сомневадонда минь партиянке победатнень колга. И тяни, — минь содасаськ, — масторлангонь пролетариатть, кона макссь человечествати великай борецт и мыслительхть, мировой пролетариатть вождензон — Марксонь и Энгельсонь, аф ваномок юмай-арай буржуазиять и сонь йоряфксонзон сембе виень путоманзон ланкс, пуропты вий, арамс единай рабочай фронц и сяськомс. Тяддень кизоть, тяфтама стака сембе [ 5 ]капиталистическай масторлангонь пролетариатти, 1-це Маень шись, пролетарскай солидарностень шись кирьди башка значение.
Капитализмать полафтома моли социализмась, сонь победац ули.
1920 кизоня минь, Советскай масторсонок, 1-це маень шись ульсь сембероссиянь субботникокс — маевкакс. Тя ульсь гражданскай войнань разгарсь. Ленин эста тяшнесь: „эряви срафтомс, эряви сяда курок машфтомс тя праклятай лозункть: „эрь ломанць эстиенза, скямонза богсь сембонь инкса.” Эряви трудавой пролетарскай дисциплинать пачфтемс инь вяри и эста минь киндинге аф сяськофтама”. Аньцек самай призреннайхненди и апак мрдак капитализмати эсь прянь мий ломаттненди, можна судендамс (корхтафтомс) майть коммунистическай трудонь массовай празникокс йотафтоманц.“ „Машфтомс сире общественнай соткснень, сире пингонь экономическай отношениятнень, сире пингонь свободать, кона подчиненнай капиталистическай трудтти, сире закоттнень, сире привычкатнень. Карматама строяма од общества. Минь ашемазь эвфне поражениятне великай революционнай тюремань йотафтомаса царизмать каршес, буржуазиять каршес, сембе масторлангонь — могущественнай империалистическай державатнень каршес Минь аф эвфнесамазь гигантскай стакатне и васенце стака эльбятьксне сяс, мес тевсь сембе трудовой навыкса и нраваса — тевсь кемонь кизонь пингонь. И минь макстама фкя фкянди торжественнай обещание, што минь аноктама всякай жертвас, што минь кирьттяма и ащетяма тя самай стака тюремаса, тюремаса привичкань вийса, што минь карматама работама кядень апак путт кизот и лама кемонь кизот.“ (XXV томста 256 лопаширеста). Ильичсь тернезень рабочай массатнень практическайста социализмань тиемати.
Советскай властть 16 це кизонь эрямастонза СССР нь пролетариаць ляткшни вернайкс брадонь солидарностень лозунгти, черносотеннай кяльготни режимть каршес путнесыне Марксонь—Энгельсонь—Ленинонь—Сталинонь лозункснон: „Шумбра улеза социализмась сембе масторлангса“!. „Шумбра улеза сембе масторлангонь социалистическай революциясь“!.
 This is a translation and has a separate copyright status from the original text. The license for the translation applies to this edition only.
| |
| Original: |
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
The author died in 1939, so this work is also in the public domain in other countries and areas where the copyright term is the author's life plus 84 years or less (if applicable), or the copyright term is 90 years or less since publication (if applicable).
Public domainPublic domainfalsefalse |
| Translation: |
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This anonymous or pseudonymous work is also in the public domain in other countries and areas where the copyright term of anonymous or pseudonymous works is 90 years or less since publication.
Public domainPublic domainfalsefalse |
